ਨਸ਼ੇ ਦੀ ਖਾਤਰ ਨਸ਼ੇੜੀ ਨੇ ਲਈ ਇੱਕ ਨੌਜਵਾਨ ਦੀ ਲਈ ਜਾਨ

ਜਸਵੀਰ ਸਿੰਘ ਯੋਗਾ ਦੇਰ ਰਾਤ ਆਪਣੇ ਜੀਜੇ ਨਾਲ ਦਵਾਈ ਲੈ ਕੇ ਪਿੰਡ ਜਾ ਰਿਹਾ ਸੀ ਤਾਂ ਰਸਤੇ ’ਚ ਇੱਕ ਨਸ਼ੇੜੀ ਨੇ ਉਹਨਾਂ ’ਤੇ ਅਚਾਨਕ ਹਮਲਾ ਕਰ ਦਿੱਤਾ। ਜਿਸ ਕਾਰਨ ਜਸਵੀਰ ਸਿੰਘ ਬੁਰ੍ਹੀ ਤਰ੍ਹਾਂ ਜਖਮੀ ਹੋ ਗਿਆ ਤੇ ਉਸ ਦੀ ਮੌਤ ਗਈ ਜਦਕਿ ਨਸ਼ੇੜੀ ਪੈਸੇ ਲੈ ਫਰਾਰ ਹੋ ਗਿਆ।

ਲੁਧਿਆਣਾ: ਹਲਕਾ ਸਮਰਾਲਾ ’ਚ ਦਿਨੋ-ਦਿਨ ਲੁੱਟ ਖੋਹਾ ਦੇ ਮਾਮਲੇ ਵਧਦੇ ਹੀ ਜਾ ਰਹੇ ਹਨ ਤੇ ਇਹ ਲੁਟੇਰੇ ਲੁੱਟ ਦੀ ਵਾਰਦਾਤ ਨੂੰ ਅੰਜਾਮ ਦੇਣ ਲਈ ਕਿਸੇ ਵੀ ਹੱਦ ਤੱਕ ਜਾ ਸਕਦੇ ਹਨ ਤਾਜਾ ਮਾਮਲਾ ਸਮਰਾਲਾ ਦੇ ਨਜ਼ਦੀਕ ਪੈਂਦੇ ਪਿੰਡ ਢਿੱਲਵਾਂ ਦਾ ਹੈ ਜਿਥੇ ਦੇਰ ਰਾਤ ਮੋਟਰਸਾਇਕਲ ’ਤੇ ਘਰ ਪਰਤ ਰਹੇ 2 ਨੌਜਵਾਨ ’ਤੇ ਲੁਟੇਰੇ ਨੇ ਤੇਜ਼ਧਾਰ ਹਥਿਆਰ ਨਾਲ ਹਮਲਾ ਕਰ ਦਿੱਤਾ ਜਿਸ ਕਾਰਨ ਇੱਕ ਨੌਜਵਾਨ ਦੀ ਮੌਕੇ ’ਤੇ ਹੀ ਮੌਤ ਹੋ ਗਈ। ਮ੍ਰਿਤਕ ਤਿੰਨ ਭੈਣਾਂ ਦਾ ਇਕਲੌਤਾ ਭਰਾ ਸੀ ਜੋ ਕਿ ਘਟਨਾ ਸਮੇ ਆਪਣੇ ਇੱਕ ਰਿਸ਼ਤੇਦਾਰ ਨਾਲ ਦਵਾਈ ਲੈ ਕੇ ਆਪਣੇ ਪਿੰਡ ਢਿੱਲਵਾਂ ਵਾਪਸ ਪਰਤ ਰਿਹਾ ਸੀ।

ਜਾਣਕਾਰੀ ਅਨੁਸਾਰ ਜਸਵੀਰ ਸਿੰਘ ਯੋਗਾ ਦੇਰ ਰਾਤ ਆਪਣੇ ਜੀਜੇ ਨਾਲ ਦਵਾਈ ਲੈ ਕੇ ਪਿੰਡ ਜਾ ਰਿਹਾ ਸੀ ਤਾਂ ਰਸਤੇ ’ਚ ਇੱਕ ਨਸ਼ੇੜੀ ਨੇ ਉਹਨਾਂ ’ਤੇ ਅਚਾਨਕ ਹਮਲਾ ਕਰ ਦਿੱਤਾ। ਜਿਸ ਕਾਰਨ ਜਸਵੀਰ ਸਿੰਘ ਬੁਰ੍ਹੀ ਤਰ੍ਹਾਂ ਜਖਮੀ ਹੋ ਗਿਆ ਤੇ ਉਸ ਦੀ ਮੌਤ ਗਈ ਜਦਕਿ ਨਸ਼ੇੜੀ ਪੈਸੇ ਲੈ ਫਰਾਰ ਹੋ ਗਿਆ। ਮੌਕੇ ’ਤੇ ਪੁਲਿਸ ਨੇ ਪਹੁੰਚ ਕੇ ਲਾਸ਼ ਨੂੰ ਕਬਜੇ ’ਚ ਲੈ ਲਿਆ ਹੈ ਤੇ ਮੁਲਜ਼ਮ ਦੀ ਭਾਲ ਕੀਤੀ ਜਾ ਰਹੀ ਹੈ।