ਚੰਡੀਗੜ੍ਹ: ਗੁਰਦਾਸਪੁਰ ਤੋਂ ਸਾਂਸਦ ਸੰਨੀ ਦਿਓਲ ਨੇ ਚਾਰ ਹਿੰਦੂ ਦਬਦਬੇ ਵਾਲੀਆਂ ਵਿਧਾਨ ਸਭਾ ਸੀਟਾਂ ਨੂੰ ਅਸਾਨੀ ਨਾਲ ਪਿੱਛੇ ਛੱਡ ਦਿੱਤਾ ਹੈ ਜਦਕਿ ਸ਼੍ਰੋਮਣੀ ਅਕਾਲੀ ਦਲ ਦੇ ਕਬਜ਼ੇ ਵਾਲੇ ਹਿੱਸਿਆਂ 'ਚ ਅਜੇ ਵੀ ਦੀਵਾਰ ਬਣੀ ਹੋਈ ਹੈ। ਇਸ ਕਾਰਨ ਦੋਹਾਂ ਗੱਠਜੋੜ ਪਾਰਟੀਆਂ ਵਿਚਕਾਰ ਤਣਾਅ ਪੈਦਾ ਹੋ ਗਿਆ ਹੈ। ਸੀਟ ਦੀ ਵੰਡ ਦੇ ਸਮਝੌਤੇ ਵਿਚ ਭਾਜਪਾ ਕੋਲ ਚਾਰ ਸੀਟਾਂ ਹਨ ਜਦਕਿ ਪੰਜ ਸੀਟਾਂ ਸ਼੍ਰੋਮਣੀ ਅਕਾਲੀ ਦਲ 'ਚ ਵੰਡੀਆਂ ਹੋਈਆਂ ਹਨ।
ਭੋਆ, ਸੁਜਾਨਪੁਰ, ਪਠਾਨਕੋਟ ਅਤੇ ਦੀਨਾਨਗਰ, ਇਹ ਸਾਰੀਆਂ ਹਿੰਦੂ ਦਬਦਬੇ ਵਾਲੀਆਂ ਸੀਟਾਂ ਭਾਜਪਾ ਕੋਲ ਹਨ। ਸ਼੍ਰੋਮਣੀ ਅਕਾਲੀ ਦਲ ਕੋਲ ਡੇਰਾ ਬਾਬਾ ਨਾਨਕ, ਗੁਰਦਾਸਪੁਰ, ਫਤਿਹਗੜ੍ਹ ਚੂੜੀਆਂ, ਬਟਾਲਾ ਅਤੇ ਕਾਦੀਆਂ ਹਨ।
ਬੀਜੇਪੀ ਨੇ ਭੋਆ, ਸੁਜਾਨਪੁਰ ਅਤੇ ਪਠਾਨਕੋਟ ਤੋਂ ਲਗਭਗ 30 ਹਜ਼ਾਰ ਵੋਟਾਂ ਪ੍ਰਾਪਤ ਕੀਤੀਆਂ ਜਦ ਕਿ ਦੀਨਾਨਗਰ ਤੋਂ 21 ਹਜ਼ਾਰ ਵੋਟਾਂ ਆਈਆਂ।