ਕਲਪਨਾ ਚਾਵਲਾ ਦੀ ਬਰਸੀ ਮੌਕੇ ਸਨਮਾਨਿਤ ਹੋਣਗੀਆਂ ਅਹਿਮ ਹਸਤੀਆਂ

1 ਫ਼ਰਵਰੀ ਨੂੰ ਪੁਲਾੜ ਯਾਤਰੀ ਕਲਪਨਾ ਚਾਵਲਾ ਦੀ ਬਰਸੀ ਮੌਕੇ ਬਠਿੰਡਾ ਦੀ ਗੁਰੂ ਕਾਂਸ਼ੀ ਯੂਨੀਵਰਸਿਟੀ ਵੱਲੋਂ ਵੱਖ-ਵੱਖ ਖੇਤਰਾਂ ਵਿੱਚ ਆਪਣੀ ਅਹਿਮ ਥਾਂ ਬਣਾਉਣ ਵਾਲੀਆਂ ਹਸਤੀਆਂ ਨੂੰ ਸਨਮਾਨਿਤ ਕੀਤਾ ਜਾਵੇਗਾ। ਇਹ ਸਨਮਾਨ ਕਲਪਨਾ ਚਾਵਲਾ ਦੇ ਪਿਤਾ ਬਨਾਰਸੀ ਦਾਸ ਚਾਵਲਾ ਭੇਂਟ ਕਰਨਗੇ।

ਬਠਿੰਡਾ: ਕਲਪਨਾ ਚਾਵਲਾ ਦੀ ਬਰਸੀ ਮੌਕੇ 1 ਫ਼ਰਵਰੀ ਨੂੰ ਗੁਰੂ ਕਾਂਸ਼ੀ ਯੂਨੀਵਰਸਿਟੀ ਵੱਲੋਂ ਕਲਪਨਾ ਚਾਵਲਾ ਐਕਸੀਲੈਂਟ ਅਵਾਰਡ ਦਿੱਤਾ ਜਾ ਰਿਹਾ ਹੈ। ਵੱਖ-ਵੱਖ ਖੇਤਰਾਂ 'ਚ ਉਪੱਲਬਧੀਆਂ ਹਾਸਿਲ ਕਰ ਚੁੱਕੀਆਂ ਔਰਤਾਂ ਨੂੰ ਇਹ ਸਨਮਾਨ ਦਿੱਤਾ ਜਾਵੇਗਾ। ਗੁਰੂ ਕਾਂਸ਼ੀ ਯੂਨੀਵਰਸਿਟੀ ਦੇ ਵਾਈਸ ਚਾਂਸਲਰ ਗੁਰਸ਼ਰਨ ਸਿੰਘ ਰੰਧਾਵਾ ਵੱਲੋਂ ਪ੍ਰੈਸ ਵਾਰਤਾ ਕਰ ਇਸ ਐਵਾਰਡ ਸਮਾਰੋਹ ਦੀ ਜਾਣਕਾਰੀ ਦਿੱਤੀ ਗਈ। ਉਨ੍ਹਾਂ ਕਿਹਾ ਕਿ ਇਹ ਸਨਮਾਨ ਕਲਪਨਾ ਚਾਵਲਾ ਦੇ ਪਿਤਾ ਬਨਾਰਸੀ ਦਾਸ ਚਾਵਲਾ ਜੀ ਦੇਣਗੇ।

8 ਹਸਤੀਆਂ ਦੀ ਹੋਈ ਹੈ ਚੋਣਗੁਰਸ਼ਰਨ ਸਿੰਘ ਰੰਧਾਵਾ ਨੇ ਕਿਹਾ ਕਿ ਵੱਖ-ਵੱਖ ਖੇਤਰਾਂ ਵਿੱਚੋਂ 8 ਕੁੜੀਆਂ ਦੀ ਚੋਣ ਹੋ ਚੁੱਕੀ ਹੈ। ਇਸ ਸੂਚੀ ਵਿੱਚ ਡਾਕਟਰ ਇੰਦਰਜੀਤ ਕੌਰ, ਡਾਕਟਰ ਰਮਾ ਰਤਨ ਡਾਕਟਰ ਹਰਸ਼ਿੰਦਰ ਕੌਰ , ਪ੍ਰੋਫ਼ੈਸਰ ਸੁਜਾਤਾ ਸ਼ਰਮਾ ,ਡਾਕਟਰ ਨਵਜੋਤ ਕੌਰ ,ਮਿਸ ਜੱਸੀ ਸੰਘਾ, ਦਿਲਰਾਜਪ੍ਰੀਤ ਕੌਰ, ਡਾਕਟਰ ਗੁਰਬੀਰ ਕੌਰ ਨੂੰ ਸਨਮਾਨ ਦਿੱਤਾ ਜਾਵੇਗਾ। ਔਰਤਾਂ ਦੇਸ਼ ਦੇ ਵੱਖ ਵੱਖ ਸੂਬਿਆਂ ਤੋਂ ਹਨ ਜਿਨ੍ਹਾਂ ਨੇ ਆਪਣੇ ਆਪਣੇ ਖੇਤਰ ਵਿੱਚ ਵੱਡੀਆਂ ਉਪਲੱਬਧੀਆਂ ਹਾਸਲ ਕੀਤੀਆਂ ਹਨ ਇਸ ਤੋਂ ਇਲਾਵਾ ਗੁਰੂ ਕਾਸ਼ੀ ਯੂਨੀਵਰਸਿਟੀ ਦੀਆਂ 41 ਲੜਕੀਆਂ ਨੂੰ ਵੀ ਇਸ ਸਮਾਰੋਹ ਦੌਰਾਨ ਸਨਮਾਨਿਤ ਕੀਤਾ ਜਾਵੇਗਾ। ਦੱਸ ਦਈਏ ਕਿ ਸਨਮਾਨ ਵੱਜੋਂ ਇੰਨ੍ਹਾਂ ਹਸਤੀਆਂ ਨੂੰ ਫ਼ੁਲਕਾਰੀ ਅਤੇ ਇੱਕ ਮੌਮੇਂਟੋਂ ਦਿੱਤਾ ਜਾਵੇਗਾ।