ਪੁਲਿਸ ਨੂੰ ਐੱਸਐੱਸਪੀ ਵੱਲੋਂ ਸਖ਼ਤ ਹਦਾਇਤਾਂ,ਇੱਕ ਦੂਜੇ ਨੂੰ ਸੰਬੋਧਨ ਕਰਨ ਸਮੇਂ 'ਜੈ ਹਿੰਦ' ਸ਼ਬਦ ਦੀ ਕੀਤੀ ਜਾਵੇ ਵਰਤੋਂ

ਬਠਿੰਡਾ ਦੇ ਐੱਸਐੱਸਪੀ ਜੇ ਐਲਨਚੇਲੀਅਨ (Bathinda SSP J Alanchelian) ਨੇ ਪੁਲਿਸ ਨੂੰ ਖ਼ਾਸ ਹਦਾਇਤ ਜਾਰੀ ਕੀਤੀ ਹੈ। ਉਨ੍ਹਾਂ ਕਿਹਾ ਹੈ ਕਿ ਪੁਲਿਸ ਮੁਲਾਜ਼ਮ ਆਪਸ ਵਿੱਚ ਮਿਲਦਿਆਂ ਜਾਂ ਫੋਨ ਉੱਤੇ ਗੱਲਬਾਤ ਕਰਦਿਆਂ ਜੈ ਹਿੰਦ ਨਾਲ ਸੰਬੋਧਨ (Address with Jai Hind) ਕਰਨਗੇ।

ਬਠਿੰਡਾ: ਪੁਲਿਸ ਵੱਲੋਂ ਆਪਸ ਵਿੱਚ ਮਿਲਦਿਆਂ ਜਾ ਗੱਲਬਾਤ ਕਰਦਿਆਂ ਹਦਾਇਤਾਂ ਮੁਤਾਬਿਕ ਸ਼ਬਦ ਵਰਤੇ ਜਾਂਦੇ ਹਨ। ਐਸਐਸਪੀ ਬਠਿੰਡਾ (Bathinda SSP J Alanchelian) ਦਾ ਕਹਿਣਾ ਹੈ ਕਿ ਦੇਖਿਆ ਗਿਆ ਹੈ ਕਿ ਪੁਲਿਸ ਮੁਲਾਜ਼ਮ ਹੁਣ ਦੇ ਸਮੇਂ ਵਿੱਚ ਆਪਸੀ ਮਿਲਣੀ ਦੌਰਾਨ ਜਾਂ ਫੋਨ ਉੱਤੇ ਗੱਲਬਾਤ ਕਰਦਿਆਂ ਖ਼ਾਸ ਹਿਦਾਇਤਾਂ ਮੁਤਾਬਿਕ ਸੰਬੋਧਨ ਨਹੀਂ ਕਰ ਰਹੇ।

ਪੱਤਰ ਜਾਰੀ:ਐੱਸਐੱਸਪੀ ਜੇ ਐਲਨਚੇਲੀਅਨ (Bathinda SSP J Alanchelian) ਨੇ ਇੱਕ ਪੱਤਰ ਜਾਰੀ ਕਰਕੇ ਪੁਲਿਸ ਮੁਲਜ਼ਮਾਂ ਨੂੰ ਸਖ਼ਤ ਹਦਾਇਤਾਂ ਦਿੱਤੀਆਂ ਹਨ। ਉਨ੍ਹਾਂ ਕਿਹਾ ਕਿ ਅਕਸਰ ਦੇਖਿਆ ਗਿਆ ਹੈ ਕਿ ਪੁਲਿਸ ਮੁਲਾਜ਼ਮ ਇੱਕ ਦੂਜੇ ਨੂੰ ਸੰਬੋਧਨ ਕਰਨ ਸਮੇਂ ਜੈ ਹਿੰਦ ਦੀ ਵਰਤੋਂ (Address with Jai Hind) ਨਹੀਂ ਕਰਦੇ ਜਿਸ ਨੂੰ ਕਿਸੇ ਤਰੀਕੇ ਜਾਇਜ਼ ਨਹੀਂ ਠਹਿਰਾਇਆ ਜਾ ਸਕਦਾ।

ਪੁਲਿਸ ਨੂੰ ਐੱਸਐੱਸਪੀ ਵੱਲੋਂ ਸਖ਼ਤ ਹਦਾਇਤਾਂ,ਇੱਕ ਦੂਜੇ ਨੂੰ ਸੰਬੋਧਨ ਕਰਨ ਸਮੇਂ ਜੈ ਹਿੰਦ ਸ਼ਬਦ ਦੀ ਕੀਤੀ ਜਾਵੇ ਵਰਤੋਂ

ਇਹ ਵੀ ਪੜ੍ਹੋ:ਪੈਸਿਆਂ ਦੇ ਲਾਲਚ ਵਿੱਚ ਦੋਸਤ ਨੇ ਹੀ ਲਈ ਦੋਸਤ ਦੀ ਜਾਨ

ਅਨੁਸ਼ਾਸਨਿਕ ਫੋਰਸ:ਐੱਸਐੱਸਪੀ ਜੇ ਐਲਨਚੇਲੀਅਨ ਨੇ ਅੱਗੇ ਕਿਹਾ ਕਿ ਪੁਲਿਸ ਇੱਕ ਪ੍ਰਸ਼ਾਸਨਿਕ ਫੋਰਸ (Police an administrative force) ਹੈ ਇਸ ਲਈ ਇੱਕ ਦੂਜੇ ਨੂੂੰ ਕਿਸੇ ਆਮ ਭਾਸ਼ਾ ਵਿੱਚ ਸੰਬੋਧਨ ਨਹੀਂ ਕੀਤਾ ਜਾਣਾ ਚਾਹੀਦਾ। ਉਨ੍ਹਾਂ ਕਿਹਾ ਕਿ ਅਨੁਸ਼ਾਸਨਿਕ ਫੋਰਸ ਹੋਣ ਦੇ ਨਾਤੇ ਪੁਲਿਸ ਨੂੰ ਜੋ ਹਦਾਇਤ ਹੈ ਉਸ ਦੇ ਮੁਤਾਬਿਕ ਹੀ ਸਾਰੇ ਮੁਲਾਜ਼ਮ ਇੱਕ ਦੂਜੇ ਨੂੰ ਸੰਬੋਧਨ ਕਰਨਗੇ। ਉਨ੍ਹਾਂ ਇਹ ਵੀ ਕਿਹਾ ਕਿ ਹਦਾਇਤਾਂ ਨੂੰ ਤੁਰੰਤ ਪ੍ਰਭਾਵ ਦੇ ਨਾਲ ਅਮਲ ਵਿੱਚ ਲਿਆਂਦਾ ਜਾਵੇ।