ਫਰੀਦਕੋਟ: ਸੂਬੇ ਅੰਦਰ ਲਗਾਤਾਰ ਵੱਧ ਰਹੀਆਂ ਬੇਆਦਬੀ ਦੀਆਂ ਘਟਨਾਵਾਂ ਨੂੰ ਰੋਕਣ ਸੰਬੰਧੀ ਸਖ਼ਤ ਕਨੂੰਨਾਂ ਦੀ ਮੰਗ ਕੀਤੀ ਗਈ ਹੈ। ਜਿਸ ਨੂੰ ਲੈਕੇ ਅੱਜ ਸਿੱਖ ਪ੍ਰਚਾਰਕ ਭਾਈ ਹਰਜਿੰਦਰ ਸਿੰਘ ਮਾਂਝੀ ਵੱਲੋਂ ਆਪਣੇ ਵਕੀਲ ਅਤੇ ਸਾਥੀਆਂ ਨਾਲ ਇੱਕ ਪ੍ਰੈੱਸ ਵਾਰਤਾ ਕੀਤੀ ਗਈ। ਉਨ੍ਹਾਂ ਗੱਲਬਾਤ ਕਰਦਿਆਂ ਕਿਹਾ, ਕਿ ਲਗਾਤਾਰ ਵੱਧ ਰਹੀਆਂ ਬੇਆਦਬੀ ਦੀਆਂ ਘਟਨਾਵਾਂ ਭਾਵੇ ਇੱਕ ਬਹੁਤ ਵੱਡੀ ਚਿੰਤਾ ਦਾ ਵਿਸ਼ਾ ਹੈ। ਉਹ ਕਿਸੇ ਵੀ ਧਰਮ ਦੀ ਬੇਅਦਬੀ ਹੋਵੇ।
ਉਨ੍ਹਾਂ ਨੇ ਕਿਹਾ, ਕਿ ਬੇਅਦਬੀਆਂ ਨੂੰ ਲੈਕੇ ਸਾਡੇ ਸੰਵਿਧਾਨ ‘ਚ ਸਮੇਂ ਅਨੁਸਾਰ ਥੋੜ੍ਹੀ ਸੋਧ ਹੋਣੀ ਜ਼ਰੂਰੀ ਹੈ। ਕਿਉਂਕਿ ਹਲੇ ਤੱਕ ਜੋ ਬੇਅਦਬੀਆਂ ਨੂੰ ਲੈਕੇ ਧਾਰਾ 295 A ਲਗਾਈ ਜਾਂਦੀ ਹੈ। ਜਿਸ ਤਹਿਤ ਮੁਲਜ਼ਮਾਂ ਨੂੰ ਵੱਧ ਤੋਂ ਵੱਧ ਤਿੰਨ ਸਾਲ ਦੀ ਸਜ਼ਾ ਤੱਕ ਸੁਣਾਈ ਜਾਂਦੀ ਹੈ।
'ਧਾਰਮਿਕ ਗ੍ਰੰਥਾਂ ਦੇ ਬੇਅਦਬੀ ਨੂੰ ਲੈਕੇ ਸਖ਼ਤ ਕਾਨੂੰਨ ਦੀ ਲੋੜ'