ਚੰਡੀਗੜ੍ਹ ਪੁਲਿਸ ਨੇ ਲਗਾਏ ਸਪੀਡੋਮੀਟਰ, ਤੇਜ਼ ਸਪੀਡ ਵਾਹਨਾਂ ਦੇ ਘਰ ਪਹੁੰਚੇਗਾ ਚਲਾਨ

ਚੰਡੀਗੜ੍ਹ ਦੀਆਂ 6 ਸਭ ਤੋਂ ਵੱਧ ਚੱਲਣ ਵਾਲੀ ਸੜਕਾਂ 'ਤੇ ਚੰਡੀਗੜ੍ਹ ਪੁਲਿਸ ਵੱਲੋਂ ਸਪੀਡੋਮੀਟਰ ਲਗਾ ਦਿੱਤੇ ਗਏ ਹਨ। ਇਹ ਸਪੀਡ ਰਡਾਰ ਸੜਕ ਕੋਲੋਂ ਨਿਕਲਣ ਵਾਲੇ ਹਰ ਵਾਹਨ ਦੀ ਸਪੀਡ ਦਾ ਰਿਕਾਰਡ ਰੱਖਦੇ ਨੇ ਅਤੇ ਜੋ ਵਾਹਨ ਨਿਰਧਾਰਿਤ ਸਪੀਡ ਤੋਂ ਵੱਧ ਸਪੀਡ 'ਤੇ ਹੋਵੇਗਾ ਉਸ ਦਾ ਚਲਾਨ ਵਹੀਕਲ ਮਾਲਕ ਦੇ ਘਰ ਪਹੁੰਚ ਜਾਵੇਗਾ।

ਚੰਡੀਗੜ੍ਹ: ਵਾਹਨਾਂ ਦੀ ਤੇਜ਼ੀ ਨੂੰ ਰੋਕਣ ਲਈ ਚੰਡੀਗੜ੍ਹ ਪੁਲਿਸ ਸਖ਼ਤੀ ਦਿਖਾਉਣ ਦੀ ਤਿਆਰੀ ਵਿੱਚ ਹੈ। ਚੰਡੀਗੜ੍ਹ ਦੀਆਂ 6 ਸਭ ਤੋਂ ਵੱਧ ਚੱਲਣ ਵਾਲੀ ਸੜਕਾਂ ਤੇ ਚੰਡੀਗੜ੍ਹ ਪੁਲਿਸ ਵੱਲੋਂ ਸਪੀਡੋਮੀਟਰ ਲਗਾ ਦਿੱਤੇ ਗਏ ਹਨ। ਇਹ ਸਪੀਡ ਰਡਾਰ ਸੜਕ ਕੋਲੋਂ ਨਿਕਲਣ ਵਾਲੇ ਹਰ ਵਾਹਨ ਦੀ ਸਪੀਡ ਦਾ ਰਿਕਾਰਡ ਰੱਖਦੇ ਨੇ ਅਤੇ ਜੋ ਵਾਹਨ ਨਿਰਧਾਰਿਤ ਸਪੀਡ ਤੋਂ ਵੱਧ ਸਪੀਡ 'ਤੇ ਹੋਵੇਗਾ ਉਸ ਦਾ ਚਲਾਨ ਵਹੀਕਲ ਮਾਲਕ ਦੇ ਘਰ ਪਹੁੰਚ ਜਾਵੇਗਾ। ਇਨ੍ਹਾਂ ਸਪੀਡੋਮੀਟਰਾਂ 'ਤੇ ਜਲਦੀ ਹੀ ਕੈਮਰੇ ਵੀ ਲਗਾਏ ਜਾ ਰਹੇ ਹਨ।

ਇਹ ਸਾਰਾ ਡਾਟਾ ਚੰਡੀਗੜ੍ਹ ਪੁਲਿਸ ਕੋਲ ਜਾਵੇਗਾ ਅਤੇ ਪੁਲਿਸ ਚੈੱਕ ਕਰੇਗੀ ਕਿੰਨੇ ਵਾਹਨ ਸਪੀਡ ਲਿਮਿਟ ਵਿੱਚ ਨਹੀਂ ਲੰਘੇ ਅਤੇ ਉਨ੍ਹਾਂ ਵਾਹਨਾਂ ਦਾ ਚਲਾਨ ਬਣਾ ਕੇ ਘਰ ਪਹੁੰਚਾ ਦਿੱਤਾ ਜਾਵੇਗਾ। ਅਜੇ ਚੰਡੀਗੜ੍ਹ ਪੁਲਸ ਲੋਕਾਂ ਨੂੰ ਜਾਗਰੂਕ ਕਰਨ ਦੇ ਵਿੱਚ ਲੱਗੀ ਹੋਈ ਹੈ ਅਤੇ ਜਲਦ ਹੀ ਇਹ ਚਲਾਨ ਕੱਟਣੇ ਵੀ ਸ਼ੁਰੂ ਹੋ ਜਾਣਗੇ।

ਦੱਸ ਦਈਏ ਕਿ ਇਹ ਸਪੀਡ ਰਡਾਰ ਫਿਲਹਾਲ ਸੈਕਟਰ 29, ਸੈਕਟਰ 47, ਸੈਕਟਰ 45/46, ਰਾਊਂਡ ਅਬਾਊਟ ਰੇਲਵੇ ਲਾਈਟ ਪੁਆਇੰਟ, ਸੈਕਟਰ 47/48 ਲਾਈਟ ਪੁਆਇੰਟ ਅਤੇ ਟ੍ਰਿਬਿਊਨ ਚੌਂਕ ਦੇ ਕੋਲ ਲਗਾਏ ਗਏ ਹਨ ਅਤੇ ਆਉਣ ਵਾਲੇ ਦਿਨਾਂ ਦੇ ਵਿੱਚ ਇਹ ਹੋਰ ਵੀ ਲਗਾਏ ਜਾ ਸਕਦੇ ਹਨ।

ਦੱਸਿਆ ਜਾ ਰਿਹਾ ਹੈ ਕਿ ਚੰਡੀਗੜ੍ਹ ਵਿੱਚ ਹੋ ਰਹੇ ਸੜਕ ਹਾਦਸਿਆਂ ਨੂੰ ਰੋਕਣ ਲਈ ਪੁਲਿਸ ਵੱਲੋਂ ਇਹ ਕਦਮ ਚੁੱਕਿਆ ਗਿਆ ਹੈ।