ਦੇਸ਼ ਲਈ ਛੋਟਾ ਜਿਹਾ ਯੋਗਦਾਨ ਪਾਓ, ਫੌਜੀਆਂ ਲਈ ਖੂਨ ਦਾਨ ਕਰੋ

ਦੇਸ਼ ਅਤੇ ਦੇਸ਼ ਦੀ ਰਾਖੀ ਕਰਨ ਵਾਲੇ ਜਵਾਨਾਂ ਲਈ ਕੁੱਝ ਕਰਨ ਦੀ ਇੱਛਾ ਰੱਖਣ ਕਰਨ ਵਾਲੇ ਲੋਕ ਖੂਨਦਾਨ ਕਰਕੇ ਆਪਣਾ ਯੋਗਦਾਨ ਦੇ ਸਕਦੇ ਹਨ। 24 ਜਨਵਰੀ ਨੂੰ ਇੱਕ ਰੋਜ਼ਾ ਖੂਨਦਾਨ ਕੈਂਪ ਲਗਾਇਆ ਜਾ ਰਿਹਾ ਹੈ।

ਚੰਡੀਗੜ੍ਹ: ਆਈਐਮ ਸਟਿਲ ਹਿਊਮਨ (I am still human) ਫਾਊਂਡੇਸ਼ਨ ਵੱਲੋਂ 24 ਜਨਵਰੀ ਨੂੰ ਇੱਕ ਰੋਜ਼ਾ ਖੂਨਦਾਨ ਕੈਂਪ ਲਗਾਇਆ ਜਾ ਰਿਹਾ ਹੈ। ਦਾਨ ਕੀਤਾ ਗਿਆ ਖੂਨ ਆਰਮੀ ਦੇ ਜਵਾਨਾਂ ਨੂੰ ਦਿੱਤਾ ਜਾਵੇਗਾ। ਇਸ ਬਾਰੇ ਗੱਲ ਕਰਦਿਆਂ ਫਾਊਂਡੇਸ਼ਨ ਦੇ ਚੇਅਰਮੈਨ ਵਿਵੇਕ ਮਿਹਰਾ ਨੇ ਦੱਸਿਆ ਕਿ ਚੰਡੀ ਕਮਾਂਡ ਹਸਪਤਾਲ ਦੇ ਸਹਿਯੋਗ ਦੇ ਨਾਲ ਖੂਨਦਾਨ ਕੈਂਪ ਡੀਐਲਐਫ ਦੇ ਵਿੱਚ ਲਗਾਇਆ ਜਾ ਰਿਹਾ ਜੋ ਕਿ ਆਪਣੇ ਆਪ ਚ ਅਵੱਲਾ ਹੈ ਕਿਉਂਕਿ ਭਾਰਤੀ ਆਰਮੀ ਦੇ ਲਈ ਹਰ ਨੌਜਵਾਨ ਕੁਝ ਨਾ ਕੁਝ ਕਰਨਾ ਚਾਹੁੰਦਾ ਹੈ। ਇਸ ਦਿਨ ਲੋੜਵੰਦ ਜਵਾਨਾਂ ਦੇ ਲਈ ਖੂਨਦਾਨ ਕੈਂਪ ਲਗਾਇਆ ਜਾ ਰਿਹਾ ਹੈ।

ਇਸ ਪ੍ਰੋਗਰਾਮ ਬਾਰੇ ਵਧੇਰੀ ਜਾਣਕਾਰੀ ਦਿੰਦਿਆਂ ਡਿਫੈਂਸ ਸਰਵਿਸਿਜ਼ ਵੈੱਲਫੇਅਰ ਦੇ ਡਿਪਟੀ ਡਾਇਰੈਕਟਰ ਜਰਨੈਲ ਸਿੰਘ ਨੇ ਦੱਸਿਆ ਕਿ ਆਰਮੀ ਦੇ ਜਵਾਨਾਂ ਨੂੰ ਸਮੇਂ ਸਮੇਂ ਤੇ ਖੂਨ ਦੀ ਜ਼ਰੂਰਤ ਪੈਂਦੀ ਰਹਿੰਦੀ ਹੈ ਕਿਉਂਕਿ ਉਨ੍ਹਾਂ ਦੀ ਨੌਕਰੀ ਦੇ ਵਿੱਚ ਜਾਨ ਨੂੰ ਬਹੁਤ ਜੋਖਿਮ ਰਹਿੰਦਾ ਹੈ ਜਿਸ ਕਰਕੇ ਆਰਮੀ ਬੇਸ ਚੋਂ ਵਕਤ ਰਹਿੰਦੇ ਖੂਨ ਜਮ੍ਹਾਂ ਕਰਨਾ ਥੋੜ੍ਹਾ ਮੁਸ਼ਕਿਲ ਹੈ ਪਰ ਸਾਧਾਰਨ ਲੋਕਾਂ ਕੋਲੋਂ ਜੋ ਕਿ ਆਰਮੀ ਦੇ ਲਈ ਕੁਝ ਕਰਨਾ ਚਾਹੁੰਦੇ ਨੇ ਅਤੇ ਆਰਮੀ ਵਿੱਚ ਨਹੀਂ ਜਾ ਪਾਏ ਇਹ ਸੁਨਹਿਰੀ ਮੌਕਾ ਹੈ ਜਦੋਂ ਉਹ ਆਪਣੀਆਂ ਸੇਵਾਵਾਂ 'ਚ ਖੂਨਦਾਨ ਕਰਕੇ ਇੰਡੀਅਨ ਆਰਮੀ ਦੇ ਲਈ ਦੇ ਸਕਦੇ ਹਨ।