ਜਲੰਧਰ:ਗੁਰਾਇਆ ਦੇ ਪਿੰਡ ਔਜਲਾ ਢੱਕ ਵਿਖੇ ਦੇਰ ਰਾਤ ਇਕ ਦਰਦਨਾਕ ਹਾਦਸਾ ਵਾਪਰ ਗਿਆ। ਜਿਸ 'ਚ ਇਕ ਦੀ ਮੌਤ ਹੋ ਗਈ ਜਦਕਿ 14 ਦੇ ਕਰੀਬ ਪਰਵਾਸੀ ਮਜ਼ਦੂਰ ਜ਼ਖ਼ਮੀ ਹੋ ਗਏ। ਇਸ ਸੰਬੰਧੀ ਜਾਣਕਾਰੀ ਦਿੰਦੇ ਹੋਏ ਪਰਵਾਸੀ ਮਜ਼ਦੂਰ ਜੁਗਲ ਮੰਡਲ ਅਤੇ ਉਸ ਦੇ ਸਾਥੀ ਨੇ ਦੱਸਿਆ ਕਿ ਉਹ ਪਿੰਡ ਅੱਪਰਾ ਦੇ ਸ਼ੈਲਰ ਤੋਂ ਟਰਾਲੀ ਵਿਚ ਸਵਾਰ ਹੋ ਕੇ ਫਗਵਾੜਾ ਦੀ ਦਾਣਾ ਮੰਡੀ ਨੂੰ ਆ ਰਹੇ ਸਨ।
ਸੜਕ ਹਾਦਸੇ 'ਚ ਇਕ ਦੀ ਹੋਈ ਮੌਤ 14 ਗੰਭੀਰ ਜ਼ਖ਼ਮੀ
ਇਸ ਦੌਰਾਨ ਦੁਸਾਂਝਾਂ ਰੋਡ ’ਤੇ ਪਿੰਡ ਔਜਲਾ ਢੱਕ ਨੇੜੇ ਸਾਹਮਣੇ ਤੋਂ ਆ ਰਹੇ ਖਾਦ ਦੇ ਭਰੇ ਇਕ ਟਰੱਕ ਦੀ ਟਰਾਲੀ ਨਾਲ ਆਹਮੋ-ਸਾਹਮਣੇ ਟੱਕਰ ਹੋ ਗਈ ਜਿਸ ਨਾਲ ਟਰਾਲੀ ’ਚ ਸਵਾਰ ਮਜ਼ਦੂਰਾਂ ਦੇ ਗੰਭੀਰ ਸੱਟਾਂ ਆਈਆਂ ਜਦਕਿ ਟਰੱਕ ਡਰਾਈਵਰ ਸੰਤੋਖ ਸਿੰਘ ਵਾਸੀ ਬੰਗਾ ਦੀ ਮੌਕੇ ’ਤੇ ਹੀ ਦਰਦਨਾਕ ਮੌਤ ਹੋ ਗਈ।