ਜਲੰਧਰ: ਜਲੰਧਰ ਕੈਂਟ ਦੇ ਥਾਣਾ ਵਿਚ ਵਿਜੀਲੈਂਸ ਬਿਊਰੋ ਦੀ ਟੀਮ ਨੇ ਵੱਡੀ ਰੇਡ ਕੀਤੀ ਪੁਲਿਸ ਥਾਣਾ ਕੈਂਟ ਦੇ ਤੈਨਾਤ ਏਐਸਆਈ ਅਤੇ ਹੈੱਡ ਕਾਂਸਟੇਬਲ ਨੂੰ ਰਿਸ਼ਵਤ ਲੈਂਦੇ ਰੰਗੇ ਹੱਥੀਂ ਗ੍ਰਿਫਤਾਰ ਕੀਤਾ। ਮੁਲਜ਼ਮਾਂ ਤੋਂ ਰਿਸ਼ਵਤ ਲੈਂਦੇ ਰੰਗੇ ਹੱਥ ਵੀਹ ਹਜ਼ਾਰ ਰੁਪਏ ਬਰਾਮਦ ਕੀਤੇ ਗਏ ਹਨ।
ਵਿਜੀਲੈਂਸ ਵਿਭਾਗ ਦੇ ਡੀਐੱਸਪੀ ਦਲਬੀਰ ਸਿੰਘ ਨੇ ਦੱਸਿਆ ਕਿ ਕਪੂਰਥਲਾ ਰੋਡ 'ਤੇ ਸਥਿਤ ਮੁਹੱਲਾ ਬਾਗ ਬਿਹਾਰੀਆਂ ਨਿਵਾਸੀ ਕੁਸ਼ ਕੁਮਾਰ ਨੇ ਸ਼ਿਕਾਇਤ ਵਿੱਚ ਦੱਸਿਆ ਸੀ ਕਿ ਕੁੱਝ ਦਿਨਾਂ ਪਹਿਲਾਂ ਉਸਦਾ ਦੋਸ਼ ਰਾਜੇਂਦਰ ਕੁਮਾਰ ਉਸ ਦੀ ਕਾਰ ਕਿਸੇ ਰਿਸ਼ਤੇਦਾਰ ਦੇ ਕੋਲ ਲਿਜਾਣ ਦੇ ਬਹਾਨੇ ਲੈ ਗਿਆ ਸੀ। ਪਰ ਉਹ ਸਾਰਾ ਦਿਨ ਵਾਪਸ ਨਹੀਂ ਆਇਆ ਅਗਲੇ ਦਿਨ ਜਦੋਂ ਉਹ ਵਾਪਸ ਆਇਆ ਤਾਂ ਉਸਨੇ ਦੱਸਿਆ ਕਿ ਕਾਰ ਵਿੱਚ ਉਹ ਅਵੈਦ ਸ਼ਰਾਬ ਲਿਆ ਰਿਹਾ ਸੀ ਜੋ ਕਿ ਥਾਣਾ ਕੈਂਟ ਦੀ ਪੁਲੀਸ ਨੇ ਫੜ ਲਈ ਸੀ ਉਸਦੇ ਖਿਲਾਫ ਅਵੈਦ ਸ਼ਰਾਬ ਦੀ ਤਸਕਰੀ ਦਾ ਦੋਸ਼ ਲੱਗਿਆ ਅਤੇ ਕੇਸ ਦਰਜ ਹੋਇਆ ਹੈ ਉਸ ਨੂੰ ਜ਼ਮਾਨਤ ਮਿਲੀ ਹੈ ਪਰ ਕਾਰ ਨਹੀਂ ਛੁਡਵਾਈ ਗਈ ਹੈ।