ਗੁਰਦਾਸਪੁਰ: ਇਸ ਦੇ ਕਸਬੇ ਦੀਨਾਨਗਰ ਦੇ ਪਿੰਡ ਸਾਹੋਵਾਲ 'ਚ ਪਿੰਡ ਵਾਸੀਆਂ ਨੇ ਪਿੰਡ ਦੀ ਮਹਿਲਾ ਸਰਪੰਚ 'ਤੇ ਪੰਚਾਇਤੀ ਜ਼ਮੀਨ ਦੇ ਨਜਾਇਜ ਕਬਜ਼ਾ ਕਰਨ ਦੇ ਆਰੋਪ ਲਗਾਏ ਹਨ ਜਿਸਨੂੰ ਮਹਿਲਾ ਸਰਪੰਚ ਦੇ ਪਤੀ ਨੇ ਪੂਰੀ ਤਰ੍ਹਾਂ ਖਾਰਿਜ ਕੀਤਾ।
ਪਿੰਡਵਾਸੀਆਂ ਨੇ ਲਗਾਏ ਸਰਪੰਚ 'ਤੇ ਪੰਚਾਇਤੀ ਜ਼ਮੀਨ ਕਬਜ਼ੇ ਕਰਨ ਦੇ ਇਲਜ਼ਾਮ
ਪਿੰਡਵਾਸੀਆਂ ਦਾ ਪੱਖ
ਜਾਣਕਾਰੀ ਦਿੰਦੇ ਹੋਏ ਪਿੰਡ ਵਾਸੀਆਂ ਨੇ ਦੱਸਿਆ ਕਿ ਪਿੰਡ 'ਚ 6 ਮਰਲੇ ਥਾਂ ਖਾਲੀ ਪਈ ਸੀ।ਮਹਿਲਾ ਸਰਪੰਚ ਵੱਲੋਂ ਇਹ ਥਾਂ 'ਤੇ ਪਾਰਕ ਬਣਾਉਣ ਲਈ ਮੱਤਾ ਪਾਇਆ ਸੀ ਤੇ ਉਨ੍ਹਾਂ ਨੇ 4 ਮਰਲੇ 'ਚ ਪਾਰਕ ਬਣਾ ਦਿੱਤਾ ਤੇ 3 ਮਰਲੇ 'ਚ ਉਨ੍ਹਾਂ ਦੇ ਪਤੀ ਨੇ ਦੁਕਾਨਾਂ ਬਣਾ ਲਈਆਂ। ਜਿਸ ਦੇ ਸੱਦਕਾ ਪਿੰਡ ਵਾਸੀ ਵਿਰੋਧ ਕਰ ਰਹੇ ਹਨ।ਉਨ੍ਹਾਂ ਅੱਗੇ ਦੱਸਿਆ ਕਿ ਸੰਬੰਧਤ ਵਿਭਾਗਾਂ ਨੂੰ ਸ਼ਿਕਾਇਤ ਵੀ ਕੀਤੀ ਗਈ ਪਰ ਸਭ ਨੇ ਅਣਗੌਲਿਆਂ ਕਰ ਦਿੱਤੀ। ਰੋਸ ਜਤਾਉਂਦੇ ਉਨ੍ਹਾਂ ਕਿਹਾ ਕਿ ਅੱਜ ਜ਼ਿਲ੍ਹਾਂ ਪਰਿਸ਼ਦ ਨੇ ਆਉਣਾ ਸੀ, ਦੋਵੇਂ ਧਿਰਾਂ ਨੂੰ ਸਮਾਂ ਦੇ ਕੇ ਕੋਈ ਅਧਿਕਾਰੀ ਨਹੀਂ ਆਇਆ।