ਅੰਮ੍ਰਿਤਸਰ: ਬਟਾਲਾ ਰੋਡ ਵਿਖੇ ਥਾਣਾ ਮੋਹਕਮਪੁਰਾ ਦੇ ਇਲਾਕਾ ਨਿਊ ਪ੍ਰੀਤ ਨਗਰ ਵਿੱਚ ਉਸ ਵੇਲ੍ਹੇ ਸਨਸਨੀ ਫੈਲ ਗਈ ਜਦੋਂ ਕਿਰਾਏ ਉੱਤੇ ਰਹਿ ਰਹੇ ਪਰਿਵਾਰ ਚੋਂ ਮਾਂ-ਧੀ ਨੂੰ ਮਕਾਨ ਮਾਲਕਿਨ ਨੇ ਜਾਨੋਂ ਮਾਰ ਦਿੱਤਾ। ਦੋਹਾਂ ਦੀਆਂ ਲਾਸ਼ਾਂ ਨੂੰ ਟਿਕਾਣੇ ਲਗਾ ਕੇ ਮੁਲਜ਼ਮ ਆਪ ਫ਼ਰਾਰ ਹੋ ਗਈ ਸੀ ਜਿਸ ਨੂੰ ਪੁਲਿਸ ਨੇ ਰੇਲਵੇ ਸਟੇਸ਼ਨ ਤੋਂ ਗ੍ਰਿਫਤਾਰ ਕਰ ਲਿਆ।
ਵੇਖੋ ਵੀਡੀਓ
ਮਕਾਨ ਮਾਲਕਿਨ ਦੇ ਬੇਟੇ ਨੇ ਪੁਲਿਸ ਨੂੰ ਥਾਣੇ ਵਿੱਚ ਜਾ ਕੇ ਸੂਚਨਾ ਦਿੱਤੀ ਕਿ ਉਸ ਦੀ ਮਾਂ ਨੇ ਜੋ ਘਰ ਵਿਚ ਕਿਰਾਏਦਾਰ ਰੱਖੇ ਸੀ ਉਸ ਦੀ ਪਤਨੀ ਤੇ ਬੱਚੀ ਦਾ ਕਤਲ ਕਰ ਲਾਸ਼ਾਂ ਗਾਇਬ ਕਰ ਦਿੱਤੀਆਂ। ਪੁਲਿਸ ਨੇ ਮੌਕੇ 'ਤੇ ਹੀ ਕਾਰਵਾਈ ਕਰਦਿਆਂ ਉਸ ਮਕਾਨ ਮਾਲਕਿਨ ਔਰਤ ਨੂੰ ਰੇਲਵੇ ਸਟੇਸ਼ਨ ਤੋਂ ਕਾਬੂ ਕਰ ਲਿਆ ਤੇ ਜਦੋਂ ਪੁਲਿਸ ਨੇ ਸਖ਼ਤੀ ਨਾਲ ਪੁੱਛਗਿੱਛ ਕੀਤੀ ਤਾਂ ਉਸ ਨੇ ਦੱਸਿਆ ਕਿ ਬੱਚੀ ਦੀ ਲਾਸ਼ ਮਿੱਟੀ ਵਿਚ ਦੱਬੀ ਹੈ ਤੇ ਔਰਤ ਦੀ ਲਾਸ਼ ਰੇਲਵੇ ਲਾਈਨਾਂ ਵੱਲ ਸੁੱਟ ਆਈ ਸੀ।