ਬਠਿੰਡਾ: ਖੇਤੀ ਕਾਨੂੰਨ ਖ਼ਿਲਾਫ਼ ਕਿਸਾਨਾਂ ਦਾ ਅੰਦੋਲਨ ਆਏ ਦਿਨ ਨਵੇਂ ਰੂਪ ਵਿੱਚ ਤਬਦੀਲ ਹੁੰਦਾ ਜਾ ਰਿਹਾ ਹੈ ਜਿਸ ਵਿੱਚ ਹੁਣ ਕਿਸਾਨਾਂ ਨੇ ਆਪਣੇ ਪਰਿਵਾਰ ਅਤੇ ਬੱਚੇ ਵੀ ਸ਼ਾਮਲ ਕਰ ਲਏ ਹਨ। ਬਠਿੰਡਾ ਵਿੱਚ ਲਗਾਏ ਗਏ ਕਿਸਾਨੀ ਮੋਰਚੇ ਵਿੱਚ 13 ਸਾਲ ਦੇ ਬੱਚੇ ਨਿੰਦਰ ਨੇ ਵੀ ਖੇਤੀ ਕਾਨੂੰਨ ਖ਼ਿਲਾਫ਼ ਆਪਣੀ ਆਵਾਜ ਬੁਲੰਦ ਕੀਤੀ।
ਗੀਤ ਰਾਹੀਂ 13 ਸਾਲ ਬੱਚੇ ਨੇ ਕਿਸਾਨਾਂ ਦਾ ਦਰਦ ਕੀਤਾ ਬਿਆਨ 8ਵੀਂ ਜਮਾਤ ਵਿੱਚ ਪੜ੍ਹਦੇ ਛੋਟੀ ਉਮਰ ਵਿੱਚ ਨਿੰਦਰ ਨੇ ਕਿਸਾਨਾਂ ਦੀ ਜ਼ਿੰਦਗੀ ਬਿਆਨ ਕਰਦਿਆਂ ਇੱਕ ਗੀਤ ਲਿਖਿਆ ਹੈ। ਇਸ ਛੋਟੀ ਉਮਰ ਵਿੱਚ ਨਿੰਦਰ ਨੇ ਗੀਤ ਵਿੱਚ ਕਿਸਾਨ ਨੂੰ ਲੱਖਾਂ ਦੀ ਫਸਲ ਵੇਚਕੇ ਆੜ੍ਹਤੀਆਂ ਦਾ ਵਿਆਜ ਉਤਾਰਣ, ਘਰ ਖਾਲੀ ਹੱਥ ਪਰਤਣ ਤੇ ਹਾਲਾਤਾਂ ਨੂੰ ਗੀਤ ਰਾਹੀਂ ਬਿਆਨ ਕੀਤਾ ਹੈ।
ਦੂਜੇ ਪਾਸੇ ਇਸ ਬੱਚੇ ਨੇ ਦੱਸਿਆ ਕਿ ਉਹ ਕਿਸਾਨ ਅੰਦੋਲਨ ਵਿੱਚ ਸਟੇਜਾਂ ਉੱਤੇ ਵੀ ਸੰਬੋਧਨ ਕਰਦਾ ਹੈ ਅਤੇ ਉਸ ਦੇ ਹਾਣ ਪਰਵਾਣ ਦੇ ਕਈ ਬੱਚੇ ਹੈ ਜੋ ਇਸ ਅੰਦੋਲਨ ਵਿੱਚ ਸ਼ਿਰਕਤ ਕਰ ਰਹੇ ਹਨ।
