ਅੰਮ੍ਰਿਤਸਰ: ਪਾਕਿਸਤਾਨ ਦੇ ਲਾਹੌਰ ਪਿੰਡ ਤਾਣਾ ਦਾ ਰਹਿਣ ਵਾਲਾ ਰਜਾ ਅਲੀ ਜੋ ਕਿ ਸਾਲ 2017 'ਚ ਗਲਤੀ ਨਾਲ ਘੁੰਮਦੇ ਹੋਏ ਬਾਰਡਰ ਲੰਘ ਭਾਰਤ ਸੀਮਾ 'ਚ ਦਾਖਿਲ ਹੋ ਗਿਆ ਸੀ। ਜਿਸ ਨੂੰ ਥਾਣਾ ਵਲਟੋਹਾ ਦੀ ਪੁਲਿਸ ਵਲੋਂ ਗ੍ਰਿਫ਼ਤਾਰ ਕਰ ਜੇਲ੍ਹ 'ਚ ਭੇਜਿਆ ਗਿਆ ਸੀ। ਜਿਸਦੀ ਸਜਾ ਪੂਰੀ ਹੋਣ ਤੋਂ ਬਾਅਦ ਤਕਰੀਬਨ ਚਾਰ ਸਾਲ ਬਾਅਦ ਅਟਾਰੀ ਵਾਹਗਾ ਸਰਹੱਦ ਰਾਹੀ ਉਸਦੇ ਮੁਲਕ ਪਾਕਿਸਤਾ ਵਾਪਿਸ ਭੇਜਿਆ ਗਿਆ ਹੈ।
ਗਲਤੀ ਨਾਲ ਭਾਰਤ ਦਾਖਲ ਹੋਏ ਪਾਕਿਸਤਾਨੀ ਦੀ ਹੋਈ ਘਰ ਵਾਪਸੀ
ਇਸ ਸੰਬਧੀ ਜਾਣਕਾਰੀ ਦਿੰਦਿਆਂ ਅਟਾਰੀ ਵਾਹਗਾ ਸਰਹੱਦ ਦੇ ਪਰੋਟੌਕੌਲ ਅਧਿਕਾਰੀ ਅਰੁਣ ਕੁਮਾਰ ਨੇ ਦੱਸਿਆ ਕਿ ਪਾਕਿਸਤਾਨ ਦੇ ਲਾਹੌਰ ਪਿੰਡ ਤਾਣਾ ਦਾ ਰਹਿਣ ਵਾਲਾ ਰਜਾ ਅਲੀ ਸਾਲ 2017 'ਚ ਗਲਤੀ ਨਾਲ ਭਾਰਤ ਸੀਮਾ 'ਚ ਦਾਖਿਲ ਹੋ ਗਿਆ ਸੀ। ਜੋ ਤਕਰੀਬਨ ਚਾਰ ਸਾਲ ਦੀ ਆਪਣੀ ਸਜਾ ਤੋਂ ਬਾਅਦ ਪਾਕਿਸਤਾਨ ਪਰਤ ਰਿਹਾ ਹੈ। ਉਨ੍ਹਾਂ ਦੱਸਿਆ ਕਿ ਇਸ ਦਾ ਦੂਜਾ ਸਾਥੀ ਹਾਈਕੋਰਟ ਵਲੋਂ ਕੁਝ ਕਾਰਨਾਂ ਕਾਰਨ ਨਹੀ ਜਾ ਪਾ ਰਿਹਾ, ਜਿਸਦਾ ਨਾਮ ਮੁਹੰਮਦ ਰਮਜਾਨ ਹੈ। ਜਿਸ ਦਾ ਸਰਕਾਰੀ ਆਦੇਸ਼ਾਂ ਤੋਂ ਬਾਅਦ ਹੀ ਜਾਣਾ ਸੰਭਵ ਹੋਏਗਾ।