ਜਲੰਧਰ: ਇੱਕ ਪਾਸੇ ਜਿੱਥੇ ਸਰਕਾਰਾਂ ਮਜ਼ਦੂਰਾਂ ਨੂੰ ਘਰੋਂ-ਘਰੀ ਭੇਜਣ ਲਈ ਵਿਸ਼ੇਸ਼ ਟਰੇਨਾਂ ਦਾ ਇੰਤਜ਼ਾਮ ਕਰ ਰਹੀਆਂ ਹਨ। ਉਧਰ ਦੂਸਰੇ ਪਾਸੇ ਸੈਂਕੜੇ ਮਜ਼ਦੂਰ ਅਤੇ ਉਨ੍ਹਾਂ ਦੇ ਪਰਿਵਾਰ ਅਜਿਹੇ ਵੀ ਹਨ ਜੋ ਆਪਣੇ ਟਿਕਾਣਿਆਂ ਤੋਂ ਘਰਾਂ ਵੱਲ ਪੈਦਲ ਤੁਰ ਪਏ ਹਨ।
ਵੇਖੋ ਵੀਡੀਓ
ਜਲੰਧਰ ਵਿੱਚ ਵੀ ਹਾਲਾਂਕਿ ਪ੍ਰਸ਼ਾਸਨ ਵੱਲੋਂ ਮਜ਼ਦੂਰਾਂ ਲਈ ਘਰੋਂ-ਘਰੀਂ ਭੇਜਣ ਲਈ ਵਿਸ਼ੇਸ਼ ਟਰੇਨਾਂ ਦੇ ਇੰਤਜ਼ਾਮ ਕੀਤੇ ਗਏ ਹਨ ਪਰ ਇਸ ਸਭ ਦੇ ਵਿੱਚ ਉਹ ਮਜ਼ਦੂਰ ਵੀ ਹਨ ਜੋ ਆਪਣਾ ਘਰ ਵੀ ਛੱਡ ਚੁੱਕੇ ਹਨ ਅਤੇ ਟਰੇਨ ਵਿੱਚ ਵੀ ਨਹੀਂ ਬੈਠ ਪਾਏ, ਹੁਣ ਇਹ ਆਪਣੇ ਬੱਚਿਆਂ ਅਤੇ ਪਰਿਵਾਰਾਂ ਨੂੰ ਲੈ ਕੇ ਖੁੱਲ੍ਹੇ ਮੈਦਾਨਾਂ ਵਿੱਚ ਦਿਨ ਕੱਟਣ ਨੂੰ ਮਜਬੂਰ ਹਨ।
ਅਜਿਹੇ ਹੀ ਕੁਝ ਮਜ਼ਦੂਰ ਜਲੰਧਰ ਦੇ ਲੱਧੇਵਾਲੀ ਪਿੰਡ ਦੇ ਲਾਗੇ ਖਾਲੀ ਪਲਾਟਾਂ ਵਿੱਚ ਰਾਤ ਕੱਟਣ ਨੂੰ ਮਜਬੂਰ ਹਨ, ਜਿਨ੍ਹਾਂ ਨੇ ਆਪਣੇ ਪਿੰਡ ਆਪਣੇ ਘਰਾਂ ਨੂੰ ਜਾਣ ਲਈ ਆਪਣਾ ਪੁਰਾਣਾ ਠਿਕਾਣਾ ਵੀ ਛੱਡ ਦਿੱਤਾ।