ਅੰਮ੍ਰਿਤਸਰ: ਸੂਬੇ ਵਿੱਚ ਕਰੋਨਾ ਮਹਾਂਮਾਰੀ ਦੇ ਫੈਲਾਅ ਨੂੰ ਰੋਕਣ ਲਈ ਕੈਪਟਨ ਸਰਕਾਰ ਵਲੋਂ ਲਏ ਫੈਸਲੇ ਕਾਰੋਬਾਰੀਆਂ ਲਈ ਡਾਹਢੀ ਚਿੰਤਾ ਦਾ ਵਿਸ਼ਾ ਬਣੇ ਹੋਏ ਹਨ। ਕਿਉਂਕਿ ਸਰਕਾਰ ਵਲੋਂ ਬੀਤੇ ਦਿਨ ਮੁੜ ਆਪਣੇ ਫੈਸਲੇ ਨੂੰ 10 ਜੂਨ ਤੱਕ ਹਾਲੇ ਲਾਗੂ ਰੱਖਣ ਦੀ ਗੱਲ ਕਹੀ ਗਈ ਹੈ, ਜਿਸ ਤੋਂ ਅੱਕੇ ਕਾਰੋਬਾਰੀਆਂ ਵਲੋਂ ਸਰਕਾਰ ਨੂੰ ਆਪਣੇ ਫੈਸਲੇ ਤੇ ਮੁੜ ਵਿਚਾਰ ਕਰਨ ਦੀ ਗੱਲ ਕਹੀ ਗਈ ਹੈ।
ਅੰਮ੍ਰਿਤਸਰ ’ਚ ਬੰਦ ਪਏ ਬਜ਼ਾਰ ਦਾ ਦ੍ਰਿਸ਼
ਇਸ ਮੌਕੇ ਦੁਕਾਨਦਾਰਾਂ ਦਾ ਕਹਿਣਾ ਹੈ ਕਿ ਲੀਡਰਾਂ ਦੀਆਂ ਪਾਰਟੀਆਂ ਵਿੱਚ ਤਾਂ ਕਰੋਨਾ ਨਹੀਂ ਫੈਲ ਰਿਹਾ ਹੈ ਤਾਂ ਫਿਰ ਸੱਜੇ ਖੱਬੇ ਦੁਕਾਨਾਂ ਖੋਲਣ ਨਾਲ ਕਿਵੇਂ ਫੈਲਦਾ ਹੈ, ਸਰਕਾਰ ਸਪੱਸ਼ਟ ਕਰੇ। ਉਨ੍ਹਾਂ ਕਿਹਾ ਕਿ ਉਹ ਸਰਕਾਰ ਕੋਲੋਂ ਮੰਗ ਕਰਦੇ ਹਨ ਅਤੇ ਨਾਲ ਹੀ ਡਿਪਟੀ ਕਮਿਸ਼ਨਰ ਕੋਲੋਂ ਵੀ ਮੰਗ ਕਰਦੇ ਹਨ ਕਿ ਉਨ੍ਹਾਂ ਨੂੰ ਸਮਾਂ ਚਾਹੇ ਥੋੜਾ ਦਿੱਤਾ ਜਾਵੇ ਪਰ ਦੁਕਾਨਾਂ ਰੋਜ਼ਾਨਾਂ ਖੁਲਵਾਈਆਂ ਜਾਣ।