ਗੁਰਦਾਸਪੁਰ: ਜ਼ਿਲ੍ਹੇ ਦੇ ਪਿੰਡ ਫ਼ਜੂਪੂਰ ਚ ਉਸ ਸਮੇਂ ਦਹਿਸ਼ਤ ਦਾ ਮਾਹੌਲ ਬਣ ਗਿਆ ਜਦੋ ਪਿੰਡ ਦੇ ਖੇਤਾਂ ਚੋਂ ਦੋ ਲਾਸ਼ਾ ਮਿਲੀਆਂ। ਮਿਲੀ ਜਾਣਕਾਰੀ ਮੁਤਾਬਿਕ ਦੋਵੇਂ ਮ੍ਰਿਤਕ ਨਸ਼ਾ ਕਰਨ ਦੇ ਆਦੀ ਸੀ ਅਤੇ ਦਿਹਾੜੀ ਕਰਕੇ ਆਪਣਾ ਗੁਜਾਰਾ ਕਰਦੇ ਸੀ। ਮ੍ਰਿਤਕਾਂ ’ਚ ਇੱਕ ਦਾ ਨਾ ਸਟੀਫਨ ਅਤੇ ਦੂਜੇ ਦੇ ਨਾਂ ਸ਼ਾਮ ਲਾਲ ਰਾਤ ਸਮੇਂ ਫ਼ਜੂਪੂਰ ਵਿਖੇ ਕਬਰਸਤਾਨ ’ਚ ਸੌ ਜਾਂਦੇ ਸੀ। ਦੋਵੇਂ ਮ੍ਰਿਤਕ ਧਾਰੀਵਾਲ ਦੇ ਪਿੰਡ ਲੇਹਲ ਦੇ ਦੱਸੇ ਜਾ ਰਹੇ ਹਨ।
ਖੇਤਾਂ ’ਚ ਦੋ ਲਾਸ਼ਾਂ ਮਿਲਣ ਨਾਲ ਮਚਿਆ ਹੜਕੰਪ, ਜਾਂਚ ’ਚ ਜੁੱਟੀ ਪੁਲਿਸ
ਇਸ ਸਬੰਧੀ ਜਾਣਕਾਰੀ ਦਿੰਦੇ ਹੋਏ ਪਿੰਡ ਵਾਸੀਆਂ ਨੇ ਦੱਸਿਆ ਕਿ ਇਹ ਦੋਵੇਂ ਵਿਅਕਤੀਆਂ ਦਾ ਪਿੱਛੇ ਕੋਈ ਨਹੀਂ ਹੈ ਮ੍ਰਿਤਕ ਸਟੀਫਨ ਦੀ ਬਜ਼ੁਰਗ ਮਾਤਾ ਹੈ ਅਤੇ ਇਹ ਦੋਨੋਂ ਦਿਹਾੜੀ ਕਰ ਕੇ ਆਪਣਾ ਗੁਜ਼ਾਰਾ ਕਰਦੇ ਸੀ ਅਤੇ ਨਸ਼ਾ ਕਰਨ ਦੇ ਆਦੀ ਸੀ ਤੇ ਸ਼ਮਸ਼ਾਨਘਾਟ ’ਚ ਸੋਂ ਜਾਂਦੇ ਸੀ। ਮ੍ਰਿਤਕ ਦੇਹਾਂ ਖੇਤਾਂ ’ਚ ਪਈਆ ਮਿਲੀਆਂ ਜਿਨ੍ਹਾਂ ਬਾਰੇ ਉਨ੍ਹਾਂ ਨੇ ਪੁਲਿਸ ਨੂੰ ਸੂਚਿਤ ਕੀਤਾ। ਫਿਲਹਾਲ ਪੁਲਿਸ ਵੱਲੋਂ ਜਾਂਚ ਕੀਤੀ ਜਾ ਰਹੀ ਹੈ।