ਬਰਨਾਲਾ: ਤਕਨੀਕ ਦੇ ਇਸ ਯੁਗ 'ਚ ਚਿੱਠੀ ਪੱਤਰਾਂ ਲਈ ਸ਼ੁਰੂ ਹੋਈ ਡਾਕ ਸੇਵਾ ਪੂਰੀ ਤਰ੍ਹਾਂ ਡਿਜੀਟਲ ਹੋ ਚੁੱਕੀ ਹੈ। ਹੁਣ ਇਸ ਸੇਵਾ ਰਾਹੀਂ ਲੋਕਾਂ ਨੂੰ ਚਿੱਠੀ ਪੱਤਰ ਭੇਜਣ ਦੇ ਨਾਲ ਨਾਲ ਆਨਲਾਈਨ ਸੁਵਿਧਾਵਾਂ ਵੀ ਮਿਲ ਰਹੀਆਂ ਹਨ। ਡਾਕ ਵਿਭਾਗ ਵਲੋਂ ਡਾਕ ਸੇਵਾ ਨਾਲ ਹੁਣ ਬੈਕਿੰਗ ਸੁਵਿਧਾਵਾਂ ਵੀ ਸ਼ੁਰੂ ਹੋ ਗਈਆਂ ਹਨ।
ਜਾਣਕਾਰੀ ਦਿੰਦਿਆਂ ਜ਼ਿਲ੍ਹਾ ਅਧਿਕਾਰੀ ਨਿਸ਼ਾ ਨੇ ਦੱਸਿਆ ਕਿ ਡਿਜੀਟਲ ਹੋਣ ਨਾਲ ਦੇਰੀ ਨਾਲ ਪਹੁੰਚਣ ਵਾਲੀ ਡਾਕ ਹੁਣ ਸਮੇਂ ਸਿਰ ਪਹੁੰਚਦੀ ਹੈ। ਕਈ ਕਈ ਦਿਨ ਵਿੱਚ ਪਹੁੰਚਣ ਵਾਲੀ ਡਾਕ ਹੁਣ ਇੱਕ ਅੱਧ ਦਿਨ ਵਿੱਚ ਹੀ ਇੱਕ ਜਗਾ ਤੋਂ ਦੂਜੀ ਥਾਂ 'ਤੇ ਪਹੁੰਚ ਰਹੀ ਹੈ। ਡਾਕ ਘਰਾਂ ਵਿੱਚ ਵੀ ਕੰਪਿਊਟਰ ’ਤੇ ਕੰਮ ਸ਼ੁਰੂ ਹੋ ਚੁੱਕਿਆ ਹੈ।
ਡਾਕ ਘਰ 'ਚ ਸੁਰੂ ਹੋਈਆਂ ਨਵੀਆਂ ਸੇਵਾਵਾਂ
ਨਿਸ਼ਾ ਨੇ ਦੱਸਿਆ ਕਿ ਡਾਕ ਘਰ 'ਚ ਹੁਣ ਬੈਂਕ ਸੇਵਾ ਵੀ ਸ਼ੁਰੂ ਹੋ ਚੁੱਕੀ ਹੈ ਜਿਸ ਰਾਹੀਂ ਹੁਣ ਲੋਕ ਸੌਖੇ ਤਰੀਕੇ ਨਾਲ ਘਰ ਬੈਠੇ ਪੈਸੇ ਟਰਾਂਸਫਰ ਕਰ ਸਕਦੇ ਹਨ। ਉਨ੍ਹਾਂ ਕਿਹਾ ਕਿ ਸਿਨੀਅਰ ਸਿਟੀਜਨ ਲਈ ਵੱਖਰੀਆਂ ਸੇਵਾਵਾਂ ਉਪਲਬੱਧ ਹਨ। ਬੈਂਕਿੰਗ ਰਾਹੀਂ ਏਟੀਐਮ ਸੇਵਾ ਵੀ ਮਿਲ ਰਹੀ ਹੈ। ਲੰਬੇ ਸਮੇਂ ਐਫਡੀ ਸੁਵਿਧਾ ਵੀ ਡਾਕ ਵਿਭਾਗ ਦੇ ਰਿਹਾ ਹੈ। ਹੁਣ ਪੈਸੇ ਦਾ ਆਨਲਾਈਨ ਲੈਣ ਦੇਣ ਵੀ ਕੀਤਾ ਜਾ ਸਕਦਾ ਹੈ। ਇਸ ਤੋਂ ਇਲਾਵਾ ਜੀਵਨ ਬੀਮਾ ਦੀ ਸੁਵਿਧਾ ਵੀ ਡਾਕ ਸੇਵਾ ਵਿੱਚ ਸ਼ਾਮਲ ਹੋ ਗਈ ਹੈ। ਹੁਣ ਡਾਕ ਘਰ 'ਚ ਐਫਡੀ, ਸੇਵਿੰਗ ਖਾਤੇ, ਏਟੀਐਮ ਅਤੇ ਆਨਲਾਈਨ ਬੈਂਕਿੰਗ ਦੀ ਸੁਵਿਧਾ ਦਿੱਤੀ ਜਾ ਰਹੀ ਹੈ। ਡਾਕ ਵਿਭਾਗ ਰਾਹੀਂ ਹੁਣ ਪੈਨਸ਼ਨ ਦੀ ਸੁਵਿਧਾ ਵੀ ਦਿੱਤੀ ਜਾ ਰਹੀ ਹੈ। ਹੋਰਨਾਂ ਬੈਂਕਾਂ ਵਾਂਗ ਆਨਲਾਈਨ ਪੈਸੇ ਦਾ ਲੈਣ ਦੇਣ ਵੀ ਕੀਤਾ ਜਾ ਸਕਦਾ ਹੈ।
ਡਿਜੀਟਲ ਹੋਣ ਕਾਰਨ ਕੰਮ 'ਚ ਆਈ ਰਫ਼ਤਾਰ