ਸ਼ਵੇਤ ਮਲਿਕ ਬਰਸਾਤੀ ਡੱਡੂ ਤੋਂ ਇਲਾਵਾ ਕੁਝ ਨਹੀਂ:ਨਵਜੋਤ ਸਿੱਧੂ

ਅੰਮ੍ਰਿਤਸਰ 'ਚ ਨਵਜੋਤ ਸਿੰਘ ਸਿੱਧੂ ਨੇ ਕੀਤਾ ਰੇਲਵੇ ਪੁੱਲ ਦਾ ਉਦਘਾਟਨ। ਇਸ ਦੌਰਾਨ ਸ਼ਵੇਤ ਮਲਿਕ 'ਤੇ ਸਾਧਿਆ ਨਿਸ਼ਾਨਾ ਕਿਹਾ ਜੇ ਮੈਨੂੰ ਸਵਾਲ ਕਰਨਾ ਹੈ ਤਾਂ ਪਹਿਲਾਂ ਮਿਊਂਸੀਪਲ ਕਾਰਪੋਰੇਸ਼ਨ ਦੀਆ ਚੋਣਾਂ ਜਿੱਤ ਕੇ ਵਿਖਾਵੇ।

ਅੰਮ੍ਰਿਤਸਰ: ਸ਼ਹਿਰ ਵਿੱਚ ਕੈਬਿਨੇਟ ਮੰਤਰੀ ਨਵਜੋਤ ਸਿੰਘ ਸਿੱਧੂ ਨੇ ਰੇਲਵੇ ਪੁਲ ਦਾ ਉਦਘਾਟਨ ਕੀਤਾ। ਇਸ ਦੌਰਾਨ ਕੈਬਿਨੇਟ ਮੰਤਰੀ ਨਵਜੋਤ ਸਿੰਘ ਸਿੱਧੂ ਨੇ ਪੰਜਾਬ ਭਾਜਪਾ ਪ੍ਰਧਾਨ ਸ਼ਵੇਤ ਮਲਿਕ 'ਤੇ ਤੰਜ਼ਕੱਸਦਿਆਂ ਕਿਹਾ ਕਿ ਜੇ ਸਿੱਧੂ ਨੂੰ ਕੋਈ ਸਵਾਲ ਕਰਨਾ ਹੈ ਤਾਂ ਪਹਿਲਾਂ ਮਿਊਂਸੀਪਲ ਕਾਰਪੋਰੇਸ਼ਨ ਦੀਆ ਚੋਣਾਂ ਜਿੱਤ ਕੇ ਵਿਖਾਵੇ ਫਿਰ ਉਨ੍ਹਾਂ ਨੂੰ ਕੋਈ ਸਵਾਲ ਕਰੇ। ਸਿੱਧੂ ਨੇ ਮਲਿਕ 'ਤੇ ਸ਼ਬਦੀ ਵਾਰ ਕਰਦਿਆਂ ਕਿਹਾ ਕਿ ਉਹ ਬਰਸਾਤੀ ਡੱਡੂ ਹਨ,ਸਿਵਾਏ ਗੱਲਾਂ ਦੇ ਓਹ ਕੁਝ ਨਹੀਂ ਕਰ ਸਕਦਾ।

ਕੈਬਿਨੇਟ ਮੰਤਰੀ ਸਿੱਧੂ ਨੇ ਕਿਹਾ ਕਿ ਮਲਿਕ ਦੋ ਵਾਰ ਐੱਮ.ਸੀ ਦੀਆ ਚੋਣਾਂ ਹਾਰੇ ਹਨ। ਸਿੱਧੂ ਨੇ ਕਿਹਾ ਕਿ ਮਲਿਕ ਬਰਸਾਤੀ ਡੱਡੂ ਹਨ ਤੇ ਬਰਸਾਤ ਆਉਣ 'ਤੇ ਹੀ ਅਵਾਜ਼ਾਂ ਕੱਢਦੇ ਹਨ ਪਰ ਕੋਇਲ ਨੂੰ ਕੋਈ ਫ਼ਰਕ ਨਹੀਂ ਪੈਂਦਾ।
ਦੱਸ ਦਈਏ, ਨਵਜੋਤ ਸਿੰਘ ਸਿੱਧੂ ਰੇਲਵੇ ਪੁੱਲ ਦਾ ਉਦਘਾਟਨ ਕਰਨ ਆਏ ਸਨ। ਸਿੱਧੂ ਨੇ ਕਿਹਾ ਕਿ ਜਦੋ ਉਹ ਮੈਂਬਰ ਪਾਰਲੀਮੈਂਟ ਸੀ ਉਸ ਵੇਲੇ 7 ਕਰੋੜ ਰੁਪਏ ਵਿੱਚ ਇਕ ਪੁੱਲ ਬਣਦਾ ਸੀ ਪਰ ਹੁਣ ਉਹ ਪੁੱਲ 15 ਕਰੋੜ ਵਿੱਚ ਬਣ ਰਿਹਾ ਹੈ। ਸ਼ਹਿਰ ਵਿੱਚ ਪੰਜ ਰੇਲਵੇ ਪੁੱਲ ਬਣਾਏ ਜਾਣੇ ਹਨ ਜਿਸ ਨਾਲ ਸ਼ਹਿਰ ਵਿੱਚ ਟ੍ਰੈਫਿਕ ਦੀ ਮੁਸ਼ਕਲ ਘੱਟ ਜਾਵੇਗੀ ।