ਚੋਣਾਂ ਨੇੜੇ ਚੰਡੀਗੜ੍ਹ ਪੁਲਿਸ 60 ਲੱਖ ਰੁਪਏ ਦੇ ਨਸ਼ੇ ਸਣੇ ਇੱਕ ਕੀਤਾ ਕਾਬੂ

ਚੰਡੀਗੜ੍ਹ ਪੁਲਿਸ ਨੇ ਨਸ਼ਾ ਸਮੱਗਰੀ ਤੇ ਦੇਸੀ ਕੱਟੇ ਸਣੇ ਇੱਕ ਨੂੰ ਕੀਤਾ ਗ੍ਰਿਫ਼ਤਾਰ।

ਚੰਡੀਗੜ੍ਹ: ਪੁਲਿਸ ਵਲੋਂ ਰੁਟੀਨ ਚੈਕਿੰਗ ਦੌਰਾਨ ਇਕ ਗੱਡੀ ਵਿੱਚੋਂ ਮੁਲਜ਼ਮ ਨੂੰ 280 ਕਿਲੋਂ ਨਸ਼ਾ ਸੱਮਗਰੀ ਦੇ 14 ਪੈਕਟ ਤੇ ਦੇਸੀ ਕੱਟੇ ਸਣੇ ਬਰਾਮਦ ਕੀਤਾ। ਤਲਾਸ਼ੀ ਲੈਣ 'ਤੇ ਪੁਲਿਸ ਨੂੰ ਉਸ ਕੋਲੋਂ 4 ਜਿੰਦਾ ਕਾਰਤੂਸ ਵੀ ਮਿਲੇ ਹਨ।
ਇਸ ਬਾਰੇ ਪੱਤਰਕਾਰਾਂ ਨਾਲ ਗੱਲਬਾਤ ਕਰਦਿਆਂ ਐਸਪੀ ਵਿਨੀਤ ਕੁਮਾਰ ਨੇ ਦੱਸਿਆ ਕਿ ਸੈਕਟਰ 26 ਦੇ ਨੇੜਿਓਂ ਮਿੰਟੂ ਨਾਂਅ ਦਾ ਵਿਅਕਤੀ ਸ਼ੱਕ ਦੇ ਅਧਾਰ 'ਤੇ ਗ੍ਰਿਫ਼ਤਾਰ ਕੀਤਾ ਗਿਆ। ਮੁਲਜ਼ਮ ਕੋਲੋਂ ਚੈਕਿੰਗ ਦੌਰਾਨ 1 ਕਾਰ ਜਿਸ ਦੀ ਪਿਛਲੀ ਸੀਟ 'ਤੇ 14 ਬੋਰੀਆਂ ਨਸ਼ਾ ਸੱਮਗਰੀ ਨਾਲ ਭਰੀਆਂ ਤੇ ਦੇਸੀ ਪਿਸਤੌਲ ਬਰਾਮਦ ਹੋਇਆ। ਉਨ੍ਹਾਂ ਦੱਸਿਆ ਕਿ ਨਸ਼ਾ ਮਿੰਟੂ ਦੱਖਣ ਭਾਰਤ ਦੇ ਹਿੱਸੇ ਵਿਚੋਂ ਲਿਆ ਕੇ ਵੇਚਦਾ ਸੀ।

ਇਸ ਦੇ ਨਾਲ ਹੀ ਮੁਲਜ਼ਮ ਨਾਲ ਕੌਣ-ਕੌਣ ਸ਼ਾਮਲ ਹੈ ਅਤੇ ਨਸ਼ਾ ਕਿੱਥੇ ਸਪਲਾਈ ਹੋ ਰਿਹਾ ਸੀ, ਇਸ ਦੀ ਪੜਤਾਲ ਜਾਰੀ ਹੈ। ਫਿਲਹਾਲ ਪੁਲਿਸ ਵਲੋਂ ਇਸ ਦਾ 6 ਦਿਨ ਦਾ ਰਿਮਾਂਡ ਲਿਆ ਗਿਆ ਹੈ। ਜਲਦ ਹੀ ਹੋਰ ਖੁਲਾਸੇ ਹੋਣ ਦੇ ਵੀ ਉਮੀਦ ਹੈ।