ਫਰੀਦਕੋਟ:ਪਿੰਡ ਵਾਂਦਰ ਜਟਾਣਾ ਵਿਖੇ ਅੱਜ ਦੋ ਨਕਾਬਪੋਸ਼ (Masked) ਲੁਟੇਰਿਆਂ ਵੱਲੋਂ ਪਿਸਤੌਲ (Pistol) ਦੀ ਨੋਕ ਤੇ ਇੱਕ ਸੁਨਿਆਰੇ ਦੀ ਦੁਕਾਨ ਤੇ ਲੁੱਟ ਦੀ ਵਾਰਦਾਤ ਨੂੰ ਅੰਜ਼ਾਮ ਦਿੱਤਾ ਗਿਆ। ਜਿਥੇ ਕਰੀਬ ਪੰਜ ਲੱਖ ਰੁਪਏ ਦੇ ਕਰੀਬ ਸੋਨੇ ਅਤੇ ਚਾਂਦੀ ਦੇ ਗਹਿਣੇ ਲੈਕੇ ਫਰਾਰ ਹੋ ਗਏ ਅਤੇ ਇਸ ਮੌਕੇ ਉਨ੍ਹਾਂ ਵੱਲੋਂ ਦੁਕਾਨਦਾਰ ਦੀ ਕੁੱਟਮਾਰ ਵੀ ਕੀਤੀ ਗਈ।ਸਾਰੀ ਘਟਨਾ ਦੁਕਾਨ ਚ ਲੱਗੇ ਸੀਸੀਟੀਵੀ ਕੈਮਰੇ ਵਿਚ ਕੈਦ ਹੋ ਗਈ।
ਲਾਈਵ ਵੀਡੀਓ, ਪਿਸਤੌਲ ਦੀ ਨੋਕ 'ਤੇ ਚੋਰਾਂ ਨੇ ਲੁੱਟੀ ਸੁਨਿਆਰੇ ਦੀ ਦੁਕਾਨ
ਜਾਣਕਾਰੀ ਮੁਤਾਬਿਕ ਪਿੰਡ ਵਾਂਦਰ ਜਟਾਣਾ ਵਿਖੇ ਰਾਹੁਲ ਜਵੇਲਰ ਨਾਮਕ ਦੁਕਾਨ ਦੇ ਮਾਲਿਕ ਰਾਹੁਲ ਜੋ ਆਪਣੀ ਦੁਕਾਨ ਤੇ ਬੈਠਾ ਸੀ ਤਾਂ ਕਰੀਬ 12.30 ਵਜੇ ਦੁਪਹਿਰੇ ਦੋ ਨਕਾਬਪੋਸ਼ ਜਿਨ੍ਹਾਂ ਦੇ ਹੱਥ ਚ ਪਿਸਤੌਲ ਸੀ ਵੱਲੋਂ ਦੁਕਾਨਦਾਰ ਤੇ ਪਿਸਤੌਲ ਤਾਣ ਦਿੱਤੀ ਅਤੇ ਨਾਲ ਕੁੱਟਮਾਰ ਵੀ ਕਰਦੇ ਰਹੇ ਅਤੇ ਡਰਾ ਧਮਕਾ ਕੇ ਦੁਕਾਨਦਾਰ ਤੋਂ ਦੁਕਾਨ ਚ ਰੱਖੇ ਸੋਨੇ ਅਤੇ ਚਾਂਦੀ ਦੇ ਗਹਿਣੇ ਜਿਨ੍ਹਾਂ ਦੀ ਕੀਮਤ ਲੱਗਭਗ ਪੰਜ ਲੱਖ ਰੁਪਏ ਬਣਦੀ ਹੈ ਲੁੱਟ ਕੇ ਫਰਾਰ ਹੋ ਗੁਏ।