ਜਲੰਧਰ: ਵੇਈ ਦਾ ਪਾਣੀ ਦੂਸ਼ਿਤ ਹੋਣ ਦਾ ਮਾਮਲਾ ਕਾਫ਼ੀ ਸਮੇਂ ਤੋਂ ਕੋਰਟ ਵਿੱਚ ਚੱਲ ਰਿਹਾ ਸੀ ਜਿਸ ਤੇ ਸੁਣਵਾਈ ਕਰਦੇ ਹੋਏ ਹਾਈਕੋਰਟ ਨੇ ਜਲੰਧਰ ਦੀਆਂ ਲੈਦਰ ਕੰਪਲੈਕਸ ਦੀਆਂ ਫ਼ੈਕਟਰੀਆਂ ਨੂੰ ਬੰਦ ਕਰਨ ਦੇ ਨਿਰਦੇਸ਼ ਦੇ ਦਿੱਤੇ ਸਨ। ਹਾਈ ਕੋਰਟ ਦੇ ਨਿਰਦੇਸ਼ ਦਾ ਪਾਲਨ ਕਰਦੇ ਹੋਏ ਬਿਜਲੀ ਵਿਭਾਗ ਨੇ ਲੈਦਰ ਕੰਪਲੈਕਸ ਦੀਆਂ 60 ਤੋਂ 70 ਫੈਕਟਰੀਆਂ ਦੇ ਇੱਕ ਨਵੰਬਰ ਤੋਂ ਬਿਜਲੀ ਕਨੈਕਸ਼ਨ ਕੱਟ ਦਿੱਤੇ ਹਨ ਅਤੇ ਉਨ੍ਹਾਂ ਦੇ ਜਰਨੇਟਰ ਤੱਕ ਵੀ ਸੀਲ ਕਰ ਦਿੱਤੇ ਗਏ।
ਵੇਖੋ ਵੀਡੀਓ
ਇਨ੍ਹਾਂ ਫ਼ੈਕਟਰੀਆਂ ਨੂੰ ਬੰਦ ਹੋਏ ਅੱਜ 27 ਦਿਨ ਹੋ ਗਏ ਹਨ। ਜਿੱਥੇ, ਇੱਕ ਪਾਸੇ ਫ਼ੈਕਟਰੀਆਂ ਬੰਦ ਹੋਣ ਨਾਲ ਮਾਲਕ ਪ੍ਰੇਸ਼ਾਨ ਹਨ ਉੱਥੇ ਘੱਟੋ ਘੱਟ 6 ਹਜ਼ਾਰ ਮਜ਼ਦੂਰ ਵੀ ਬੇਰੁਜ਼ਗਾਰ ਹੋ ਗਏ ਹਨ। ਘਰ ਦਾ ਖ਼ਰਚ ਚੁੱਕਣਾ ਵੀ ਬਹੁਤ ਮੁਸ਼ਕਿਲ ਹੋ ਗਿਆ ਹੈ। ਮਜ਼ਦੂਰਾਂ ਦਾ ਕਹਿਣਾ ਹੈ ਕਿ ਉਨ੍ਹਾਂ ਕੋਲੋਂ ਨਾ ਬੱਚਿਆਂ ਦੀ ਫ਼ੀਸ ਦਿੱਤੀ ਜਾ ਰਹੀ ਹੈ ਅਤੇ ਨਾ ਹੀ ਘਰ ਦਾ ਕੋਈ ਕੰਮ ਕੀਤਾ ਜਾ ਰਿਹਾ ਹੈ। ਸਿਰਫ਼ ਇਹੀ ਨਹੀਂ ਉਨ੍ਹਾਂ ਦੇ ਪਰਿਵਾਰ ਵਾਲੇ ਵੀ ਬਹੁਤ ਪ੍ਰੇਸ਼ਾਨ ਹਨ।