ਚੰਡੀਗੜ੍ਹ: ਸੈਕਟਰ 28 ਸਥਿਤ ਅਕਾਲੀ ਦਲ ਦਫਤਰ 'ਚ ਹੋਈ ਕੋਰ ਕਮੇਟੀ ਦੀ ਬੈਠਕ ਤੋ ਬਾਅਦ ਬਿਕਰਮ ਮਜੀਠੀਆ ਨੇ ਸੁਖਦੇਵ ਅਤੇ ਪਰਮਿੰਦਰ ਢੀਂਡਸਾ 'ਤੇ ਨਿਸ਼ਾਨੇ ਵਿੰਨ੍ਹੇ।ਮਜੀਠੀਆਂ ਨੇ ਕਿਹਾ ਕਿ ਸੰਗਰੂਰ ਹਲਕੇ ਚ ਢੀਂਡਸਿਆ ਨੇ ਬਹੁਤ ਜ਼ੋਰ ਲਗਾਇਆ ਕਿ ਵਰਕਰ ਅਕਾਲੀ ਦਲ ਦੀ ਰੈਲੀ 'ਚ ਨਾ ਪਹੁੰਚਣ ਪਰ ਵਰਕਰਾਂ ਨੇ ਪਹੁੰਚ ਕੇ ਢੀਂਡਸਿਆ ਨੂੰ ਉਹਨਾਂ ਦੀ ਥਾਂ ਵਿਖਾ ਦਿੱਤੀ।
ਉਥੇ ਹੀ ਅੰਮ੍ਰਿਤਸਰ ਜੇਲ ਬ੍ਰੇਕ ਮਾਮਲੇ ਤੇ ਬੋਲਦਿਆਂ ਮਜੀਠੀਆ ਨੇ ਕਿਹਾ ਕਿ ਜੇਲ੍ਹ ਮੰਤਰੀ ਸੁਖਜਿੰਦਰ ਰੰਧਾਵਾ ਦੀ ਜਾਂਚ ਹੋਣੀ ਚਾਹੀਦੀ ਹੈ ਕਿਉਂਕਿ ਰੰਧਾਵਾ ਦੇ ਗੈਂਗਸਟਰਾਂ ਨਾਲ ਲਿੰਕ ਹਨ। ਉਨ੍ਹਾਂ ਕਿਹਾ ਜੇਲ੍ਹ ਬ੍ਰੇਕ ਮਾਮਲਾ ਸਾਫ ਦਿਖਾਉਂਦਾ ਹੈ ਕਿ ਸੁੂਬੇ ਚ ਕਾਨੂੰਨ ਵਿਵਸਥਾ ਖ਼ਰਾਬ ਹੈ ਅਤੇ ਸਰਕਾਰ ਫੇਲ ਹੋ ਚੁਕੀ ਹੈ।
ਜੇਲ੍ਹ ਚ ਬੈਠੇ ਗੈਂਗਸਟਰ ਫਿਰੋਤੀਆਂ ਤੇ ਰੰਗਦਾਰੀ ਲੈ ਰਹੇ ਹਨ ਅਤੇ ਮੋਬਾਇਲ ਚਲਾਉਂਦੇ ਹਨ। ਸਰਕਾਰ ਨੇ ਹੀ ਕੈਦੀਆ ਨੂੰ ਖੁੱਲ੍ਹ ਦਿੱਤੀ ਹੋਈ ਹੈ।
