ਗੁਰਦਾਸਪੁਰ: ਪਿੰਡ ਝੋਰ 'ਚ ਭੱਠੇ 'ਤੇ ਪੁੱਟੇ ਗਏ ਟੋਏ ਵਿੱਚ ਮਾਵਾਂ-ਧੀਆਂ ਦੇ ਡਿੱਗਣ ਨਾਲ ਮੌਤ ਹੋਣ ਦੀ ਖ਼ਬਰ ਸਾਹਮਣੇ ਆਈ ਹੈ। ਦੱਸਿਆ ਜਾ ਰਿਹਾ ਹੈ ਕਿ ਬੱਚੀ ਦੀ ਉਮਰ 6 ਸਾਲ ਹੈ ਤੇ ਮਾਂ ਦੀ ਉਮਰ 22 ਸਾਲ ਹੈ।
ਪਾਣੀ ਦੇ ਟੋਏ 'ਚ ਡਿੱਗਣ ਨਾਲ ਮਾਵਾਂ-ਧੀਆਂ ਦੀ ਹੋਈ ਮੌਤ
ਮ੍ਰਿਤਕ ਦੇ ਪਰਿਵਾਰਕ ਮੈਂਬਰ ਨੇ ਦੱਸਿਆ ਕਿ ਦੋਵੇਂ ਮਾਵਾਂ-ਧੀਆਂ ਕਿਸੇ ਕੰਮ ਤੋਂ ਬਾਹਰ ਗਈਆਂ ਸਨ ਜਦੋਂ ਉਹ ਭੱਠੇ ਕੋਲ ਪਹੁੰਚੀਆਂ ਤਾਂ 6 ਸਾਲ ਦੀ ਬੱਚੀ ਦਾ ਟੋਏ 'ਚ ਪੈਰ ਫਿਸਲ ਗਿਆ ਜਿਸ ਮਗਰੋਂ ਉਸ ਨੂੰ ਬਚਾਉਣ ਲਈ ਉਸ ਦੀ ਮਾਂ ਨੇ ਵੀ ਟੋਏ 'ਚ ਛਲਾਂਗ ਮਾਰ ਦਿੱਤੀ। ਉਨ੍ਹਾਂ ਦੱਸਿਆ ਕਿ ਟੋਏ 'ਚ ਜ਼ਿਆਦਾ ਪਾਣੀ ਹੋਣ ਕਾਰਨ ਮਾਵਾਂ-ਧੀਆਂ ਦੋਵੇਂ ਗੋਤਾ ਨਹੀਂ ਮਾਰ ਸਕੀਆਂ। ਇਸ ਕਾਰਨ ਉਨ੍ਹਾਂ ਦੀ ਮੌਤ ਹੋ ਗਈ। ਉਨ੍ਹਾਂ ਕਿਹਾ ਕਿ ਭੱਠੇ ਵਾਲਿਆਂ ਨੇ ਜੇਸੀਬੀ ਦੇ ਨਾਲ ਭੱਠੇ 'ਤੇ ਟੋਇਆ ਪੁੱਟਿਆ ਸੀ ਜਿਸ 'ਚ ਮੀਂਹ ਪੈਣ ਨਾਲ ਪਾਣੀ ਜਮ੍ਹਾ ਹੋ ਗਿਆ।