ਅੰਮ੍ਰਿਤਸਰ: ਮਾਮਲਾ ਅੰਮ੍ਰਿਤਸਰ ਦੇ ਛੇਹਰਟਾ ਦੇ ਮਾਡਲ ਟਾਊਨ ਦਾ ਹੈ ਜਿਥੋਂ ਦੇ ਇੱਕ ਵਿਆਹੁਤਾ ਜੋੜੇ ਵਲੋਂ ਸੜਕ ‘ਤੇ ਆ ਆਪਣੇ ਹੀ ਘਰਵਾਲਿਆਂ ਦੇ ਖਿਲਾਫ਼ ਧਰਨਾ ਲਗਾਇਆ ਗਿਆ ਹੈ। ਰੋਸ ਪ੍ਰਦਰਸ਼ਨ ਕਰਦਿਆਂ ਵਿਆਹੁਤਾ ਜੋੜੇ ਵੱਲੋਂ ਘਰਵਾਲਿਆਂ ‘ਤੇ ਦਾਜ ਲੈਣ ਨੂੰ ਲੈਕੇ ਤੰਗ ਪਰੇਸ਼ਾਨ ਕਰਨ ਦੇ ਇਲਜ਼ਾਮ ਲਗਾਏ ਗਏ ਹਨ।
ਵਿਆਹੁਤਾ ਜੋੜਾ ਆਪਣੇ ਹੀ ਘਰਵਾਲਿਆਂ ਖਿਲਾਫ਼ ਕਿਉਂ ਆਇਆ ਸੜਕਾਂ ‘ਤੇ
ਇਸ ਸਬੰਧੀ ਗੱਲਬਾਤ ਕਰਦਿਆਂ ਲੜਕਾ ਜੋਬਨਜੀਤ ਸਿੰਘ ਅਤੇ ਲੜਕੀ ਸੰਦੀਪ ਕੌਰ ਨੇ ਦੱਸਿਆ ਕਿ ਉਨ੍ਹਾਂ ਦਾ ਵਿਆਹ ਛੇ ਮਹੀਨੇ ਪਹਿਲਾਂ ਹੋਇਆ ਸੀ। ਉਨ੍ਹਾਂ ਦੱਸਿਆ ਕਿ ਉਹ ਇੱਕ ਦੂਜੇ ਦੇ ਨਾਲ ਪਿਆਰ ਨਾਲ ਆਪਣਾ ਜੀਵਨ ਬਤੀਤ ਕਰ ਰਹੇ ਹਨ। ਪੀੜਤ ਲੜਕੀ ਨੇ ਦੱਸਿਆ ਕਿ ਉਸਦੀ ਸੱਸ ਨਰਿੰਦਰ ਕੌਰ ਅਤੇ ਨਨਾਣ ਰਾਜਵਿੰਦਰ ਕੌਰ ਸਵੇਰੇ ਉੱਠਦੇ ਸਾਰ ਤੋਂ ਗਾਲਾਂ ਕੱਢਦੇ ਹਨ ਅਤੇ ਦਾਜ ਦੀ ਮੰਗ ਕਰ ਤਾਹਣੇ ਮੇਹਣੇ ਮਾਰਦੇ ਹਨ।