ਲੁਧਿਆਣਾ: ਬਾਲੀਵੁੱਡ ਅਦਾਕਾਰਾ ਕੰਗਨਾ ਰਣੌਤ ਵੱਲੋਂ ਬੀਤੇ ਦਿਨੀਂ ਸੋਸ਼ਲ ਮੀਡੀਆ 'ਤੇ ਪੰਜਾਬ ਦੀ ਬਜ਼ੁਰਗ ਮਾਤਾ ਨੂੰ 100 ਰੁਪਏ ਲੈ ਕੇ ਧਰਨੇ ਵਿੱਚ ਸ਼ਾਮਲ ਹੋਣ ਦੀ ਟਿਪਣੀ ਕੀਤੀ ਹੈ। ਕੰਗਨਾ ਦੀ ਬਜ਼ੁਰਗ ਮਾਤਾ ਨੂੰ ਟਿਪਣੀ ਕਰਨ 'ਤੇ ਲਗਾਤਾਰ ਵਿਰੋਧ ਕੀਤਾ ਜਾ ਰਿਹਾ ਹੈ।
ਲੁਧਿਆਣਾ ਦੇ ਸਮਾਜ ਸੇਵੀ ਨੇ ਕੰਗਨਾ ਰਣੌਤ ਦਾ ਪੁਤਲਾ ਬਣਾਕੇ ਕੀਤਾ ਆਪ੍ਰੇਸ਼ਨ
ਇਕ ਪਾਸੇ ਜਿੱਥੇ ਪੰਜਾਬੀ ਅਦਾਕਾਰ ਕੰਗਨਾ ਨੂੰ ਟਵਿੱਟਰ 'ਤੇ ਇਸ ਦਾ ਜਵਾਬ ਦੇ ਰਹੇ ਹਨ, ਉੱਥੇ ਹੀ ਇਹ ਜੰਗ ਹੁਣ ਸੜਕਾਂ 'ਤੇ ਆ ਗਈ ਹੈ। ਸਮਾਜ ਸੇਵੀ ਗੁਰਕਰਨ ਨੇ ਕੰਗਨਾ ਦਾ ਪੁਤਲਾ ਬਣਾਕੇ ਹਾਸਮਈ ਢੰਗ ਨਾਲ ਉਸ ਦੇ ਦਿਮਾਗ ਦਾ ਆਪ੍ਰੇਸ਼ਨ ਕਰਕੇ ਘਾਹ ਫੂਸ ਕੱਢਿਆ। ਉਨ੍ਹਾਂ ਕਿਹਾ ਕਿ ਕੰਗਨਾ ਦੇ ਦਿਮਾਗ ਵਿੱਚ ਘਾਹ ਫੂਸ ਭਰਿਆ ਹੋਇਆ ਹੈ।