ਬਠਿੰਡਾ: ਗਿੱਦੜਬਾਹਾ ਤੋਂ ਵਿਧਾਇਕ ਅਮਰਿੰਦਰ ਸਿੰਘ ਰਾਜਾ ਵੜਿੰਗ ਵੱਲੋਂ ਖਜਾਨਾ ਮੰਤਰੀ ਮਨਪ੍ਰੀਤ ਸਿੰਘ ਬਾਦਲ ’ਤੇ ਗੰਭੀਰ ਦੋਸ਼ ਲਗਾਉਂਦੇ ਹੋਏ ਕੁਝ ਤਸਵੀਰਾਂ ਵਾਇਰਲ ਕੀਤੀਆਂ। ਜਿਸ ’ਤੇ ਸਿਆਸਤ ਭਖ ਗਈ ਹੈ। ਦੱਸ ਦਈਏ ਕਿ ਸੋਸ਼ਲ ਮੀਡੀਆ ’ਤੇ ਜਿਨ੍ਹਾਂ ਤਸਵੀਰਾਂ ਨੂੰ ਸ਼ੇਅਰ ਕੀਤਾ ਹੈ ਉਹ ਤਸਵੀਰਾਂ ਚਰਨਜੀਤ ਸਿੰਘ ਲੁਹਾਰਾ ਦੀਆਂ ਹਨ।
'ਅਧੂਰੀ ਜਾਣਕਾਰੀ ਨਾਲ ਵਾਇਰਲ ਕੀਤੀਆਂ ਵਿਧਾਇਕ ਰਾਜਾ ਵੜਿੰਗ ਨੇ ਤਸਵੀਰਾਂ'
ਇਨ੍ਹਾਂ ਤਸਵੀਰਾਂ ਦੇ ਸਬੰਧ ’ਚ ਚਰਨਜੀਤ ਸਿੰਘ ਲੁਹਾਰਾ ਦਾ ਕਹਿਣਾ ਹੈ ਕਿ ਉਨ੍ਹਾਂ ਨੂੰ ਦਿੱਤੇ ਗਏ ਚੈੱਕ ਗਿੱਦੜਬਾਹਾ ਹਲਕੇ ਦੇ ਵਿਕਾਸ ਕਾਰਜਾਂ ਦੇ ਲਈ ਨਹੀਂ ਬਲਕਿ ਮਾਡਨ ਟਾਊਨ ਫੇਜ਼ ਪੰਜ ਦੀ ਬਣੀ ਸੁਸਾਇਟੀ ਨੂੰ ਦਿੱਤੇ ਗਏ ਸੀ। ਜਿਸਦੇ ਉਹ ਪ੍ਰਧਾਨ ਹਨ। ਉੱਥੇ ਦੇ ਵਿਕਾਸ ਕੰਮਾਂ ਦੇ ਲਈ ਹੀ ਇਹ ਚੈੱਕ ਦਿੱਤਾ ਗਿਆ ਸੀ।