ਜਲੰਧਰ: ਲੁਧਿਆਣਾ ਕਚਹਿਰੀਆਂ ਵਿਖੇ ਹੋਏ ਬੰਬ ਧਮਾਕਿਆਂ (Bomb blasts)ਨੂੰ ਦੇਖਦੇ ਹੋਏ। ਜਿੱਥੇ ਪੰਜਾਬ ਵਿੱਚ ਕਚਹਿਰੀਆਂ ਵਿਖੇ ਪੁਲੀਸ ਬੰਦੋਬਸਤ ਖੜੇ ਕਰ ਦਿੱਤੇ ਗਏ ਹਨ। ਇਸੇ ਦੇ ਚਲਦੇ ਜਲੰਧਰ ਵਿਖੇ ਵੀ ਕੁਝ ਅਜਿਹਾ ਹੀ ਦੇਖਣ ਨੂੰ ਮਿਲਿਆ। ਜਲੰਧਰ ਕੋਰਟ ਵਿਖੇ ਲੁਧਿਆਣਾ ਵਿਚ ਹੋਏ ਬਲਾਸਟ ਤੋਂ ਬਾਅਦ ਪੁਲਿਸ ਸੁਰੱਖਿਆ (Police security after the blast) ਹੋਰ ਵਧਾ ਦਿੱਤੀ ਗਈ ਹੈ।
ਜਲੰਧਰ ਕੋਰਟ ਵਿਖੇ ਪੁਲਿਸ ਦੇ ਸਖ਼ਤ ਇੰਤਜ਼ਾਮ
ਆਮ ਤੌਰ ਤੇ ਜਿੱਥੇ ਕਚਹਿਰੀਆਂ ਵਿੱਚ ਹਜ਼ਾਰਾਂ ਲੋਕਾਂ ਦੀ ਭੀੜ ਦੇ ਚੱਲਦੇ ਮਹਿਜ਼ ਕੁਝ ਮੁਲਾਜ਼ਮ ਹੀ ਡਿਊਟੀ ਤੇ ਤਾਇਨਾਤ ਹੁੰਦੇ ਸੀ। ਉਹਦੇ ਦੂਸਰੇ ਪਾਸੇ ਕੋਰਟ ਦੇ ਗੇਟ ਉਪਰ ਹੀ ਸੱਤ ਤੋਂ ਅੱਠ ਮੁਲਾਜ਼ਮਾਂ ਦੀ ਡਿਊਟੀ ਲਗਾ ਦਿੱਤੀ ਗਈ ਹੈ ਅਤੇ ਹਰ ਕਿਸੇ ਨੂੰ ਤਲਾਸ਼ੀ ਤੋਂ ਬਾਅਦ ਹੀ ਕੋਰਟ ਦੇ ਅੰਦਰ ਦਾਖ਼ਲ ਹੋਣ ਦੀ ਇਜਾਜ਼ਤ ਦਿੱਤੀ ਜਾ ਰਹੀ ਹੈ।