ਫਰੀਦਕੋਟ: ਪੰਜਾਬ ਅੰਦਰ ਕਈ ਨੌਜਵਾਨ ਅਜਿਹੇ ਹਨ ਜੋ ਆਪਣੇ ਹੁਨਰ ਦੇ ਦਮ ’ਤੇ ਵੱਡੀਆਂ ਮੱਲਾਂ ਮਾਰ ਰਹੇ ਹਨ ਅਤੇ ਕੁਝ ਅਜਿਹੇ ਵੀ ਹਨ ਜਿੰਨਾਂ ਦਾ ਹੁਨਰ (Skills) ਹੈ ਤਾਂ ਬਾ-ਕਮਾਲ ਅਤੇ ਲੋਕ ਹਿੱਤ ਵਿੱਚ ਹੈ ਪਰ ਕਿਸੇ ਪਾਰਖੂ ਨਜ਼ਰ ਤੋਂ ਉਹਲੇ ਰਹਿਣ ਕਾਰਨ ਗਰੀਬੀ ਦੇ ਗੁਬਾਰਾਂ ਹੇਠ ਦੱਬ ਕੇ ਰਹਿ ਗਿਆ। ਜੇਕਰ ਅਜਿਹੇ ਹੁਨਰ (Skills) ਨੂੰ ਕਿਸੇ ਅਜਿਹੇ ਦਾ ਸਾਥ ਮਿਲੇ ਜੋ ਉਸ ਨੂੰ ਲੋਕਾਂ ਸਾਹਮਣੇ ਲੈ ਕੇ ਆਵੇ ਤਾਂ ਸੋਨੇ ’ਤੇ ਸੁਹਾਗੇ ਵਾਲੀ ਗੱਲ ਹੋਵੇਗੀ।
12ਵੀਂ ਪਾਸ ਨੌਜਵਾਨ ਇੰਜਨੀਅਰਾਂ ਨੂੰ ਪਾਉਂਦਾ ਮਾਤ
ਫਰੀਦਕੋਟ ਜ਼ਿਲ੍ਹੇ ਦੇ ਪਿੰਡ ਰਾਮੇਆਣਾ ਦੇ ਨੌਜਵਾਨ ਸੁਖਵਿੰਦਰ ਖਾਨ ਦੇ ਨਾਲ ਜੋ ਬੇਸ਼ੱਕ 12ਵੀਂ ਜਮਾਤ ਤੱਕ ਹੀ ਪੜ੍ਹਿਆ ਹੈ ਪਰ ਆਪਣੇ ਪਿਤਾ ਨਾਲ ਇਲੈਕਟ੍ਰੋਨਿਕਸ ਦੀ ਦੁਕਾਨ ’ਤੇ ਕੰਮ ਕਰਦਾ-ਕਰਦਾ ਕਦੋਂ ਵੱਡੀਆਂ-ਵੱਡੀਆਂ ਕਾਢਾਂ (inventions) ਕੱਢਣ ਲੱਗ ਗਿਆ ਸ਼ਾਇਦ ਉਸ ਨੂੰ ਵੀ ਪਤਾ ਨਹੀ ਲੱਗਾ ਹੋਣਾ।
ਸੁਖਵਿੰਦਰ ਨੇ ਹੁਣ ਤੱਕ ਕੀ-ਕੀ ਕੱਢੀਆਂ ਕਾਢਾਂ ?
ਸੁਖਵਿੰਦਰ ਨੇ ਹੁਣ ਤੱਕ ਜੋ ਕਾਢਾਂ ਕੱਢੀਆਂ ਹਨ ਉਸ ਵਿੱਚ ਹਾਈ ਸਕਿਓਰਿਟੀ ਵਾਲਾ ਲੌਕਰ ਬਣਾਇਆ ਹੈ ਜਿਸ ਦੇ ਪਾਸਵਰਡ ਨੂੰ ਕੋਈ ਵੀ ਹੈਕ ਨਹੀਂ ਕਰ ਸਕਦਾ ਅਹਿਮ ਹੈ। ਇਸ ਦੇ ਨਾਲ-ਨਾਲ ਉਸ ਨੇ ਇੱਕ ਗੇਟਵਾਲ ਜੋ ਖੇਤੀ ਦੀ ਸਿੰਚਾਈ ਲਈ ਵਰਤੀ ਜਾਂਦੀ ਪਾਇਪ ਲਾਇਨ ਵਿੱਚ ਬੇਹੱਦ ਕਾਰਗਰ ਹੈ ਬਣਾਇਆ ਜਿਸ ਨੂੰ ਨਾਂ ਤਾਂ ਜੰਗਾਲ ਲੱਗਦੀ ਹੈ ਅਤੇ ਨਾਂ ਹੀ ਉਹ ਕਦੇ ਜਾਂਮ ਹੁੰਦਾ ਹੈ। ਇਸ ਤੋਂ ਇਲਾਵਾ ਸੁਖਵਿੰਦਰ ਨੇ ਪਾਣੀ ਦੀ ਬੱਚਤ ਅਤੇ ਲੋਕਾਂ ਨੂੰ ਬਿਜਲੀ ਦੇ ਝਟਕੇ ਤੋਂ ਬਚਾਉਣ ਲਈ ਇੱਕ ਅਜਿਹਾ ਮੋਟਰ ਸਟਾਟਰ ਬਣਾਇਆ ਹੈ ਜੋ ਮਾਰਕਿਟ ਵਿੱਚ ਚੱਲ ਰਹੇ ਮੋਟਰ ਸਟਾਟਰਾਂ ਦੇ ਮੁਕਾਬਲੇ ਸਸਤਾ ਵੀ ਹੈ ਅਤੇ ਵਧੀਆ ਵੀ।