ਲੁਧਿਆਣਾ ’ਚ ਕੰਗਨਾ ਰਣੌਤ ਦੇ ਖ਼ਿਲਾਫ਼ ਅਦਾਲਤ ’ਚ ਕੇਸ

ਆਜਾਦੀ ਪ੍ਰਤੀ ਵਿਵਾਦਤ ਬਿਆਨ ਦੇ ਕੇ ਬਾਲੀਵੁੱਡ ਅਦਾਕਾਰਾ ਕੰਗਨਾ ਰਨੌਤ (Kangna Ranaut) ਨੇ ਝੰਜਟ ਸਹੇੜ ਲਿਆ ਹੈ। ਕਿਸਾਨ ਆਗੂ ਤੇ ਹੋਰ ਦੇਸ਼ ਪ੍ਰੇਮੀਆਂ ਨੇ ਇਸ ਮੁੱਦੇ ’ਤੇ ਉਸ ਨੂੰ ਘੇਰਾ ਪਾ ਲਿਆ ਹੈ। ਹੁਣ ਲੁਧਿਆਣਾ ਦੇ ਇੱਕ ਵਕੀਲ ਨੇ ਅਦਾਲਤ ਵਿੱਚ ਕੇਸ ਦਾਖਲ (Case filed in Ludhiana Court) ਕਰ ਦਿੱਤਾ ਹੈ। ਇਸ ਦੀ ਸੁਣਵਾਈ ਛੇਤੀ ਹੋਵੇਗੀ।

ਲੁਧਿਆਣਾ: ਬਾਲੀਵੁੱਡ ਅਦਾਕਾਰਾ ਕੰਗਨਾ ਰਨੌਤ ਵੱਲੋਂ ਬੀਤੇ ਦਿਨੀਂ ਦੇਸ਼ ਦੀ ਆਜ਼ਾਦੀ ਨੂੰ ਲੈ ਕੇ ਦਿੱਤੇ ਗਏ ਵਿਵਾਦਿਤ ਬਿਆਨ ਤੇ ਜਿੱਥੇ ਸਿਆਸਤ ਲਗਾਤਾਰ ਗਰਮਾਉਂਦੀ ਜਾ ਰਹੀ ਹੈ ਉਥੇ ਹੀ ਲੁਧਿਆਣਾ ਤੋਂ ਸਮਾਜ ਸੇਵੀ ਅਤੇ ਸੀਨੀਅਰ ਵਕੀਲ ਨਰਿੰਦਰ ਆਦਿਆ ਨੇ ਕੰਗਨਾ ਰਣੌਤ ਦੇ ਖ਼ਿਲਾਫ਼ ਅਦਾਲਤ ਚ ਕੇਸ ਫਾਈਲ ਕੀਤਾ ਹੈ ਜਿਸ ਦੀ ਕੱਲ ਸੁਣਵਾਈ ਹੋਣੀ ਹੈ। ਅਦਿਆ ਨੇ ਕਿਹਾ ਕਿ 124 ਆਈ ਪੀ ਸੀ, 153 ਅਤੇ 153 ਏ ਦੇ ਨਾਲ 499 ਤਹਿਤ ਕੇਸ ਫਾਈਲ ਕੀਤਾ ਗਿਆ ਹੈ।

ਨਰਿੰਦਰ ਅਦਿਆ ਨੇ ਕਿਹਾ ਕਿ ਕੰਗਨਾ ਰਨੌਤ ਨੇ ਜੋ ਆਜ਼ਾਦੀ ਨੂੰ ਲੈਕੇ ਬਿਆਨ ਦਿੱਤਾ ਹੈ ਉਹ ਬੇਹੱਦ ਮੰਦਭਾਗਾ ਹੈ ਉਨ੍ਹਾਂ ਕਿਹਾ ਕਿ ਇਸ ਮਾਮਲੇ ਤੇ ਕਾਰਵਾਈ ਹੋਣੀ ਚਾਹੀਦੀ ਹੈ ਉਨ੍ਹਾਂ ਕਿਹਾ ਕਿ ਕੰਗਨਾ ਰਨੌਤ ਤੇ ਦੇਸ਼ ਧ੍ਰੋਹ ਦਾ ਮਾਮਲਾ ਦਰਜ ਹੋਣ ਚਾਹੀਦਾ ਹੈ ਉਨ੍ਹਾਂ ਕਿਹਾ ਕਿ ਪਹਿਲਾਂ ਉਹ ਕੇਸ ਪੁਲਿਸ ਸਟੇਸ਼ਨ ਦਰਜ ਕਰਵਾਉਣ ਗਏ ਸਨ ਪਰ ਉਨ੍ਹਾਂ ਵਲੋਂ ਕੋਈ ਕਾਰਵਾਈ ਨਾ ਕਰਨ ਕਰਕੇ ਉਨ੍ਹਾਂ ਅਦਾਲਤ ਚ ਕੇਸ ਲਗਵਾਇਆ ਜਿਸ ਦੀ ਕੱਲ੍ਹ ਸੁਣਵਾਈ ਹੋਏਗੀ।