ਸ੍ਰੀ ਫਤਿਹਗੜ੍ਹ ਸਾਹਿਬ:ਸਰਹਿੰਦ ਰੇਲਵੇ ਪੁਲਿਸ (Railway Police) ਨੇ ਰੇਲ ਗੱਡੀਆਂ ਅੰਦਰ ਲੁੱਟਾਂ ਖੋਹਾਂ ਕਰਨ ਵਾਲੇ ਗੈਂਗ ਦਾ ਪਰਦਾਫਾਸ਼ ਕੀਤਾ। ਜੋ ਨਿਹੰਗ ਸਿੰਘਾਂ ਦੇ ਬਾਣੇ 'ਚ ਫਰਜ਼ੀ ਨਿਹੰਗ ਬਣ ਕੇ ਲੁੱਟਾਂ ਖੋਹਾਂ ਦੀਆਂ ਵਾਰਦਾਤਾਂ ਨੂੰ ਅੰਜਾਮ ਦਿੰਦੇ ਸਨ। ਪੁਲਿਸ ਵੱਲੋਂ 9 ਵਿਅਕਤੀ ਕਾਬੂ ਕੀਤੇ ਗਏ ਹਨ। ਇਨ੍ਹਾਂ ਵਿਚੋਂ ਚਾਰ ਨਾਬਾਲਗ ਵੀ ਦੱਸੇ ਜਾ ਰਹੇ ਹਨ।
ਲੁਟੇਰਾ ਗਿਰੋਹ ਦੇ 9 ਮੈਂਬਰ ਕਾਬੂ
ਇਸ ਬਾਰੇ ਪੁਲਿਸ ਅਧਿਕਾਰੀ ਬਲਰਾਮ ਰਾਣਾ ਨੇ ਦੱਸਿਆ ਹੈ ਕਿ 28 ਅਗਸਤ ਨੂੰ ਜੰਮੂ ਤੋਂ ਪ੍ਰਯਾਗਰਾਜ ਜਾ ਰਹੀ ਰੇਲ ਗੱਡੀ ਵਿਚ ਸਵਾਰ 9 ਵਿਅਕਤੀਆਂ ਨੇ ਡੱਬਾ ਬੰਦ ਕਰਕੇ 5 ਸਵਾਰੀਆਂ ਤੋਂ ਮੋਬਾਇਲ ਅਤੇ 2500 ਰੁਪਏ ਖੋਹੇ ਸਨ। ਸਵਾਰੀਆਂ ਨੇ ਇੱਕ ਲੁਟੇਰਾ ਫੜ ਲਿਆ ਸੀ। ਜਿਸ ਤੋਂ ਪੁੱਛਗਿੱਛ ਮਗਰੋਂ ਬਾਕੀ ਦੇ 8 ਵੀ ਗ੍ਰਿਫ਼ਤਾਰ ਕੀਤੇ ਗਏ ਹਨ।