ਫ਼ਤਹਿਗੜ੍ਹ ਸਾਹਿਬ : ਜਿਲ੍ਹਾ ਫ਼ਤਿਹਗੜ ਸਾਹਿਬ ਵਿੱਚ ਪੈਂਦੀ ਸਟੀਲ ਸਿਟੀ ਮੰਡੀ ਗੋਬਿੰਦਗੜ ਦੀ ਸਥਾਨਕ ਚਹਿਲ ਪਹਿਲ ਵਾਲੀ ਕੰਗ ਮਾਰਕਿਟ ਵਿੱਚ ਕਰੀਬ 12:00 ਵਜੇ ਉਸ ਸਮੇਂ ਹੰਗਾਮਾ ਹੋ ਗਿਆ ਜਦੋਂ ਅਕਾਲੀ ਨੇਤਾ ਰਾਜੀਵ ਸਿੰਗਲਾ ਉੱਤੇ ਦੋ ਹਮਲਾਵਰਾਂ ਦੁਆਰਾ ਕਾਤਲਾਨਾ ਹਮਲਾ ਕਰ ਦਿੱਤਾ ਗਿਆ।
ਅਕਾਲੀ ਦਲ ਦੇ ਲੀਡਰ 'ਤੇ ਤੇਜਧਾਰ ਹਥਿਆਰ ਨਾਲ ਹਮਲਾ
ਇਸ ਹਮਲੇ ਵਿੱਚ ਅਕਾਲੀ ਨੇਤਾ ਰਾਜੀਵ ਸਿੰਗਲਾ ਦੇ ਚਿਹਰੇ ਉੱਤੇ ਤੇਜਧਾਰ ਹਥਿਆਰ ਲੱਗਣ ਨਾਲ ਸੱਟਾਂ ਲੱਗੀਆਂ ਹਨ। ਮਾਰਕਿਟ ਦੇ ਬਾਹਰ ਨਿਕਲੇ ਹੋਰ ਵਿਅਕਤੀ ਦੇ ਪੈਰ ਉੱਤੇ ਰਿਵਾਲਵਰ ਨਾਲ ਗੋਲੀ ਲੱਗਣ ਦੀ ਖਬਰ ਹੈ। ਹਮਲਾਵਰ ਘਟਨਾ ਨੂੰ ਅੰਜਾਮ ਦੇ ਹਵਾਈ ਫਾਇਰਿੰਗ ਕਰਦੇ ਹੋਏ ਫਰਾਰ ਹੋ ਗਏ ਹਨ।
ਇਸਦੇ ਬਾਅਦ ਦੋਨਾਂ ਜਖਮੀਆਂ ਨੂੰ ਇਲਾਜ਼ ਲਈ ਸਿਵਲ ਹਸਪਤਾਲ ਵਿੱਚ ਭਰਤੀ ਕਰਵਾਇਆ ਗਿਆ। ਜਖਮੀਆਂ ਵਿੱਚ ਅਕਾਲੀ ਨੇਤਾ ਰਾਜੀਵ ਸਿੰਗਲਾ ਅਤੇ ਨੀਤੂ ਸ਼ਰਮਾ ਮੰਡੀ ਗੋਬਿੰਦਗੜ੍ਹ ਸ਼ਾਮਿਲ ਹਨ।