ਲਿਫਟਿੰਗ ਨਾ ਹੋਣ ਕਾਰਨ ਦਾਣਾ ਮੰਡੀ ਨੂੰ ਜੜਿਆ ਜਿੰਦਰਾ

ਲਿਫਟਿੰਗ ਨਾ ਹੋਣ ਕਾਰਨ ਅੰਮ੍ਰਿਤਸਰ ਦੀ ਦਾਣਾ ਮੰਡੀ ਵਿੱਚ ਤਾਲਾ ਲੱਗਾ, ਮਜ਼ਦੂਰ ਅਤੇ ਆੜਤੀਆਂ ਨੇ ਕੀਤੀ ਹੜਤਾਲ, ਮੀਂਹ ਕਾਰਨ ਵਧੀ ਮੁਸ਼ਕਿਲ ਖ਼ਰਾਬ ਹੋ ਰਹੀ ਕਣਕ

ਅੰਮ੍ਰਿਤਸਰ: ਪੰਜਾਬ ਸਰਕਾਰ ਨੇ 10 ਅਪ੍ਰੈਲ ਤੋਂ ਮੰਡੀਆਂ 'ਚ ਲਿਫਟਿੰਗ ਕਰਨ ਦਾ ਦਾਅਵਾ ਕੀਤਾ ਸੀ। ਪਰ ਅੰਮ੍ਰਿਤਸਰ ਦੀ ਭਗਤਾ ਵਾਲਾ ਦਾਣਾ ਮੰਡੀ 'ਚ ਕਣਕ ਦੀ ਲਿਫਟਿੰਗ ਨਹੀਂ ਹੋ ਰਹੀ। ਜਿਸਦੇ ਚੱਲਦਿਆ ਮਜ਼ਦੂਰ ਆੜ੍ਹਤੀ ਹੜਤਾਲ਼ ਤੇ ਚਲੇ ਗਏ ਹਨ, ਤੇ ਮੰਡੀ ਨੂੰ ਤਾਲਾ ਲਗਾ ਦਿੱਤਾ ਹੈ।

ਆੜ੍ਹਤੀ ਪ੍ਰਧਾਨ ਅਮਨਦੀਪ ਸਿੰਘ ਛੀਨਾ ਦਾ ਕਹਿਣਾ ਹੈ, ਕਿ ਜਿਸ ਵਿਅਕਤੀ ਨੂੰ ਲਿਫਟਿੰਗ ਦਾ ਠੇਕਾ ਦਿੱਤਾ ਗਿਆ ਹੈ। ਉਹ ਗੱਡੀਆਂ ਦੀ ਘਾਟ ਕਾਰਨ ਲਿਫਟਿੰਗ ਨਹੀਂ ਕਰ ਰਿਹਾ, ਦੂਜਾ ਮੁੱਦਾ ਇਹ ਹੈ, ਕਿ ਮੀਂਹ ਵਿੱਚ ਸਾਰੀ ਕਣਕ ਖਰਾਬ ਹੋ ਰਹੀ ਹੈ। ਉਨ੍ਹਾਂ ਕਿਹਾ ਕਿ ਇਸ ਨੁਕਸਾਨ ਦੀ ਜ਼ਿੰਮੇਵਾਰ ਸਰਕਾਰ ਅਤੇ ਠੇਕੇਦਾਰ ਹਨ। ਓਧਰ ਮਜ਼ਦੂਰਾਂ ਦਾ ਕਹਿਣਾ ਹੈ, ਕਿ ਉਹਨਾਂ ਨੂੰ ਜਿਆਦਾ ਕੰਮ ਕਰਨਾ ਪੈ ਰਿਹਾ ਹੈ। ਪਰ ਉਹਨਾਂ ਨੂੰ ਪੈਸੇ ਵੀ ਨਹੀਂ ਮਿਲ ਰਹੇ। ਇਸ ਸਥਿਤੀ ਵਿੱਚ ਉਹ ਕੰਮ ਨਹੀਂ ਕਰਨਗੇ।