ਗੜਸ਼ੰਕਰ: ਆਪਣੇ ਪ੍ਰੇਮੀ ਤੋਂ ਆਪਣੀ ਧੀ ਨਾਲ ਜ਼ਬਰ-ਜਨਾਹ ਕਰਵਾਉਣ ਵਾਲੀ ਮਾਂ ਅਤੇ ਮੁਲਜ਼ਮ ਨੂੰ ਪੁਲਿਸ ਨੇ ਗ੍ਰਿਫ਼ਤਾਰ ਕੀਤਾ ਹੈ। ਐੱਸ.ਐੱਚ.ਓ. ਇਕਬਾਲ ਸਿੰਘ ਨੇ ਦੱਸਿਆ ਕਿ ਥਾਣਾ ਸਦਰ ਨਵਾਂਸ਼ਹਿਰ ਅਧੀਨ ਆਉਂਦੇ ਪਿੰਡ ਦੀ ਇੱਕ ਕੁੜੀ ਨੇ ਪੁਲਿਸ ਨੂੰ ਬਿਆਨ ਦਿੱਤੇ ਸੀ ਕਿ ਉਸ ਦੀ ਮਾਂ ਦੇ ਅਮਰਜੀਤ ਸਿੰਘ ਵਾਸੀ ਠਠਿਆਲਾ (ਬਲਾਚੌਰ) ਨਾਲ ਪ੍ਰੇਮ ਸਬੰਧ ਸਨ ਤੇ ਉਸ ਦੀ ਮਾਤਾ ਝੂਠ ਬੋਲ ਕੇ ਅਮਰਜੀਤ ਸਿੰਘ ਨੂੰ ਮਿਲਦੀ ਰਹਿੰਦੀ ਸੀ।
ਨਬਾਗਲਿਗ ਧੀ ਨਾਲ ਪ੍ਰੇਮੀ ਤੋਂ ਜ਼ਬਰ-ਜਨਾਹ ਕਰਵਾਉਣ ਵਾਲੀ ਮਾਂ ਤੇ ਦੋਸ਼ੀ ਗਿ੍ਰਫ਼ਤਾਰ
ਕੁੜੀ ਨੇ ਦੱਸਿਆ ਕਿ 26 ਮਾਰਚ 2019 ਦੀ ਰਾਤ ਨੂੰ ਮਾਂ ਨੇ ਉਸ ਨੂੰ ਰੋਟੀ ਦਿੱਤੀ, ਜਿਸ ਤੋਂ ਬਾਅਦ ਉਸ ਨੂੰ ਨੀਂਦ ਆਉਣ ਲੱਗੀ ਤੇ ਸਵੇਰੇ ਉਸ ਨੂੰ ਪਤਾ ਲੱਗਾ ਕਿ ਅਮਰਜੀਤ ਸਿੰਘ ਵੱਲੋਂ ਉਸ ਨਾਲ ਗਲਤ ਕੰਮ ਕੀਤਾ ਗਿਆ। ਕੁੜੀ ਨੇ ਦੱਸਿਆ ਕਿ ਬਾਅਦ ਵਿੱਚ ਮਾਂ ਉਸ ਨੂੰ ਗੜ੍ਹਸ਼ੰਕਰ ਲੈ ਕੇ ਆਈ ਤੇ ਉੱਥੇ ਉਸ ਨੂੰ ਰੋਟੀ ਵਿੱਚ ਨੀਂਦ ਦੀਆਂ ਗੋਲੀਆਂ ਦੇਣ ਤੋਂ ਬਾਅਦ ਅਮਰਜੀਤ ਸਿੰਘ ਵੱਲੋਂ ਇੱਥੇ ਵੀ ਗਲਤ ਕੰਮ ਕੀਤਾ ਗਿਆ।