ਅੰਮ੍ਰਿਤਸਰ: ਹਿੰਦੂ ਧਰਮ ਵਿੱਚ ਨਵਰਾਤਰਿਆਂ ਦੇ ਤਿਉਹਾਰ ਦਾ ਬਹੁਤ ਮਹੱਤਵ ਹੈ। ਨਵਰਾਤਰੇ ਦਾ ਤਿਉਹਾਰ 9 ਦਿਨ ਚੱਲਦਾ ਹੈ ਜੋ ਕਿ 25 ਮਾਰਚ ਤੋਂ ਸ਼ੁਰੂ ਹੋ ਚੁੱਕਾ ਹੈ ਪਰ ਕੋਰੋਨਾ ਦੇ ਖ਼ੌਫ਼ ਕਰਕੇ ਸ਼ਰਧਾਲੂ ਘਰਾਂ ਤੱਕ ਸੀਮਤ ਹੋ ਕੇ ਰਹਿ ਗਏ ਹਨ। ਈਟੀਵੀ ਭਾਰਤ ਵੱਲੋਂ ਜਦੋਂ ਅੰਮ੍ਰਿਤਸਰ ਵਿੱਚ ਸਥਿਤ ਦੁਰਗਿਆਣਾ ਸੀਤਲਾ ਮੰਦਰ ਵਿੱਚ ਜਾ ਕੇ ਦੇਖਿਆ ਤਾਂ ਸੁੰਨਸਾਨ ਪਸਰੀ ਹੋਈ ਸੀ, ਸਿਰਫ ਪੁਲਿਸ ਮੁਲਾਜ਼ਮ ਅਤੇ ਡਾਕਟਰੀ ਟੀਮਾਂ ਹੀ ਬੈਠੀਆਂ ਹੋਈਆਂ ਸਨ।
ਵੇਖੋ ਵੀਡੀਓ
ਇਸ ਮੌਕੇ ਮੁਹੱਲਾ ਕਮੇਟੀ ਦੀ ਪ੍ਰਧਾਨ ਮਨਸਾ ਤਿਵਾਰੀ ਨੇ ਕਿਹਾ ਕਿ 25 ਮਾਰਚ ਤੋਂ ਨਵਰਾਤਰੇ ਸ਼ੁਰੂ ਹੋ ਚੁੱਕੇ ਹਨ ਤੇ ਲੋਕ ਨਾ-ਮਾਤਰ ਹੀ ਆ ਰਹੇ ਹਨ ਤੇ ਲੋਕਾਂ ਨੂੰ ਕਰਫਿਊ ਕਰਕੇ ਬਾਹਰ ਆਉਣ ਜਾਣ ਦੀ ਸਮੱਸਿਆ ਹੈ।