ਹੁਸ਼ਿਆਰਪੁਰ: ਸ਼ਹਿਰ ਦੇ ਮਹਿਲਪੁਰ 'ਚ ਜਿੱਥੇ ਫਾਸਟ ਫੂਡ ਦੇ ਖਾਣ-ਪੀਣ ਦੇ ਸਮਾਨ ਦੀਆਂ ਰੇਹੜੀਆਂ ਲਗੀਆਂ ਰਹਿੰਦੀਆਂ ਸਨ, ਉਹ ਰੇਹੜੀਆਂ ਅੱਜ ਲੌਕਡਾਊਨ ਹੋਣ ਕਾਰਨ ਬੰਦ ਹੋ ਗਈਆਂ ਹਨ। ਪੰਜਾਬ 'ਚ ਕਰਫਿਊ ਨੂੰ ਲਗੇ 2 ਮਹੀਨੇ ਹੋ ਗਏ ਹਨ ਤੇ ਸਰਕਾਰ ਨੇ ਹੁਣ ਕਰਫਿਊ ਦੀ ਥਾਂ ਲੌਕਡਾਊਨ ਲੱਗਾ ਦਿੱਤਾ ਹੈ। ਇਸ ਤਹਿਤ ਸਰਕਾਰ ਨੇ ਕੁਝ ਦੁਕਾਨਾਂ ਨੂੰ ਖੋਲ੍ਹਣ ਦੀ ਰਾਹਤ ਦਿੱਤੀ ਹੈ ਤੇ ਹੁਣ ਉਹ ਵੀ ਸਰਕਾਰ ਨੂੰ ਅਪੀਲ ਕਰ ਰਹੇ ਹਨ ਕਿ ਉਨ੍ਹਾਂ ਨੂੰ ਵੀ ਰੇਹੜੀਆਂ ਲਗਾਉਣ ਦੀ ਇਜ਼ਾਜਤ ਦਿੱਤੀ ਜਾਵੇ।
ਫਾਸਟ ਫੂਡ ਦੀ ਰੇਹੜੀਆਂ ਵਾਲਿਆਂ ਨੇ ਸਰਕਾਰ ਨੂੰ ਰੇਹੜੀ ਖੋਲ੍ਹਣ ਦੀ ਕੀਤੀ ਮੰਗ
ਰੇਹੜੀ ਮਾਲਕ ਨੇ ਦੱਸਿਆ ਕਿ ਕੋਰੋਨਾ ਮਹਾਂਮਾਰੀ ਕਾਰਨ ਸੂਬਾ ਸਰਕਾਰ ਨੇ ਕਰਫਿਊ ਲਗਾਇਆ ਸੀ ਪਰ ਇਸ ਕਰਫਿਊ ਨੂੰ ਲੱਗੇ 2 ਮਹੀਨੇ ਹੋ ਗਏ ਹਨ। 2 ਮਹੀਨੇ ਘਰ ਬੈਠਣ ਨਾਲ ਉਨ੍ਹਾਂ ਹੁਣ ਆਰਥਿਕ ਸੰਕਟ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ ਜਿਸ ਤਹਿਤ ਘਰ ਦਾ ਗੁਜ਼ਾਰਾ ਕਰਨਾ ਵੀ ਮੁਸ਼ਕਲ ਹੋ ਗਿਆ ਹੈ।