ਫ਼ਤਿਹਗੜ੍ਹ ਸਾਹਿਬ: ਜਸਕਰਨ ਸਿੰਘ ਸਵਿਟਜ਼ਰਲੈਂਡ ਤੋਂ ਪੰਜਾਬ ਬੱਸੀ ਪਠਾਣਾਂ ਆਪਣੀ ਪਤਨੀ ਪੈਰੀਨ ਸ਼ੋਲਮ ਦੇ ਨਾਲ ਸਾਇਕਲ ਉੱਤੇ ਪਹੁੰਚੇ। ਆਪਣੇ ਘਰ ਪਹੁੰਚਣ 'ਤੇ ਜਸਕਰਨ ਸਿੰਘ ਅਤੇ ਉਸ ਦੀ ਪਤਨੀ ਪੈਰੀਨ ਸ਼ੋਲਮ ਦਾ ਨਿੱਘਾ ਸਵਾਗਤ ਕੀਤਾ ਗਿਆ। ਇਸ ਮੌਕੇ ਮੀਡੀਆ ਦੇ ਰੂ-ਬ-ਰੂ ਹੁੰਦਿਆਂ ਜਸਕਰਨ ਨੇ ਕਿਹਾ, "ਸਾਇਕਲ ਯਾਤਰਾ ਦਾ ਮੁੱਖ ਉਦੇਸ਼ ਇਹ ਸੀ ਕਿ ਇਕ ਉਹ ਵਾਤਾਵਰਨ ਨੂੰ ਬਚਾਉਣਾ ਚਾਹੁੰਦੇ ਸਨ ਦੂਸਰੇ ਨਬੰਰ 'ਤੇ ਸਿਹਤ ਨੂੰ ਸਹੀ ਰੱਖਣਾ ਚਾਹੁੰਦੇ ਸਨ ਅਤੇ ਪੈਸਿਆਂ ਦੀ ਬੱਚਤ ਵੀ ਕਰਨਾ ਚਾਹੁੰਦੇ ਸਨ।"
ਇਸ ਤੋਂ ਇਲਾਵਾ ਜਸਕਰਨ ਨੇ ਕਿਹਾ ਕਿ ਉਨ੍ਹਾਂ ਨੇ ਲਗਭਗ 8 ਹਜ਼ਾਰ ਕਿਲੋਮੀਟਰ ਦਾ ਸਫ਼ਰ 6 ਮਹੀਨਿਆਂ 'ਚ ਤੈਅ ਕੀਤਾ ਹੈ। ਇਨ੍ਹਾਂ 6 ਮਹੀਨਿਆਂ ਦੇ ਵਿੱਚ ਉਹ ਲਗਭਗ 17 ਦੇਸ਼ਾਂ ਵਿੱਚੋਂ ਲੰਘ ਕੇ ਆਏ ਹਨ।
ਕਾਬਿਲ-ਏ -ਗੌਰ ਹੈ ਕਿ ਜਸਕਰਨ ਦੀ ਪਤਨੀ ਪੈਰੀਨ ਸ਼ੋਲਮ ਸਵਿਟਜ਼ਰਲੈਂਡ ਦੀ ਜੰਮਪਲ ਹੈ। ਆਪਣੇ ਪਤੀ ਨਾਲ ਉਹ ਵੀ ਸਾਇਕਲ ਚਲਾ ਕੇ ਹੀ ਘਰ ਪਹੁੰਚੀ ਹੈ। ਮੀਡੀਆ ਦੇ ਰੂ-ਬਰੂ ਹੁੰਦਿਆਂ ਉਸ ਨੇ ਆਪਣਾ ਤਜ਼ੁਰਬਾ ਦੱਸਿਆ ਅਤੇ ਬੜੇ ਹੀ ਪਿਆਰ ਨਾਲ ਸੱਤ ਸ਼੍ਰੀ ਅਕਾਲ ਕਹੀ।
ਜ਼ਿਕਰਏਖ਼ਾਸ ਹੈ ਕਿ ਇਸ ਤਰ੍ਹਾਂ ਦੀ ਸੋਚ ਹਰ ਇੱਕ ਨੂੰ ਅਪਨਾਉਣੀ ਚਾਹੀਦੀ ਹੈ ਕਿਉਂਕਿ ਸਿਹਤ ਅਤੇ ਵਾਤਾਵਰਨ ਸਾਡੀ ਜ਼ਿੰਦਗੀ ਦਾ ਅਹਿਮ ਹਿੱਸਾ ਹਨ।