Firing in Mohali: ਕੋਰਟ ਵਿੱਚ ਪੇਸ਼ੀ ਲਈ ਆਏ ਸ਼ਖਸ 'ਤੇ ਫਾਇਰਿੰਗ, ਪੀਜੀਆਈ 'ਚ ਇਲਾਜ ਦੌਰਾਨ ਮੌਤ

ਖਰੜ ਦੇ ਰੁੜਕੀ ਪਿੰਡ ਵਿਖੇ ਪੇਸ਼ੀ ਉਤੇ ਆਏ ਇਕ ਸ਼ਖਸ ਉਤੇ ਕੁਝ ਵਿਅਕਤੀਆਂ ਨੇ ਗੋਲੀਆਂ ਵਰ੍ਹਾ ਦਿੱਤੀਆਂ। ਇਸ ਹਾਦਸੇ ਵਿੱਚ ਉਕਤ ਵਿਅਕਤੀ ਗੰਭੀਰ ਜ਼ਖਮੀ ਹੋ ਗਿਆ ਹੈ, ਜਿਸ ਨੂੰ ਪੀਜੀਆਈ ਦਾਖਲ ਕਰਵਾਇਆ ਗਿਆ ਹੈ, ਜਿੱਥੇ ਉਸ ਦੀ ਇਲਾਜ ਦੌਰਾਨ ਮੌਤ ਹੋ ਗਈ ਹੈ।

ਚੰਡੀਗੜ੍ਹ ਡੈਸਕ :ਮੋਹਾਲੀ ਦੇ ਖਰੜ ਵਿੱਚ ਉਸ ਵੇਲੇ ਹੰਗਾਮਾ ਹੋ ਗਿਆ, ਜਦੋਂ ਕੋਰਟ ਵਿੱਚ ਪੇਸ਼ੀ ਲਈ ਆਏਪ੍ਰਦੀਪ ਨਾਂਅ ਦੇ ਸਖ਼ਸ਼ ਉੱਤੇ ਗੋਲੀਆਂ ਚਲਾਈਆਂ ਗਈਆਂ। ਪ੍ਰਦੀਪ ਦੀ ਪੀਜੀਆਈ ਵਿੱਚ ਇਲਾਜ ਦੌਰਾਨ ਮੌਤ ਹੋ ਗਈ ਹੈ। ਹਮਲੇ ਵੇਲੇ ਪ੍ਰਦੀਪ ਦਾ ਸਾਥੀ ਗੀਤਾ ਵੀ ਉਸ ਦੇ ਨਾਲ ਸੀ, ਜਿਸ ਉਤੇ ਕਾਫੀ ਮਾਮਲੇ ਦਰਜ ਹਨ। ਦੱਸਿਆ ਜਾ ਰਿਹਾ ਹੈ ਕਿ ਗੀਤਾ ਬੰਬੀਹਾ ਗਰੁੱਪ ਦਾ ਗੁਰਗਾ ਹੈ ਤੇ ਅੱਜ ਵੀ ਹੋਈ ਫਾਇਰਿੰਗ ਗੈਂਗਵਾਰ ਦਾ ਹਿੱਸਾ ਹੈ।

ਹਮਲਾਵਰਾਂ ਨੇ ਵਰ੍ਹਾਈਆਂ 7 ਗੋਲੀਆਂ :ਪੁਲਿਸ ਅਨੁਸਾਰ ਇਹ ਹਾਦਸੇ ਤੋਂ ਬਾਅਦ ਗੀਤਾ ਅਚਾਨਕ ਗਾਇਬ ਹੋ ਗਿਆ। ਗੋਲੀ ਚਲਾਉਣ ਵਾਲੇ ਕੌਣ ਸੀ, ਕਿਥੋਂ ਆਏ ਸੀਆਈਏ ਸਟਾਫ ਇਹ ਜਾਂਚ ਕਰ ਰਿਹਾ ਹੈ। ਇਹ ਗੱਲ ਵੀ ਸਾਹਮਣੇ ਆ ਰਹੀ ਹੈ ਕਿ ਪ੍ਰਦੀਪ ਤੇ ਗੀਤਾ ਵਿਚਕਾਰ ਝਗੜਾ ਚੱਲ ਰਿਹਾ ਸੀ, ਹੋ ਸਕਦਾ ਹੈ ਕਿ ਇਹ ਫਾਇਰਿੰਗ ਵੀ ਉਸ ਨੇ ਕਰਵਾਈ ਹੋਵੇ। ਦੱਸ ਦਈਏ ਕਿ ਪੰਜਾਬ ਵਿੱਚ ਬੰਬੀਹਾ ਅਤੇ ਲਾਰੈਂਸ ਬਿਸ਼ਨੋਈ ਗਰੁੱਪ ਵਿਚਾਲੇ ਚੱਲ ਰਹੀ ਗੈਂਗ ਵਾਰ ਜਾਰੀ ਹੈ। ਇਸ ਵਾਰ ਬੰਬੀਹਾ ਗਰੁੱਪ ਦੇ ਗੁਰਮੀਤ ਉਰਫ਼ ਗੀਤਾ ਨੂੰ ਮਾਰਨ ਦੀ ਕੋਸ਼ਿਸ਼ ਕੀਤੀ ਗਈ। ਖਰੜ ਦੇ ਪਿੰਡ ਰੁੜਕੀ ਦੀ ਮੁੱਖ ਸੜਕ 'ਤੇ 7 ਗੋਲੀਆਂ ਚਲਾਈਆਂ ਗਈਆਂ। ਗੀਤਾ ਤਾਂ ਬਚ ਗਿਆ ਪਰ ਉਸ ਦੇ ਸਾਥੀ ਪ੍ਰਦੀਪ ਦੀ ਛਾਤੀ ਵਿੱਚ ਗੋਲੀ ਲੱਗੀ, ਜਿਸ ਦੀ ਇਲਾਜ ਦੌਰਾਨ ਪੀਜੀਆਈ ਵਿੱਚ ਮੌਤ ਹੋ ਗਈ।

ਜ਼ਮਾਨਤ ਉਤੇ ਬਾਹਰ ਆਇਆ ਸੀ ਗੀਤਾ : ਗੀਤਾ ਇਸੇ ਸਾਲ ਬੁੜੈਲ ਜੇਲ੍ਹ ਤੋਂ ਜ਼ਮਾਨਤ ’ਤੇ ਰਿਹਾਅ ਹੋਇਆ ਸੀ। ਵਿਦਿਆਰਥੀ ਆਗੂ ਗੁਰਲਾਲ ਦੀ ਸਨਅਤੀ ਖੇਤਰ ਦੇ ਇੱਕ ਡਿਸਕੋਥੈਕ ਦੇ ਬਾਹਰ ਨੀਰਜ ਚਸਕਾ ਅਤੇ ਮਨੀ ਵੱਲੋਂ ਗੋਲੀ ਮਾਰ ਕੇ ਹੱਤਿਆ ਕਰ ਦਿੱਤੀ ਗਈ ਸੀ। ਉਸ ਦੌਰਾਨ ਉਹ ਦੋਵੇਂ ਮੋਟਰਸਾਈਕਲ 'ਤੇ ਆਏ ਸਨ, ਉਹ ਗੀਤਾ ਤੇ ਗੁਰੀ ਨੇ ਮੁਹੱਈਆ ਕਰਵਾਇਆ ਸੀ। ਖਰੜ ਸੀਆਈਏ ਸਟਾਫ ਇਸ ਮਾਮਲੇ ਦੀ ਜਾਂਚ ਕਰ ਰਿਹਾ ਹੈ।