ਫਰੀਦਕੋਟ : ਪੰਜਾਬ ਦੀ ਕਾਂਗਰਸ ਸਰਕਾਰ ਵੱਲੋਂ ਸੱਤਾ ਵਿੱਚ ਆਉਣ ਤੋਂ ਪਹਿਲਾਂ ਵੱਡੇ-ਵੱਡੇ ਵਾਅਦੇ ਕੀਤੇ ਗਏ ਸਨ। ਕਿਸਾਨਾਂ ਦਾ ਕਰਜ਼ਾ ਮੁਆਫ ਕੀਤਾ ਜਾਵੇ ਸਰਕਾਰ ਬਣਦੇ ਹੀ ਚਾਰ ਹਫ਼ਤਿਆਂ ਵਿੱਚ ਪੰਜਾਬ ਨਸ਼ਾ ਮੁਕਤ ਕਰ ਦਿੱਤਾ ਜਾਵੇਗਾ ਪਰ ਸਰਕਾਰ ਦੇ ਇਹ ਸਾਰੇ ਵਾਅਦੇ ਖੋਖਲੇ ਨਜ਼ਰ ਆ ਰਹੇ ਹਨ।
ਚਾਣਨ ਸਿੰਘ ਪੈਟਰੋਲ ਅਤੇ ਮਾਚਸ ਲੈ ਪਹੁੰਚਿਆ ਡੀਐਸਪੀ ਦਫ਼ਤਰ, ਖੁਦਕੁਸ਼ੀ ਦੀ ਕੋਸ਼ਿਸ਼
ਜੈਤੋ ਵਿੱਚ ਇੱਕ ਪਿਤਾ ਆਪਣੇ ਤਿੰਨਾਂ ਪੁੱਤਾ ਦੇ ਚਿੱਟੇ ਦੇ ਸੇਵਨ ਕਰਨ ਤੋਂ ਤੰਗ ਆ ਕੇ ਪੈਟਰੋਲ ਦੀ ਬੋਤਲ ਅਤੇ ਮਾਚਸ ਲੈ ਡੀਐਸਪੀ ਦਫ਼ਤਰ ਪਹੁੰਚ ਗਿਆ। ਪੀੜਤ ਪਿਤਾ ਨੇ ਆਪਣੇ ਆਪ ਨੂੰ ਲੱਗ ਲਾਉਣ ਦੀ ਕੋਸ਼ਿਸ਼ ਕੀਤੀ ਪਰ ਉੱਥੇ ਮੌਜੂਦ ਪੱਤਰਕਾਰਾ ਨੇ ਅਜਿਹਾ ਹੋਣ ਨਹੀਂ ਦਿੱਤਾ।
ਮੀਡੀਆ ਨਾਲ ਗੱਲਬਾਤ ਕਰਦੇ ਹੋਏ ਪੀੜਤ ਪਿਤਾ ਨੇ ਕਿਹਾ ਕਿ ਉਸ ਦੇ ਤਿੰਨੋਂ ਪੁੱਤ ਚਿੱਟੇ ਦਾ ਸੇਵਨ ਕਰਦੇ ਹਨ। ਉਨ੍ਹਾਂ ਨੇ ਇਹ ਵੀ ਕਿਹਾ ਕਿ ਜੈਤੋ ਵਿੱਚ ਲੀਡਰਾਂ ਦੀ ਦੇਖ ਰੇਖ ਵਿੱਚ ਚਿੱਟਾ ਵਿਕਦਾ ਹੈ। ਅਕਾਲੀ ਦੇ ਟਾਈਮ 'ਤੇ ਵੀ ਚਿੱਟਾ ਵਿਕਦਾ ਸੀ ਅਤੇ ਹੁਣ ਕਾਂਗਰਸੀ ਚਿੱਟਾ ਵੇਚ ਰਹੇ ਹਨ।