ਘਰੇਲੂ ਗੈਸ ਸਿਲੰਡਰ ਲੀਕ ਹੋਣ ਨਾਲ ਵਾਪਰਿਆ ਹਾਦਸਾ, 3 ਜਖ਼ਮੀ

ਮੌੜ ਮੰਡੀ ਵਿਖੇ ਉਸ ਵੇਲੇ ਹਲਚਲ ਮਚ ਗਈ ਜਦੋਂ ਇੱਕ ਘਰ ਅੰਦਰ ਘਰੇਲੂ ਗੈਸ ਸਿਲੰਡਰ ਲੀਕ ਹੋ ਗਿਆ ਤੇ ਅੱਗ ਦੀ ਚਪੇਟ ਵਿੱਚ ਆਉਣ ਨਾਲ ਤਿੰਨ ਜਖ਼ਮੀ ਹੋ ਗਏ।

ਬਠਿੰਡਾ: ਮੌੜ ਮੰਡੀ ਵਿਖੇ ਉਸ ਵੇਲੇ ਹਲਚਲ ਮਚ ਗਈ ਜਦੋਂ ਇੱਕ ਘਰ ਅੰਦਰ ਘਰੇਲੂ ਗੈਸ ਸਿਲੰਡਰ ਲੀਕ ਹੋ ਗਿਆ ਤੇ ਅੱਗ ਦੀ ਚਪੇਟ ਵਿੱਚ ਆਉਣ ਨਾਲ ਤਿੰਨ ਜਖ਼ਮੀ ਹੋ ਗਏ। ਇਨ੍ਹਾ ਚੋਂ ਇੱਕ ਮਹਿਲਾ 70 ਫੀਸਦੀ ਸੜ ਚੁੱਕੀ ਹੈ।

ਇਸ ਘਟਨਾ ਸਬੰਧੀ ਜਾਣਕਾਰੀ ਦਿੰਦੇ ਹੋਏ ਡੀਐਸਪੀ ਮਨੋਜ ਜੋਸ਼ੀ ਨੇ ਦੱਸਿਆ ਕਿ ਗੈਸ ਏਜੰਸੀ ਦਾ ਇੱਕ ਵਿਅਕਤੀ ਰਾਮਗੋਪਾਲ ਦੇ ਘਰ ਸਿਲੰਡਰ ਨੂੰ ਠੀਕ ਕਰਨ ਲਈ ਪਹੁੰਚਿਆ ਸੀ। ਇੱਥੇ ਸਿਲੰਡਰ ਠੀਕ ਕਰਦੇ ਸਮੇਂ ਗੈਸ ਨੇ ਅੱਗ ਫੜ੍ਹ ਲਈ ਤੇ ਤਿੰਨ ਵਿਅਕਤੀ ਅੱਗ ਦੀ ਚਪੇਟ ਵਿੱਚ ਆ ਗਏ।

ਉਨ੍ਹਾਂ ਦੱਸਿਆ ਕਿ ਗੁਆਂਢ ਘਰੋਂ ਆਈ ਇੱਕ ਮਹਿਲਾ ਵੀ ਇਨ੍ਹਾਂ ਵਿੱਚ ਸ਼ਾਮਲ ਹੈ, ਜੋ ਕਿ 70 ਫੀਸਦੀ ਸੜ ਚੁੱਕੀ ਹੈ। ਇਸ ਦੇ ਨਾਲ ਹੀ ਗੈਸ ਏਜੰਸੀ ਕਰਮਚਾਰੀ ਫੂਲ ਸਿੰਘ ਤੇ ਮਕਾਨ ਮਾਲਕ ਰਾਮਗੋਪਾਲ 40 ਫੀਸਦੀ ਸੜ ਗਏ ਹਨ। ਤਿੰਨੋ ਜਖ਼ਮੀ ਬਠਿੰਡਾ ਦੇ ਸਿਵਲ ਹਸਪਤਾਲ ਵਿੱਚ ਭਰਤੀ ਹਨ। ਪੁਲਿਸ ਮਾਮਲੇ ਦੀ ਜਾਂਚ ਵਿੱਚ ਜੁੱਟ ਗਈ ਹੈ।

ਇਹ ਵੀ ਫੜ੍ਹੋ: ਮਸ਼ਹੂਰ ਬਾਲੀਵੁੱਡ ਅਦਾਕਾਰ ਰਿਸ਼ੀ ਕਪੂਰ ਦਾ ਹੋਇਆ ਦੇਹਾਂਤ