ਹੁਸ਼ਿਆਰਪੁਰ: ਪੁਲਿਸ ਨੇ ਮਾਹਿਲਪੁਰ-ਊਨਾ ਸੜਕ 'ਤੇ ਪਿੰਡ ਭੁੱਲੇਵਾਲ ਗੁੱਜਰਾਂ ਨਜ਼ਦੀਕ ਇੱਕ ਸੁੰਨਸਾਨ ਥਾਂ ਉੱਤੇ ਨੰਗਲ ਖ਼ਾਦ ਫ਼ੈਕਟਰੀ ਤੋਂ 6 ਟਰੱਕਾਂ ਵਿੱਚ ਭਰ ਕੇ ਆਈਆਂ ਯੂਰੀਆਂ ਦੀਆਂ 800 ਬੋਰੀਆਂ ਨੂੰ ਕਾਬੂ ਕੀਤਾ ਹੈ। ਦੋ ਟਰੱਕ ਅਤੇ ਦੋ ਛੋਟੀਆਂ ਗੱਡੀਆਂ ਪੁਲਿਸ ਨੂੰ ਚਕਮਾ ਦੇ ਫ਼ਰਾਰ ਹੋ ਗਈਆਂ। ਪੁਲਿਸ ਨੇ ਟਰੱਕ ਕਬਜ਼ੇ ਵਿੱਚ ਲੈ ਕੇ ਕਾਰਵਾਈ ਆਰੰਭ ਦਿੱਤੀ ਹੈ।
ਫੜੇ ਗਏ ਟਰੱਕ ਚਾਲਕਾਂ ਦੀ ਪਹਿਚਾਣ ਰਾਜੇਸ਼ ਕੁਮਾਰ, ਰਮਨ ਕੁਮਾਰ, ਬਲਕਾਰ ਸਿੰਘ, ਦਲੀਪ ਕੁਮਾਰ, ਨਵੀਨ ਕੁਮਾਰ ਅਤੇ ਕਿਸ਼ਨ ਕੁਮਾਰ ਵਜੋਂ ਹੋਈ ਹੈ। ਟਰੱਕ ਚਾਲਕ ਬਲਰਾਜ ਸਿੰਘ ਨੇ ਦੱਸਿਆ ਕਿ ਉਹ ਆਪਣੀਆਂ ਗੱਡੀਆਂ ਵਿੱਚ 1200 ਬੋਰੀਆਂ ਯੂਰੀਆਂ ਦੀਆਂ ਲੱਦ ਕੇ ਮਾਹਿਲਪੁਰ ਆਏ ਸਨ, ਪਰੰਤੂ ਉਨ੍ਹਾਂ ਨੂੰ ਮਿਲੇ ਬਿੱਲਾਂ ਉੱਪਰ ਕਿਸੇ ਵੀ ਦੁਕਾਨ ਜਾਂ ਡੀਲਰ ਦਾ ਨਾਂਅ ਨਹੀਂ ਸੀ।
ਮਾਹਿਲਪੁਰ ਪੁਲਿਸ ਨੇ ਨੰਗਲ ਤੋਂ ਯੂਰੀਆ ਖਾਦ ਦੀਆਂ 800 ਬੋਰੀਆਂ ਲੈ ਕੇ ਆਏ 6 ਟਰੱਕ ਕੀਤੇ ਜ਼ਬਤ