ਅੰਮ੍ਰਿਤਸਰ: 6 ਨਕਾਬਪੋਸ਼ ਲੁਟੇਰਿਆਂ ਵੱਲੋ ਹਥਿਆਰਾਂ ਦੀ ਨੋਕ ਤੇ ਚੋਰੀ ਕੀਤੀ ਗਈ। ਦੇਰ ਰਾਤ ਘਰ 'ਚ ਚੋਰੀ ਕਰਦਿਆਂ ਚੋਰ ਨੇ ਦਾਤਰ ਮਾਰਕੇ ਘਰ ਦੇ ਇਕ ਵਿਅਕਤੀ ਨੂੰ ਜ਼ਖਮੀ ਵੀ ਕਰ ਦਿੱਤਾ। ਪੁਲੀਸ ਥਾਣਾ ਲੋਪੋਕੇ ਅਧੀਨ ਆਉਂਦੇ ਪਿੰਡ ਭੀਲੋਵਾਲ 'ਚ ਇਕ ਵਿਅਕਤੀ ਹਰਭਜਨ ਦੇ ਘਰ ਬੀਤੀ ਦੇਰ ਰਾਤ 6 ਲੁਟੇਰਿਆਂ ਵਲੋਂ ਹਥਿਆਰਾਂ ਦੀ ਨੋਕ ਤੇ ਪਰਿਵਾਰ ਨੂੰ ਬੰਦੀ ਬਣਾ 2 ਤੋਲੇ ਸੋਨਾ, ਨਕਦੀ ਅਤੇ ਹੋਰ ਸਮਾਨ ਲੁੱਟ ਕੇ ਫਰਾਰ ਹੋਣ ਦਾ ਮਾਮਲਾ ਸਾਹਮਣੇ ਆਇਆ ਹੈ। ਜਿਸ ਵਿਚ ਮਕਾਨ ਮਾਲਕ ਹਰਭਜਨ ਸਿੰਘ ਦੀ ਲੱਤ ਤੇ ਲੁਟੇਰਿਆਂ ਨੇ ਦਾਤਰ ਮਾਰਕੇ ਵਿਅਕਤੀ ਨੂੰ ਜਖ਼ਮੀ ਕਰ ਦਿੱਤਾ।
ਲੁਟੇਰਿਆਂ ਵੱਲੋਂ ਹਥਿਆਰਾਂ ਦੀ ਨੋਕ ਤੇ ਫੇਰਿਆ ਹੱਥ
ਇਸ ਸਬੰਧੀ ਮਕਾਨ ਮਾਲਕ ਹਰਭਜਨ ਸਿੰਘ ਨੇ ਕਿਹਾ ਕਿ ਉਹ ਬੀਤੀ ਰਾਤ ਘਰ ਵਿਚ ਸੁੱਤੇ ਪਏ ਸੀ ਤਾਂ ਕਰੀਬ 6 ਚੋਰ ਹਥਿਆਰ ਅਤੇ ਤੇਜਧਾਰ ਵਸਤੂ ਨਾਲ ਉਹਨਾਂ ਤੇ ਹਮਲਾ ਕੀਤਾ ਅਤੇ ਘਰ 'ਚ ਪਿਆ ਕਰੀਬ ਦੋ ਤੋਲੇ ਸੋਨਾ, 42 ਹਜ਼ਾਰ ਨਕਦੀ ਤੇ ਹੋਰ ਸਮਾਨ ਚੋਰੀ ਕਰ ਕੇ ਲੈ ਗਏ।