ਬੀਬੀ ਬਾਦਲ ਨੇ ਸਮ੍ਰਿਤੀ ਇਰਾਨੀ ਨਾਲ ਪਾਈ ਕਿੱਕਲੀ, ਵੇਖੋ ਵੀਡੀਓ

ਨਵੀਂ ਦਿੱਲੀ: ਹਰਸਿਮਰਤ ਕੌਰ ਬਾਦਲ ਨੇ ਆਪਣੇ ਟਵਿੱਟਰ ਅਕਾਊਂਟ 'ਤੇ ਇਕ ਵੀਡੀਓ ਸਾਂਝੀ ਕੀਤੀ ਹੈ ਜਿਸ ਵਿੱਚ ਉਹ ਸਮ੍ਰਿਤੀ ਇਰਾਨੀ ਦੇ ਨਾਲ ਕਿੱਕਲੀ ਪਾਉਂਦੇ ਹੋਏ ਨਜ਼ਰ ਆ ਰਹੇ ਹਨ।

ਉਂਝ ਤਾਂ ਇਕ ਸਿਆਸਤਦਾਨ ਦੀ ਜਿੰਦਗੀ ਰੁਝੇਂਵਾਂ ਭਰੀ ਰਹਿੰਦੀ ਹੈ , ਪਰ ਜਦੋਂ ਵੀ ਸਮਾਂ ਮਿਲਦਾ ਹੈ ਉਹ ਜਿੰਦਗੀ ਦਾ ਆਨੰਦ ਜ਼ਰੂਰ ਮਾਣਦੇ ਹਨ। ਬੀਬੀ ਬਾਦਲ ਵੀ ਕੁਝ ਇਸ ਤਰ੍ਹਾਂ ਹੀ ਕਰਦੀ ਨਜ਼ਰ ਆਈ ਸਮ੍ਰਿਤੀ ਇਰਾਨੀ ਕਿਰਨ ਖੇਰ ਅਤੇ ਹੋਰਾਂ ਦੇ ਨਾਲ ਉਹਨਾਂ ਕਿੱਕਲੀ ਪਾਈ।

ਟਵਿੱਟਰ 'ਤੇ ਉਹ ਲਿਖਦੇ ਨੇ ਜ਼ਿੰਦਗੀ ਨੇ ਕੱਲ ਸਾਡੇ ਤੇ ਜਾਦੂ ਕੀਤਾ ਜਦੋਂ ਦੁਪਹਿਰ ਦੇ ਭੋਜਨ ਦੌਰਾਨ ਅਸੀਂ ਬਚਪਨ ਦੇ ਦਿਨਾਂ ਦੀ ਸੈਰ ਕਰ ਆਏ।ਦੱਸਣਯੋਗ ਹੈ ਕੇ ਬੀਬੀ ਬਾਦਲ ਨੇ ਆਪਣੇ ਦਿੱਲੀ ਵਾਲੇ ਘਰ 'ਚ ਸਮ੍ਰਿਤੀ ਇਰਾਨੀ , ਕਿਰਨ ਖੇਰ , ਨਿਰਮਲਾ ਸਿਤਾਰਮਨ , ਰਾਜਨਾਥ ਸਿੰਘ ਅਤੇ ਕਈ ਹੋਰ ਭਾਜਪਾ ਆਗੂਆਂ ਨੂੰ ਲੰਚ 'ਤੇ ਬੁਲਾਇਆ ਸੀ।