ਜਲੰਧਰ: ਆਮ ਤੌਰ 'ਤੇ ਘਰ ਦੀਆਂ ਮਹਿਲਾਵਾਂ ਦੀਆਂ ਅੱਖਾਂ ਵਿੱਚ ਪਿਆਜ਼ ਕੱਟਣ ਲੱਗੇ ਅੱਥਰੂ ਆਉਂਦੇ ਸੀ, ਪਰ ਹੁਣ ਇਹ ਅਥਰੂ ਬਿਨਾਂ ਪਿਆਜ਼ ਕੱਟੇ ਆ ਰਹੇ ਹਨ। ਹੁਣ ਜਦੋਂ ਕੋਈ ਵੀ ਇਨਸਾਨ ਦੁਕਾਨ 'ਤੇ ਪਿਆਜ਼ ਲੈਣ ਜਾਂਦਾ ਹੈ, ਤਾਂ ਉੱਥੇ ਵੀ ਉਨ੍ਹਾਂ ਦੇ ਮਨ ਹੀ ਮਨ ਵਿੱਚ ਅੱਥਰੂ ਨਿਕਲ ਆਉਂਦੇ ਹਨ। ਪਿਆਜ਼ਾਂ ਦੀ ਕੀਮਤ ਇਸ ਵੇਲੇ 80 ਰੁਪਏ ਤੋਂ ਲੈ ਕੇ 100 ਰੁਪਏ ਵਿੱਚ ਚੱਲ ਰਹੀ ਹੈ ਜਿਸ ਕਾਰਕ ਰਸੋਈ ਵਿੱਚ ਸਬਜ਼ੀ ਨੂੰ ਤੜਕਾ ਲਗਾਉਣਾ ਮਹਿੰਗਾ ਪੈ ਰਿਹਾ ਹੈ।
ਹੁਣ ਜੇਕਰ ਤੜਕੇ ਲਈ ਪਿਆਜ਼ ਕੱਟਿਆ ਜਾਂਦਾ ਹੈ, ਤਾਂ ਲੋਕ ਸਲਾਦ ਵਿੱਚ ਪਿਆਜ਼ ਖਾਣ ਤੋਂ ਕਤਰਾਉਂਦੇ ਵਿਖਾਈ ਦੇ ਰਹੇ ਹਨ। ਘਰੇਲੂ ਮਹਿਲਾਵਾਂ ਦਾ ਕਹਿਣਾ ਹੈ ਕਿ ਪਿਆਜ਼ ਦੇ ਇਸ ਤਰ੍ਹਾਂ ਮਹਿੰਗਾ ਹੋਣ ਕਰਕੇ ਹੁਣ ਪਿਆਜ਼ਾਂ ਦਾ ਖ਼ਰਚਾ ਚੁੱਕਣਾ ਹੀ ਮੁਸ਼ਕਿਲ ਹੋ ਗਿਆ ਹੈ। ਇਸ ਲਈ ਸਰਕਾਰ ਨੂੰ ਪਿਆਜ਼ ਦੀਆਂ ਕੀਮਤਾਂ ਨੂੰ ਕੇ ਜਲਦ ਤੇ ਜ਼ਰੂਰੀ ਕਦਮ ਚੁੱਕਣੇ ਚਾਹੀਦੇ ਹਨ।
ਵੇਖੋ ਵੀਡੀਓ