ਹੁਸ਼ਿਆਰਪੁਰ: ਰੋਜ਼ੀ ਰੋਟੀ ਕਮਾਉਣ ਕਾਰਨ ਲੋਕ ਅਕਸਰ ਹੀ ਵਿਦੇਸ਼ ਜਾਂਦੇ ਹਨ। ਪਰ ਹੁਣ ਕੋਰੋਨਾ ਮਹਾਂਮਾਰੀ ਕਾਰਨ ਲੱਗੇ ਲੌਕਡਾਊਨ 'ਚ ਸਾਰੇ ਵਪਾਰ ਅਤੇ ਕਾਰੋਬਾਰ ਠੱਪ ਗਏ ਗਏ ਹਨ। ਸਿਰਫ ਭਾਰਤ ਹੀ ਨਹੀਂ ਬਲਕਿ ਕਈ ਦੂਜੇ ਦੇਸ਼ਾਂ 'ਚ ਵੀ ਵਪਾਰ ਅਤੇ ਕੰਮ ਬੰਦ ਹੋ ਗਏ ਹਨ, ਜਿਸ ਕਾਰਨ ਕਮਾਈ ਲਈ ਵਿਦੇਸ਼ਾਂ 'ਚ ਗਏ ਲੋਕਾਂ ਨੂੰ ਦਿੱਕਤਾਂ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ।
ਲੌਕਡਾਊਨ ਕਾਰਨ ਦੁਬਈ 'ਚ ਫਸਿਆ ਪੰਜਾਬੀ ਨੌਜਵਾਨ
ਜ਼ਿਲ੍ਹਾ ਹੁਸ਼ਿਆਰਪੁਰ ਦੇ ਬਲਾਕ ਭੂੰਗਾ ਦੇ ਰਹਿਣ ਵਾਲਾ ਨੌਜਵਾਨ ਮਨੋਜ ਕੁਮਾਰ ਵੀ ਆਪਣੇ ਘਰ ਦਾ ਸਹਾਰਾ ਬਣਨ ਅਤੇ ਰੋਜ਼ੀ ਰੋਟੀ ਕਮਾਉਣ ਲਈ ਵਿਦੇਸ਼ ਗਿਆ ਸੀ। ਪਰ ਲੌਕਡਾਉਨ 'ਚ ਕੰਮ ਬੰਦ ਹੋ ਜਾਣ ਕਾਰਨ ਉਹ ਉੱਥੇ ਬੇਰੁਜ਼ਗਾਰ ਹੈ ਜਿਸ ਕਾਰਨ ਜਿੰਦਗੀ ਜਿਓਣੀ ਮੁਸ਼ਕਲ ਹੋ ਰਹੀ ਹੈ। ਮਨੋਜ ਨੇ ਵੀਡੀਓ ਬਣਾ ਆਪਣੀ ਪੂਰੀ ਹੱਡਬੀਤੀ ਦੱਸੀ ਹੈ, ਜੋ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਰਹੀ ਹੈ।