ਬਟਾਲਾ: ਬੀਤੀ ਦੇਰ ਰਾਤ ਪਿਆ ਮੀਂਹ ਗਾਂਧੀ ਦੇ ਕੈਂਪ ਇਲਾਕੇ ’ਚ ਇੱਕ ਗਰੀਬ ਪਰਿਵਾਰ ਲਈ ਉਸ ਸਮੇਂ ਮੁਸੀਬਤ ਬਣੀ ਜਦੋਂ ਇੱਕ ਬਜ਼ੁਰਗ ਪਤੀ ਪਤਨੀ ਦਾ ਕੱਚੇ ਘਰ ਦੀ ਛੱਤ ਢਹਿ ਢੇਰੀ ਹੋ ਗਿਆ। ਇਸ ਦੌਰਾਨ ਜਾਨੀ ਨੁਕਸਾਨ ਤੋਂ ਤਾਂ ਬਚਾਅ ਹੋ ਗਿਆ ਪਰ ਪਰਿਵਾਰ ਦਾ ਮਾਲੀ ਨੁਕਸਾਨ ਕਾਫੀ ਹੋ ਗਿਆ।
ਇਸ ਸਬੰਧ ’ਚ ਬਜੁਰਗ ਮਾਤਾ ਸ਼ੀਲੋ ਨੇ ਦੱਸਿਆ ਕਿ ਉਹ ਖੁਦ ਲੋਕਾਂ ਦੇ ਘਰ ਸਫਾਈ ਦਾ ਕੰਮ ਕਰਦੀ ਹੈ ਅਤੇ ਉਸ ਦਾ ਪਤੀ ਰਿਕਸ਼ਾ ਚਲਾਉਣ ਦਾ ਕੰਮ ਕਰਦਾ ਹੈ। ਦੋਵੇਂ ਮਿਲ ਕੇ ਸਿਰਫ ਦੋ ਵਕਤ ਦੀ ਰੋਟੀ ਦੀ ਜੋੜ ਪਾਉਂਦੇ ਹਨ। ਪਰ ਮੀਂਹ ਕਾਰਨ ਜਦੋਂ ਸਵੇਰ ਉਨ੍ਹਾਂ ਦੇ ਘਰ ਦੀ ਛੱਤ ਡਿੱਗ ਗਈ ਤਾਂ ਉਨ੍ਹਾਂ ਕੋਲ ਕੁਝ ਨਹੀਂ ਬੱਚਿਆ ਅਤੇ ਸਭ ਕੁਝ ਮਿੱਟੀ ਹੋ ਗਿਆ। ਪੀੜਤ ਗਰੀਬ ਪਰਿਵਾਰ ਨੇ ਸਰਕਾਰ ਕੋਲੋਂ ਮਦਦ ਦੀ ਗੁਹਾਰ ਲਗਾਈ ਹੈ।
ਬਟਾਲਾ: ਗਰੀਬ ਬਜ਼ੁਰਗ ਜੋੜੇ ’ਤੇ ਮੀਂਹ ਦਾ ਕਹਿਰ