ਤਲਵੰਡੀ ਸਾਬੋ: ਇਤਿਹਾਸਿਕ ਨਗਰ ਤਲਵੰਡੀ ਸਾਬੋ ਵਿੱਚ ਸ਼ਹਿਨਾਜ਼ ਮਿੱਤਲ ਨੇ ਪੀਸੀਐੱਸ ਪਾਸ ਕੀਤਾ ਹੈ, ਜਿਸ ਨੂੰ ਲੈ ਕੇ ਜਿੱਥੇ ਲੜਕੀ ਦੇ ਪਰਿਵਾਰ 'ਚ ਖੁਸ਼ੀ ਦਾ ਮਾਹੌਲ ਹੈ, ਉੱਥੇ ਹੀ ਨਗਰ ਦੀਆਂ ਸਿਆਸੀ, ਸਮਾਜਿਕ ਜਥੇਬੰਦੀਆਂ ਵੱਲੋਂ ਵੀ ਲੜਕੀ ਦਾ ਸਨਮਾਨ ਕੀਤਾ ਜਾ ਰਿਹਾ ਹੈ ਕਿਉਂਕਿ ਸ਼ਹਿਨਾਜ਼ ਮਿੱਤਲ ਸ਼ਹਿਰ ਦੀ ਪਹਿਲੀ ਲੜਕੀ ਹੈ ਜੋ ਸਿਵਲ ਸਰਵਿਸਜ਼ ਲਈ ਚੁਣੀ ਗਈ ਹੈ।
ਤਲਵੰਡੀ ਸਾਬੋ 'ਚ ਪਹਿਲੀ ਵਾਰ ਪੀਸੀਐੱਸ ਬਣੀ ਇੱਕ ਕੁੜੀ, ਸ਼ਹਿਰ 'ਚ ਖੁਸ਼ੀ ਦਾ ਮਾਹੌਲ
ਸ਼ਹਿਨਾਜ਼ ਮਿੱਤਲ ਨੇ ਦੱਸਿਆ ਕਿ ਉਸ ਨੇ ਦਸਵੀਂ ਤੱਕ ਦੀ ਪੜ੍ਹਾਈ ਸਰਕਾਰੀ ਸਕੂਲ ਵਿੱਚ ਕੀਤੀ ਹੈ ਅਤੇ ਪੜ੍ਹਾਈ ਤੋਂ ਬਾਅਦ ਭਾਂਵੇ ਉਹ ਸਹਿਕਾਰਤਾ ਵਿਭਾਗ ਵਿੱਚ ਇੰਸਪੈਕਟਰ ਲੱਗ ਗਈ ਸੀ ਪਰ ਉਸ ਦਾ ਮਨ ਸਿਵਲ ਸਰਵਿਸ ਵਿੱਚ ਜਾਣ ਦਾ ਸੀ। ਇਸ ਲਈ ਉਸ ਨੇ ਦਿਨ ਰਾਤ ਮਿਹਨਤ ਕੀਤੀ ਤੇ ਹੁਣ ਉਹ ਪੀ.ਸੀ.ਐੱਸ ਚੁਣੀ ਗਈ ਹੈ। ਫਿਲਹਾਲ ਉਸ ਨੇ ਸਹਿਕਾਰਤਾ ਵਿਭਾਗ 'ਚ ਸਹਾਇਕ ਰਜਿਸਟਰਾਰ ਵਜੋਂ ਅਹੁਦਾ ਸੰਭਾਲਿਆ ਹੈ ਅਤੇ ਅਜੇ ਅੰਡਰ ਟ੍ਰੇਨਿੰਗ ਹੈ।