ਜਲੰਧਰ: ਜਲੰਧਰ ਦੇ ਨਿਊ ਦਿਓਲ ਨਗਰ 'ਚ ਚੋਰਾਂ ਵਲੋਂ ਦਿਨ ਦਿਹਾੜੇ ਹੀ ਘਰ 'ਚ ਦਾਖਲ ਹੋ ਚੋਰੀ ਦੀ ਕੋਸ਼ਿਸ਼ ਕੀਤੀ ਗਈ। ਇਸ 'ਚ ਘਰ ਦੇ ਮਾਲਕ ਵਲੋਂ ਇੱਕ ਚੋਰ ਨੂੰ ਕਾਬੂ ਕਰ ਲਿਆ ਗਿਆ, ਜਦਕਿ ਚੋਰ ਦਾ ਦੂਜਾ ਸਾਥੀ ਭੱਜਣ 'ਚ ਕਾਮਯਾਬ ਹੋ ਗਿਆ। ਚੋਰਾਂ ਵਲੋਂ ਘਰ 'ਚ ਦਾਖਲ ਹੋ ਕੇ ਟੂਟੀਆਂ ਅਤੇ ਏ.ਸੀ ਦਾ ਪਾਇਪ ਚੋਰੀ ਕੀਤਾ ਗਿਆ ਸੀ।
ਦਿਨ ਦਿਹਾੜੇ ਚੋਰੀ ਦੀ ਕੋਸ਼ਿਸ਼, ਲੋਕਾਂ ਨੇ ਚੋਰ ਕੀਤਾ ਕਾਬੂ
ਇਸ ਸਬੰਧੀ ਘਰ ਦੇ ਮਾਲਕ ਦਾ ਕਹਿਣਾ ਕਿ ਜਦੋਂ ਉਹ ਘਰ ਦੇ ਬਾਹਰ ਕੰਮ ਕਰ ਰਿਹਾ ਸੀ ਤਾਂ ਇੱਕ ਨੌਜਵਾਨ ਦੀਵਾਰ ਤੋਂ ਟੱਪ ਬਾਹਰ ਆਇਆ, ਜਦੋਂ ਉਸ ਨੂੰ ਰੋਕਿਆ ਗਿਆ ਤਾਂ ਉਸ ਨੇ ਭਾਜਣ ਦੀ ਕੋਸ਼ਿਸ਼ ਕੀਤੀ। ਉਨ੍ਹਾਂ ਦੱਸਿਆ ਕਿ ਨੌਜਵਾਨ ਨੂੰ ਕਾਬੂ ਕਰਕੇ ਜਦੋਂ ਦੇਖਿਆ ਤਾਂ ਘਰ ਦੀਆਂ ਟੂਟੀਆਂ ਅਤੇ ਏ.ਸੀ ਦਾ ਪਾਇਪ ਚੋਰੀ ਕਰਕੇ ਲਿਜਾ ਰਿਹਾ ਸੀ। ਉਨ੍ਹਾਂ ਦੱਸਿਆ ਕਿ ਚੋਰ ਨੂੰ ਕਾਬੂ ਕਰਕੇ ਪੁਲਿਸ ਨੂੰ ਸੂਚਨਾ ਦਿੱਤੀ ਗਈ।