19:01 July 06
ਕੈਪਟਨ ਅਮਰਿੰਦਰ ਸਿੰਘ ਦੀ ਸੋਨੀਆ ਗਾਂਧੀ ਨਾਲ ਤਕਰਿਬਨ 2 ਘੰਟੇ ਚੱਲੀ ਮੁਲਾਕਾਤ।
ਕੈਪਟਨ ਅਮਰਿੰਦਰ ਸਿੰਘ ਦੀ ਸੋਨੀਆ ਗਾਂਧੀ ਨਾਲ ਤਕਰਿਬਨ 2 ਘੰਟੇ ਚੱਲੀ ਮੁਲਾਕਾਤ।
3 ਮੈਂਬਰੀ ਕਮੇਟੀ ਮਲਿਕਾਅਰਜੁਨ ਖੜਗੇ ਵੀ ਰਹੇ ਮੌਜੂਦ
ਮੀਟਿੰਗ ਦੌਰਾਣ ਸਰਕਾਰ ਤੇ ਪਾਰਟੀ ਦੇ ਸਾਰੇ ਮਾਮਲਿਆਂ 'ਤੇ ਹੋਈ ਚਰਚਾ
ਹਾਈ ਕਮਾਂਡ ਨੂੰ ਹਰ ਇੱਕ ਮੁੱਦੇ ਤੋਂ ਕਰਵਾਇਆ ਜਾਣੂ
ਹਾਈ ਕਮਾਂਡ ਦੇ ਕਿਸੇ ਫੈਸਲੇ 'ਤੇ ਨਹੀਂ ਇਤਰਾਜ਼
ਪਾਰਟੀ ਤੇ ਸਰਕਾਰ ਬਾਰੇ ਹਾਈ ਕਮਾਂਡ ਦਾ ਹਰ ਫੈਸਲਾ ਮਨਜੂਰ
ਸਿੱਧੂ ਬਾਰੇ ਟਿੱਪਣੀ ਕਰਨ ਤੋਂ ਬਚੇ ਕੈਪਟਨ, ਕਿਹਾ ਸਿੱਧੂ ਦੀ ਉਸਨੂੰ ਪੁਛੋ
18:53 July 06
ਮੀਡੀਆ ਦੇ ਮੁਖ਼ਾਤਬ ਹੋਏ ਕੈਪਟਨ
ਕੈਪਟਨ-ਸੋਨੀਆ ਮੁਲਾਕਾਰ ਖਤਮ
ਮੀਡੀਆ ਦੇ ਮੁਖ਼ਾਤਬ ਹੋਏ ਕੈਪਟਨ
ਪਾਰਟੀ ਜੋ ਫੈਸਲਾ ਲਵੇ, ਅਸੀ ਸਹਿਮਤ
ਮੈਂ ਸਿੱਧੂ ਬਾਰੇ ਕੁਝ ਨਹੀਂ ਜਾਣਦਾ
ਸਿੱਧੂ ਦੀ ਗੱਲ ਸਿੱਧੂ ਨੂੰ ਪੁੱਛੋ
17:46 July 06
ਮਲਿਕਾਅਰਜੁਨ ਖੜਗੇ ਵੀ ਪੰਹੁਚੇ 10 ਜਨਪਥ
ਮਲਿਕਾਅਰਜੁਨ ਖੜਗੇ ਵੀ ਪੰਹੁਚੇ 10 ਜਨਪਥ
17:19 July 06
ਸੋਨੀਆ ਨੂੰ ਮਿਲਣ 10 ਜਨਪਥ ਪੰਹੁਚੇ ਕੈਪਟਨ
ਸੋਨੀਆ ਨੂੰ ਮਿਲਣ 10 ਜਨਪਥ ਪੰਹੁਚੇ ਕੈਪਟਨ
17:12 July 06
ਕੈਪਟਨ ਤੋਂ ਪਹਿਲਾਂ ਸੋਨੀਆ ਨੂੰ ਮਿਲੀ ਪ੍ਰਿਯੰਕਾ ਗਾਂਧੀ
ਪੰਜਾਬ ਕਾਂਗਰਸ ਕਲੇਸ਼ ਨੂੰ ਸੁਲਝਾਉਣ ਲਈ ਦਿੱਲੀ ਦੌਰੇ 'ਤੇ ਗਏ ਮੁੱਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ ਤੋਂ ਪਹਿਲਾਂ ਪ੍ਰਿਯੰਕਾ ਗਾਂਧੀ ਨੇ ਸੋਨੀਆ ਗਾਂਧੀ ਨਾਲ ਮੁਲਾਕਾਤ ਕੀਤੀ।
17:12 July 06
ਨਵਜੋਤ ਸਿੱਧੂ ਨੂੰ ਵੱਡੀ ਜ਼ਿੰਮੇਵਾਰੀ ਮਿਲਣਾ ਤੈਅ
ਸੂਤਰਾਂ ਮੁਤਾਬਕ ਨਵਜੋਤ ਸਿੰਘ ਸਿੱਧੂ ਨੂੰ ਪੰਜਾਬ 'ਚ ਵੱਡੀ ਜ਼ਿੰਮੇਵਾਰੀ ਮਿਲਣਾ ਤੈਅ ਹੈ।
15:27 July 06
ਕੈਪਟਨ ਦਾ ਦਿੱਲੀ ਦੌਰਾ: ਅੱਜ ਖ਼਼ਤਮ ਹੋ ਸਕਦੈ ਰੇੜਕਾ
ਨਵੀਂ ਦਿੱਲੀ: ਪੰਜਾਬ ਕਾਂਗਰਸ ਅੰਦਰ ਚੱਲ ਰਹੇ ਕਲੇਸ਼ ਦੇ ਵਿਚਕਾਰ ਮੁੱਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ ਦਿੱਲੀ ਪਹੁੰਚ ਗਏ ਹਨ। ਉਮੀਦ ਕੀਤੀ ਜਾ ਰਹੀ ਹੈ ਕਿ ਉਹ ਇੱਥੇ ਕੌਮੀ ਰਾਜਧਾਨੀ ਵਿੱਚ, 10 ਜਨਪਥ, ਵਿਖੇ, ਕਾਂਗਰਸ ਪ੍ਰਧਾਨ ਸੋਨੀਆ ਗਾਂਧੀ ਨਾਲ ਮੁਲਾਕਾਤ ਕਰਨਗੇ।
ਇਹ ਮਹੱਤਵਪੂਰਨ ਬੈਠਕ ਪੰਜਾਬ ਕਾਂਗਰਸ ਵਿੱਚ ਮਤਭੇਦ ਖਤਮ ਕਰਨ ਲਈ ਕਿਸੇ ਫਾਰਮੂਲੇ ਨੂੰ ਅੰਤਮ ਰੂਪ ਦਿੱਤਾ ਜਾ ਸਕਦਾ ਹੈ। ਕਾਂਗਰਸ ਪਾਰਟੀ ਜਲਦੀ ਹੀ ਆਪਣੀ ਪੰਜਾਬ ਇਕਾਈ ਦੇ ਅੰਦਰ ਚੱਲ ਰਹੇ ਸੰਕਟ ਨੂੰ ਖਤਮ ਕਰਨ ਲਈ ਐਲਾਨ ਕਰ ਸਕਦੀ ਹੈ।
ਕਾਂਗਰਸ ਪ੍ਰਧਾਨ ਨਾਲ ਮੁਲਾਕਾਤ ਤੋਂ ਪਹਿਲਾਂ ਸੰਸਦ ਮੈਂਬਰ ਰਵਨੀਤ ਬਿੱਟੂ, ਵਿਧਾਇਕ ਰਾਜਕੁਮਾਰ ਵੇਰਕਾ ਅਤੇ ਸਾਬਕਾ ਵਿਧਾਇਕ ਅਸ਼ਵਨੀ ਸੇਖੜੀ ਸਮੇਤ ਕੁਝ ਸੂਬਾਈ ਨੇਤਾ ਕੈਪਟਨ ਅਮਰਿੰਦਰ ਸਿੰਘ ਨਾਲ ਵਿਚਾਰ ਵਟਾਂਦਰੇ ਲਈ ਦਿੱਲੀ ਦੇ ਕਪੂਰਥਲਾ ਹਾਉਸ ਪਹੁੰਚੇ।
ਮੀਡੀਆ ਨਾਲ ਗੱਲਬਾਤ ਕਰਦਿਆਂ ਬਿੱਟੂ ਨੇ ਕਿਹਾ, "ਅਸੀਂ ਕੈਪਟਨ ਅਮਰਿੰਦਰ ਸਿੰਘ ਦੀ ਅਗਵਾਈ ਸਦਕਾ ਸੰਸਦ ਮੈਂਬਰ ਜਾਂ ਵਿਧਾਇਕ ਬਣੇ ਹਾਂ। ਅਸੀਂ ਉਨ੍ਹਾਂ ਦੇ ਨਾਲ ਹਾਂ। ਬਾਕੀ ਫੈਸਲੇ ਪਾਰਟੀ ਹਾਈ ਕਮਾਂਡ ਲਵੇਗੀ।"
ਪੰਜਾਬ ਕਾਂਗਰਸ ਦੇ ਨੇਤਾ ਨਵਜੋਤ ਸਿੰਘ ਸਿੱਧੂ, ਜੋ ਮੁੱਖ ਮੰਤਰੀ ਨਾਲ ਤਕਰਾਰਬਾਜ਼ੀ ਕਰ ਰਹੇ ਹਨ, ਨੇ ਹਾਲ ਹੀ ਵਿੱਚ ਰਾਹੁਲ ਗਾਂਧੀ ਅਤੇ ਪ੍ਰਿਅੰਕਾ ਗਾਂਧੀ ਨਾਲ ਦਿੱਲੀ ਵਿੱਚ ਇੱਕ ਮੀਟਿੰਗ ਕੀਤੀ ਤਾਂ ਜੋ ਰਾਜ ਦੀ ਲੀਡਰਸ਼ਿਪ ਵਿੱਚ ਤਬਦੀਲੀਆਂ ਬਾਰੇ ਆਪਣੀਆਂ ਮੰਗਾਂ ਸਬੰਧੀ ਦਬਾਅ ਬਣਾਇਆ ਜਾ ਸਕੇ।
ਅੱਜ ਵੀ ਸਿੱਧੂ ਨੇ ਟਵੀਟ ਦੀ ਇਕ ਲੜੀ ਵਿਚ ਕੈਪਟਨ 'ਤੇ ਸਖ਼ਤ ਹਮਲੇ ਕੀਤੇ ਸਨ ਅਤੇ ਵਿਧਾਨ ਸਭਾ ਵਿਚ ਇਕ ਨਵੇਂ ਕਾਨੂੰਨ ਰਾਹੀਂ ਪੀਪੀਏ (Power Purchase Agreement) ਨੂੰ ਖ਼ਤਮ ਕਰਨ ਲਈ ਦਬਾਅ ਪਾਉਂਦਿਆਂ ਕਿਹਾ ਸੀ ਕਿ ਮੁਫ਼ਤ ਬਿਜਲੀ ਦਾ ਵਾਅਦਾ ਉਦੋਂ ਤੱਕ ਇਕ ਕਲਪਨਾ ਹੈ ਜਦੋਂ ਤਕ ਇਹ ਪੂਰਾ ਨਹੀਂ ਹੁੰਦਾ।
ਉਨ੍ਹਾਂ ਨੇ ਟਵੀਟ ਕੀਤਾ, “ਮੁਫਤ ਬਿਜਲੀ ਦੇ ਖੋਖਲੇ ਵਾਅਦੇ ਉਦੋਂ ਤੱਕ ਕੋਈ ਅਰਥ ਨਹੀਂ ਰੱਖਦੇ ਜਦੋਂ ਤਕ ਪੰਜਾਬ ਵਿਧਾਨ ਸਭਾ ਵਿਚ ਨਵੇਂ ਕਾਨੂੰਨ ਰਾਹੀਂ ਪੀਪੀਏ ਰੱਦ ਨਹੀਂ ਕੀਤੇ ਜਾਂਦੇ… 300 ਯੂਨਿਟ ਮੁਫ਼ਤ ਬਿਜਲੀ ਮਹਿਜ਼ ਇਕ ਕਲਪਨਾ ਹੁੰਦੀ ਹੈ, ਜਦੋਂ ਤਕ ਪੀਪੀਏ ਵਿਚ ਨੁਕਸ ਵਾਲੀਆਂ ਧਾਰਾਵਾਂ ਪੰਜਾਬ ਨੂੰ ਬੰਧੂਆ ਬਣਾਈ ਰੱਖਦੀਆਂ ਹਨ।”
ਦੋਸ਼ਾਂ 'ਤੇ ਪ੍ਰਤੀਕਰਮ ਦਿੰਦਿਆਂ ਵੇਰਕਾ ਨੇ ਮੀਡੀਆ ਨੂੰ ਕਿਹਾ, “ਅੱਜ ਆਖਰੀ ਮੁਲਾਕਾਤ ਹੈ ਜਿਸ ਤੋਂ ਬਾਅਦ ਹਰ ਇਕ ਨੂੰ ਆਪਣੀ ਸੀਮਾ ਵਿਚ ਰਹਿਣਾ ਹੋਵੇਗਾ।”
ਇਸ ਦੌਰਾਨ ਅਸ਼ਵਨੀ ਸੇਖੜੀ ਨੇ ਕਿਹਾ ਕਿ ਕਾਂਗਰਸ ਪਾਰਟੀ ਦੇ ਤਿੰਨ ਮੈਂਬਰੀ ਪੈਨਲ ਨੇ ਕੈਪਟਨ ਅਮਰਿੰਦਰ ਸਿੰਘ ਨੂੰ, ਆਪਣੇ ਚੋਣ ਮਨੋਰਥ ਪੱਤਰ ਵਿਚ ਦੱਸੇ ਗਏ ਸਰਕਾਰ ਦੇ ਵਾਅਦੇ ਪੂਰੇ ਕਰਨ ਲਈ, ਇਕ ਮੌਕਾ ਦਿੱਤਾ ਸੀ। ਜੇ ਅਜਿਹਾ ਹੁੰਦਾ ਤਾਂ ਸਿੱਧੂ ਨੇ ਇਹ ਸਾਰੀਆਂ ਗੱਲਾਂ ਨਾ ਕਹੀਆਂ ਹੁੰਦੀਆਂ।
14:43 July 06
ਕੈਪਟਨ ਅਮਰਿੰਦਰ ਸਿੰਘ ਦੀ ਥੋੜੀ ਦੇਰ 'ਚ ਸੋਨੀਆ ਗਾਂਧੀ ਨਾਲ ਮੁਲਾਕਾਤ
ਕੈਪਟਨ ਅਮਰਿੰਦਰ ਸਿੰਘ ਦੀ ਥੋੜੀ ਦੇਰ 'ਚ ਸੋਨੀਆ ਗਾਂਧੀ ਨਾਲ ਮੁਲਾਕਾਤ ਹੋ ਸਕਦੀ ਹੈ।
11:27 July 06
ਮੁੱਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ ਦਿੱਲੀ ਰਵਾਨਾ
ਮੁੱਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ ਦਿੱਲੀ ਰਵਾਨਾ
ਚੰਡੀਗੜ੍ਹ ਤੋਂ ਦਿੱਲੀ ਲਈ ਭਰੀ ਉਡਾਨ
ਸੋਨੀਆ ਗਾਂਧੀ ਨਾਲ ਅੱਜ ਹੋ ਸਕਦੀ ਹੈ ਮੁਲਕਾਤ
