Punjab Government Holidays List: ਤਿਉਹਾਰਾਂ ਦੇ ਸੀਜ਼ਨ ਦੌਰਾਨ ਸਰਕਾਰੀ ਛੁੱਟੀਆਂ ਦਾ ਐਲਾਨ, ਅਕਤੂਬਰ ਮਹੀਨੇ 11 ਦਿਨ ਬੰਦ ਰਹਿਣਗੇ ਸਕੂਲ

ਪੰਜਾਬ ਸਰਕਾਰ ਨੇ ਅਕਤੂਬਰ ਮਹੀਨੇ ਨੂੰ ਲੈਕੇ ਛੁੱਟੀਆਂ ਦਾ ਕੈਲੰਡਰ (Holiday calendar) ਜਾਰੀ ਕੀਤਾ ਹੈ। ਛੁੱਟੀਆਂ ਦੀ ਇਸ ਲਿਸਟ ਮੁਤਾਬਿਕ ਸਰਕਾਰੀ ਸਕੂਲ ਅਤੇ ਜ਼ਿਆਦਾਤਰ ਸਰਕਾਰੀ ਅਦਾਰੇ 11 ਦਿਨ ਬੰਦ ਰਹਿਣਗੇ।

ਚੰਡੀਗੜ੍ਹ: ਪੰਜਾਬ ਸਰਕਾਰ ਨੇ ਅਕਤੂਬਰ ਮਹੀਨੇ ਦੀਆਂ ਛੁੱਟੀਆਂ ਦਾ ਕੈਲੰਡਰ (October holiday calendar) ਜਾਰੀ ਕਰ ਦਿੱਤਾ ਹੈ। ਕੈਲੰਡਰ ਮੁਤਾਬਿਕ ਪੰਜਾਬ ਵਿੱਚ 11 ਦਿਨਾਂ ਲਈ ਵਿੱਦਿਅਕ-ਸਿਖਲਾਈ ਅਦਾਰੇ ਬੰਦ ਰਹਿਣਗੇ। ਇਸ ਵਿੱਚ ਐਤਵਾਰ ਅਤੇ ਦੂਜੇ ਸ਼ਨੀਵਾਰ ਦੀਆਂ ਛੁੱਟੀਆਂ ਵੀ ਸ਼ਾਮਲ ਹਨ। ਅਕਤੂਬਰ ਮਹੀਨੇ ਵਿੱਚ ਸਕੂਲ ਕੁੱਲ੍ਹ 11 ਦਿਨ ਬੰਦ ਰਹਿਣਗੇ। ਦੱਸ ਦਈਏ ਇਨ੍ਹਾਂ ਛੁੱਟੀਆਂ ਵਿੱਚ ਐਤਵਾਰ ਸ਼ਾਮਿਲ ਨਹੀਂ ਹਨ ਅਤੇ ਇਸ ਮਹੀਨੇ ਵਿੱਚ ਕੁੱਲ੍ਹ 5 ਐਤਵਾਰ ਆ ਰਹੇ ਹਨ।

ਸਿਰਫ 15 ਦਿਨ ਖੁੱਲ੍ਹਣਗੇ ਸਰਕਾਰੀ ਅਦਾਰੇ:ਪੰਜਾਬ ਸਕੂਲ ਸਿੱਖਿਆ ਬੋਰਡ (Punjab School Education Board) ਵੱਲੋਂ ਸਕੂਲਾਂ ਵਿੱਚ ਮਹੀਨੇ ਅੰਦਰ ਆਉਣ ਵਾਲੇ ਤਿਉਹਾਰਾਂ ਦੇ ਮੱਦੇਨਜ਼ਰ ਛੁੱਟੀਆਂ ਸਬੰਧੀ ਲਿਸਟ ਜਾਰੀ ਕੀਤੀ ਗਈ ਹੈ, ਜਿਸ ਕਾਰਨ ਅਕਤੂਬਰ ਮਹੀਨੇ 'ਚ ਕੁੱਲ੍ਹ 11 ਦਿਨ ਸਕੂਲ ਬੰਦ ਰਹਿਣਗੇ। ਇਸ ਕੈਲੰਡਰ ਵਿੱਚ ਜੋ ਛੁੱਟੀਆਂ ਦਰਸਾਈਆਂ ਗਈਆਂ ਹਨ ਉਸ ਵਿੱਚ ਮਹੀਨੇ ਅੰਦਰ ਆਉਣ ਵਾਲੇ ਐਤਵਾਰ ਸ਼ਾਮਿਲ ਨਹੀਂ ਹਨ। ਇਸ ਵਾਰ ਇਹ ਵੀ ਧਿਆਨ ਦੇਣਯੋਗ ਹੈ ਕਿ ਜ਼ਿਆਦਾਤਰ ਸਾਲ ਦੇ ਮਹੀਨਿਆਂ ਵਿੱਚ ਕੁੱਲ੍ਹ 4 ਐਤਵਾਰ ਆਉਂਦੇ ਹਨ ਪਰ ਇਸ ਅਕਤੂਬਰ ਮਹੀਨੇ ਦੌਰਾਨ ਕੁੱਲ੍ਹ 5 ਐਤਵਾਰ ਆਉਂਣਗੇ,ਜਿਸ ਦੇ ਚੱਲਦਿਆਂ ਜ਼ਿਆਦਾਤਰ ਸਰਕਾਰੀ ਅਦਾਰੇ ਅਤੇ (Government Schools of Punjab) ਪੰਜਾਬ ਦੇ ਸਰਕਾਰੀ ਸਕੂਲ ਮਹੀਨੇ ਵਿੱਚ ਸਿਰਫ਼ 15 ਦਿਨ ਹੀ ਖੁੱਲ੍ਹਣਗੇ ਅਤੇ 16 ਦਿਨ ਇਹ ਬੰਦ ਰਹਿਣਗੇ।

ਨਵੰਬਰ ਮਹੀਨੇ ਵਿੱਚ ਹੋਣਗੀਆਂ ਛੁੱਟੀਆਂ:ਇਸ ਤੋਂ ਇਲਾਵਾ ਵੱਖ-ਵੱਖ ਤਿਉਹਾਰਾਂ, ਜਨਮ ਅਤੇ ਸ਼ਹੀਦੀ ਦਿਹਾੜਿਆਂ ਕਾਰਨ ਸਕੂਲਾਂ 'ਚ 4 ਦਿਨ ਛੁੱਟੀਆਂ ਰਹਿਣਗੀਆਂ। ਦੱਸ ਦਈਏ ਸਕੂੂਲਾਂ ਵਿੱਚ ਇਸ ਸਭ ਵਰਤਾਰੇ ਤੋਂ ਇਲਾਵਾ 2 ਰਾਖਵੀਆਂ ਛੁੱਟੀਆਂ ਵੀ ਹੋਣਗੀਆਂ। ਸਕੂਲਾਂ ਵਿੱਚ ਛੁੱਟੀਆਂ ਸਬੰਧੀ ਲਿਸਟ ਵੀ ਜਾਰੀ ਕੀਤੀ ਗਈ ਹੈ। ਦੱਸ ਦਈਏ ਕਿ ਨਵੰਬਰ ਮਹੀਨੇ ਵੀ ਸਕੂਲ ਕਈ ਦਿਨ ਬੰਦ ਰਹਿਣਗੇ ਕਿਉੰਕਿ ਦੇਸ਼ ਦੇ ਸਭ ਤੋਂ ਵੱਡੇ ਤਿਉਹਾਰਾਂ ਵਿੱਚ ਸ਼ੁਮਾਰ ਦਿਵਾਲੀ ਨੂੰ ਮਿਲਾ ਕੇ ਹੋਰ ਵੀ ਕਈ ਤਿਉਹਾਰ ਨਵੰਬਰ ਮਹੀਨੇ ਪੈ ਰਹੇ ਹਨ।