ਫਰੀਦਕੋਟ: ਸ਼ੇਖ ਫਰੀਦ ਆਗਮਨ ਪੁਰਬ ਦੇ ਅੱਜ 22 ਸਤੰਬਰ ਨੂੰ ਚੌਥੇ ਦਿਨ ਸੂਫ਼ੀਆਨਾ ਏ ਸ਼ਾਮ ਦਾ ਆਯੋਜਨ ਕੀਤਾ ਜਾਣਾ ਹੈ। ਜਿਸ ਵਿਚ ਸੂਫੀ ਗਾਇਕ ਸਤਿੰਦਰ ਸਰਤਾਜ ਵੱਲੋਂ ਲਾਈਵ ਪਰਫਾਰਮੈਂਸ ਦਿੱਤੀ ਜਾਣੀ ਹੈ। ਪਰ ਸਰਤਾਜ ਦੀ ਆਮਦ ਤੋਂ ਪਹਿਲਾਂ ਹੀ ਪ੍ਰਸ਼ਾਸ਼ਨ ਵੱਲੋਂ ਪੂਰੇ ਮੇਲੇ ਨੂੰ ਬੰਦ ਕਰ ਆਮ ਪਬਲਿਕ ਦੀ ਐਂਟਰੀ ਮੇਲਾ ਗਰਾਉਂਡ ਵਿਚ ਬੰਦ ਕਰ ਦਿੱਤੀ ਗਈ ਅਤੇ ਪੁਲਿਸ ਵਲੋਂ ਬਾਹਰ ਗੇਟ ਤੇ ਅਨਾਉਂਸ ਕੀਤਾ ਗਿਆ ਕਿ ਸਿਰਫ vvip ਕਾਰਡ ਹੋਲਡਰ ਹੀ ਮੇਲਾ ਗਰਾਉਂਡ ਅੰਦਰ ਜਾ ਸਕਣਗੇ।
ਜਿਸ ਤੋਂ ਬਾਅਦ ਆਮ ਪਬਲਿਕ ਵੱਲੋਂ ਇਸ ਦਾ ਹਲਕਾ ਵਿਰੋਧ ਵੀ ਕੀਤਾ ਗਿਆ। ਮੇਲਾ ਵੇਖਣ ਆਏ ਲੋਕਾਂ ਨੇ ਕਿਹਾ ਕਿ ਇਹ ਮੇਲਾ ਸਿਰਫ vip ਲੋਕਾਂ ਦਾ ਮੇਲਾ ਬਣ ਕੇ ਰਹਿ ਗਿਆ ਹੈ, ਪ੍ਰਸ਼ਾਸ਼ਨ ਆਮ ਪਬਲਿਕ ਨਾਲ ਧੱਕਾ ਕਰ ਰਿਹਾ ਹੈ।